جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

چىن چۋانگو، ليۋ چي، شوكىرات زاكىر، لي پىڭشين قيمىلعا قاتىناستى

  تىلشىلەرىمىز ياۋ تۇڭ، لي ياڭ، ۋاڭ شيڭرۇي 6 - ايدىڭ 20 - كۇنى اتۇشتان حابارلايدى. 6 - ايدىڭ 18 - كۇنىنەن 20 - كۇنىنە دەيىن، جياڭشي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ليۋ چي جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتارلىلار قيمىلعا قاتىناستى.

  اۆتونوميالى رايون جياڭشي ولكەسىنىڭ پارتيا، ۇكىمەت ۋاكىلدەر ۇيىرمەسىمەن ىلگەرىندى - كەيىندى قىزمەت كەڭەسىن جانە جياڭشي. شينجياڭ ۇيعۇر اۆتونوميالى رايونى باعىتتامالى كومەكتەسۋ قىزمەتى اڭگىمە ءماجىلىسىن وتكىزدى. چىن چۋانگو اۆتونوميالى رايوندىق پارتكوم مەن ۇكىمەت اتىنان، سونداي - اق بۇكىل رايونىمىزداعى ءار ۇلت حالقى اتىنان جياڭشي ولكەسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتكەندىگىنە جانە قالتقىسىز كومەك بەرگەندىگىنە شىن ىقىلاسپەن العىس ايتتى. چىن چۋانگو بىلاي دەدى: جياڭشي شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ جياڭشيدە قىزمەت تەكسەرگەندە سويلەگەن ماڭىزدى ءسوزىنىڭ رۋحىن جاپپاي دايەكتىلەندىرىپ، ” ۇلگى بولۋ، ەرلىكپەن العا ۇمتىلۋ“ سىندى رۋحاني قايراتپەن ءورىس اشا العا باسىپ، جاۋاپكەرشىلىك ارقالاپ، ناقتى ءىس ىستەپ، جاڭا داۋىردەگى جياڭشيدىڭ رەفورماسىنىڭ، دامۋىنىڭ جاڭا كارتيناسىن سالدى. ءبىز جياڭشيدىڭ جاقسى تاجىريبەلەرىنەن، جاقسى ادىستەرىنەن، جاقسى ستيلىنەن مۇقيات ۇيرەنەمىز.

  چىن چۋانگو مىنالاردى ءبىلدىردى: جياڭشي ولكەلىك پارتكوم مەن ولكەلىك ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شينجياڭعا باعىتتامالى كومەكتەسۋ قىزمەتىن كەلەلى ساياسي جاۋاپكەرشىلىك ساناپ، كاسىپ سالاسى بويىنشا شينجياڭعا كومەكتەسۋگە، جۇمىستاندىرۋ بويىنشا شينجياڭعا كومەكتەسۋگە، كەدەيلەردى سۇيەمەلدەۋ بويىنشا شينجياڭعا كومەكتەسۋگە، حالىق تۇرمىسى بويىنشا شينجياڭعا كومەكتەسۋگە، وقۋ - اعارتۋ بويىنشا شينجياڭعا كومەكتەسۋگە كۇش ۇيىستىرىپ، قىزىلسۋ قىرعىز اۆتونوميالى وبلىسىنىڭ جاراسىمدىلىعىن، ورنىقتىلىعىن، كەدەيلىكتەن ارىلتۋدان قامال الۋىن، حالىق تۇرمىسىن جاقسارتۋىن، ەكونوميكالىق دامۋىن، ۇلتتار ىنتىماعىن پارمەندى جەبەپ، شينجياڭنىڭ ورنىقتىلىعىنا، دامۋىنا ماڭىزدى ۇلەس قوستى، شينجياڭداعى ءار ۇلت حالقى شىن جۇرەكتەن العىس ايتادى. شينجياڭ ”ءتورت تانىمدى“ ونان ارى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، تۇلعالىق جاۋاپكەرشىلىكتى كۇشەيتىپ، قىزمەت مەحانيزمىن كەمەلدەندىرىپ، ءوزارا تيىمدىلىك جاساپ سەلبەسۋدى تەرەڭدەتىپ، ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، شينجياڭعا باعىتتامالى كومەكتەسۋدىڭ جالپى ونىمدىلىگىن بارىنشا كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىن، جياڭشي حالقىنىڭ قالتقىسىز كومەگىن، شينجياڭعا باعىتتامالى كومەكتەسۋدىڭ وزگەشە ابزالدىلىعىن شينجياڭنىڭ قوعام ورنىقتىلىعىن جانە باياندى تىنىشتىعىن ىلگەرىلەتۋدىڭ مىعىم قوزعاۋشى كۇشىنە شىنايى اينالدىرىپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتىپ، جاپپاي دوڭگەلەك داۋلەتتى قوعام ورناتادى.

  ليۋ چي شينجياڭنىڭ جياڭشيگە زور كۇشپەن قولداۋ كورسەتكەندىگىنە، كومەكتەسكەندىگىنە العىس ايتىپ، مىنالاردى اتاپ كورسەتتى: تاياۋ جىلداردان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بۇلجىماي دايەكتىلەندىرىپ، تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، قوعامدىق كەلەلى جاعدايى ۇزدىكسىز ورنىقتى بولىپ، ەكونوميكالىق دامۋى ورنىقتىلىق بارىسىندا ىلگەرىلەپ، ءار ۇلت بۇقاراسى تىنىش ءومىر، شات - شادىمان تىرشىلىك كەشىپ، شينجياڭ تاريحتاعى ەڭ جاقسى دامۋ كەزەڭىنە ءوتتى. شينجياڭنىڭ دامۋدا قول جەتكىزگەن كورنەكتى تابىستارى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ كورەگەن دە دۇرىس ەكەنىن تولىق دالەلدەدى، جۇڭگو كوممۋنيستىك پارتياسى باسشىلىعىنىڭ جانە جۇڭگوشا سوتسياليستىك ءتۇزىمنىڭ كورنەكتى ابزالدىلىعىن تولىق ايگىلەدى، مۇندا اۆتونوميالى رايوندىق پارتكومنىڭ، ۇكىمەتتىڭ جانە ءار ۇلت كادرلارى مەن بۇقاراسىنىڭ اقىل - پاراساتى جانە ماڭداي تەرى قامتىلعان.

  ليۋ چي مىنالاردى اتاپ كورسەتتى: شينجياڭعا باعىتتامالى كومەكتەسۋ − مەملەكەتتىڭ كەلەلى ستراتەگياسى، پارتيا ورتالىق كوميتەتى بىزگە بەرگەن ساياسي جاۋاپكەرشىلىك جانە داڭقتى بورىش. بيىل جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋدىڭ اياقتالار جىلى. ءبىز باس شۋجي شي جينپيڭنىڭ شينجياڭ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، كومەك قابىلدايتىن جەردەگى پارتكومعا، ۇكىمەتكە جانە كادرلار مەن بۇقاراعا تىعىز سۇيەنىپ، شينجياڭعا جان - جاقتى كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋگە دەم بەرۋدى شىن مانىندە باستى مىندەت ەتىپ، ورنىقتىلىق نەگىزىن بەكەمدەۋگە دەم بەرۋدى قىزمەتتىڭ ءتۇيىنى، كاسىپ سالاسىنىڭ دامۋىن ىلگەرىلەتۋگە دەم بەرۋدى ءتۇبىرلى شارا، حالىق تۇرمىسىنىڭ قۇت - ىرىسىن ارتتىرۋعا دەم بەرۋدى سوڭعى نىسانا ساناپ، اقتاۋ اۋدانىنىڭ كەدەيلىكتەن ارىلتۋدان قامال الۋ شايقاسىندا باتىلدىقپەن جەڭىسكە جەتۋىن ىلگەرىلەتىپ، قوعامنىڭ باياندى تىنىشتىعىن قورعاپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن نىعايتىپ، شينجياڭعا باعىتتامالى كومەكتەسۋ قىزمەتىنىڭ جاڭا جاعدايىن قۇلشىنا اشۋىمىز كەرەك. شينجياڭنىڭ ”ءبىر بەلدەۋ، ءبىر جولداعى“ وزەكتى رايون ابزالدىلىعىن ۇزدىكسىز ساۋلەلەندىرىپ، جياڭشي مەن شينجياڭ سىندى ەكى جەردىڭ نەگىزدىك قۇرىلعىلار، كاسىپ سالاسىن دامىتۋ سياقتى سالالارداعى سەلبەستىگىن تەرەڭدەتىپ، ءتىپتى كوپ جياڭشي كاسىپورىندارىنىڭ جانە ونىمدەرىنىڭ مەملەكەت قاقپاسىنان شىعۋىنا قولداۋ كورسەتىپ، كومەكتەسىپ، ەكى جەردىڭ ءوزارا تيىمدىلىك جاساپ ورتاق يگىلىككە كەنەلە دامۋىن ىسكە اسىرۋدى ءۇمىت ەتەمىز.

  اڭگىمە ماجىلىستە شوكىرات زاكىر اۆتونوميالى رايوننىڭ ورنىقتىلىق، دامۋ جانە شينجياڭعا باعىتتامالى كومەكتەسۋ قىزمەتى جاعدايىن تانىستىردى، جياڭشي ولكەسىنىڭ شينجياڭعا كومەكتەسۋ قىزمەتىنىڭ الدىڭعى شەپ قولباسشىلىق شتابى شينجياڭعا كومەكتەسۋ قىزمەتى جاعدايىن تانىستىردى، قاتىستى جولداستار قىزىلسۋ وبلىسىنىڭ ورنىقتىلىق، دامۋ جانە باعىتتامالى كومەكتەسۋ قىزمەتى جاعدايىن تانىستىردى، شينجياڭعا كومەككە كەلگەن كادر دارىندىلار ۋاكىلى لەبىز ءبىلدىردى. ماجىلىستەن سوڭ، جياڭشيدىڭ شينجياڭعا كومەكتەسۋ بويىنشا تارتۋ ەتۋ سالتى جانە كەدەيلىكتەن ارىلتۋدان قامال الۋعا كومەكتەسۋ سەلبەستىك كەلىسىمىنە قول قويىسۋ سالتى وتكىزىلدى.

  شينجياڭداعى كەزىندە جياڭشي ولكەسىنىڭ پارتيا، ۇكىمەت ۋاكىلدەرى ۇيىرمەسى قىزىلسۋ قىرعىز اۆتونوميالى وبلىسى اتۇش قالاسىنىڭ، اقتاۋ اۋدانىنىڭ، ۇلۇقشات اۋدانىنىڭ قونىس جاڭالاپ كەدەيلەردى سۇيەمەلدەۋ ءتۇيىنى، كەدەيلەردى سۇيەمەلدەۋ سەحى، قىستاق تۇرعىندار كوميتەتى، اۋىل شارۋاشىلىعى ونىمدەرى ەگىنشىلىك بازاسى، مەكتەپ، شيپاحانا، شەكارا وتكەلى سياقتى جەرلەردە تەكسەرۋ - زەرتتەۋ جۇرگىزدى، شينجياڭعا باعىتتامالى كومەكتەسۋ نىساندارىن تەكسەردى، كەدەي بۇقارانى ارالاپ حال سۇرادى، شينجياڭعا كومەككە كەلگەن كادر دارىندىلارعا امانداسا بارىپ، ولاردان حال سۇرادى.

  جياڭشي ولكەسىنىڭ باسشىلارىنان چىن شيڭچاۋ، حۋ چياڭ، اۆتونوميالى رايوننىڭ جانە بيڭتۋاننىڭ باسشىلارىنان سارقىت اقان، جاڭ چۇنلين، پىڭ جيارۇي، باداي، جاۋ چيڭ، چىڭ جىنشان قاتارلىلار جوعارىداعى قيمىلدارعا قاتىناستى.

جاۋاپتى رەداكتور: ءاننا اكىمقان قىزى