شينجياڭدا قۇمايتتانعان جەردىڭ كەڭەيۋ جاعدايى ءونىمدى باسەڭدەدى

”13 - بەسجىلدىقتان“بەرى 24 ميلليون 660 مىڭ مۋ قۇمايتتانعان جەر تىزگىندەلدى

شينجياڭدا قۇمايتتانعان جەردىڭ كەڭەيۋ جاعدايى ءونىمدى باسەڭدەدى

  گازەتىمىزدىڭ جالپىلىق اقپارات قۇرالدارى ءتىلشىسى ليۋ شياڭ 6 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋعا قاراعاندا، ”13 - بەسجىلدىقتان“ بەرى شينجياڭ ءۇش تەرىستىك ىقتاسىن ورمان جۇيە قۇرىلىسىن تايانىش ەتە وتىرىپ، ەگىستىكتەن ورماندى، جايلىمدى قالپىنا كەلتىرۋ، قۇمنان ساقتانۋ، قۇمدى تىزگىندەۋ سياقتى مەملەكەتتىڭ ءتۇيىندى ەكولوگيالىق قۇرىلىس ينجەنەريالارىنا سۇيەنە وتىرىپ، 24 ميلليون 660 مىڭ مۋ قۇمايتتانعان جەردى تىزگىندەپ، تۇتاس رايونىمىزدىڭ جاسىل القاپ ەكولوگيالىق جۇيە جاعدايىن ءۇرتىس جاقسارتقان، قۇمدى بوراندى اۋا رايى ۇزدىكسىز ازايعان، قۇمايتتانعان جەردىڭ كەڭەيۋ جاعدايى ءونىمدى باسەڭدەگەن، قۇمنان ساقتانۋ، قۇمدى تىزگىندەۋ قىزمەتى كورنەكتى ناتيجەگە قول جەتكىزگەن.

  مەملەكەتتىڭ ءتۇيىندى ەكولوگيالىق قۇرىلىس ينجەنەريالارىنا سۇيەنە وتىرىپ، قازىر شينجياڭدا ۇكىمەت جەتەكشىلىك ەتەتىن، كاسىپورىن باستاماشى بولاتىن، كوپ ءتۇرلى تۇلعا ات سالىساتىن، كوپ نەگىزدى قارجى قوسىلاتىن قۇمنان ساقتانۋ، قۇمدى تىزگىندەۋ مەحانيزمى قالىپتاستى. قۇمنان ساقتانۋ، قۇمدى تىزگىندەۋ بارىسىندا رايونىمىز سۋ قاينارىن باسقارۋدىڭ ”ەڭ قاتاڭ“ ءتۇزىمىن مۇقيات تياناقتاندىرىپ، تىڭ يگەرۋ اۋماعىن تارايتىپ، سۋدى پايدالانۋدى ازايتۋدى، قۇدىقتى، توكتى بىردەي تىزگىندەۋدى زور كۇشپەن ىلگەرىلەتىپ، جەر استى سۋىن اشۋ مولشەرىن ءبىر ميلليارد 800 ميلليون تەكشە مەتر ازايتتى؛ قۇمدى ءشول وسىمدىك جامىلعىسىن قورعاۋدى كۇشەيتىپ، اۋماعى 8 ميلليون 900 مۋلىق قۇمايتتانعان جەردى تۇيىقتامالى قورعاۋ وڭىرىنەن 43ىن قۇردى، تىڭنان قوسىلعان مەملەكەت ولشەمىنە ۇيلەسەتىن الەۋمەتتىك يگىلىك سيپاتتى ورمان 18 ميلليون 750 مىڭ مۋعا جەتتى؛ ەكپە ورمان اۋماعى 7 ميلليون 346 مىڭ 800 مۋعا، تاۋدى قورىپ، ورمان ءوسىرۋ اۋماعى 4 ميلليون 445 مىڭ 500 مۋعا، ەگىستىكتەن ورماندى قالپىنا كەلتىرۋ اۋماعى 4 ميلليون 700 مۋعا، قورشالعان جايلىم 11 ميلليون مۋعا، تۇياق كەستى بولعان جايلىمعا ءشوپ ۇرىعىن شاشىپ، ساپالىلاندىرىلعان جەر اۋماعى 4 ميلليون 190 مىڭ مۋعا، ەگىستىكتەن جايلىمدى قالپىنا كەلتىرۋ جەر اۋماعى 927 مىڭ مۋعا جەتتى.

  2016 - جىلدان 2018 - جىلعا دەيىن، شينجياڭ تارىم ويپاتى جيەگىندە قۇمنان ساقتانۋ، قۇمدى تىزگىندەۋ ينجەنەرياسى بويىنشا قۇمدى تىزگىندەپ، ورمان وتىرعىزىلعان جەر اۋماعىن 277 مىڭ مۋعا، قۇمدى توسىپ، ورمان وسىرىلگەن جەر اۋماعىن 543 مىڭ 400 مۋعا جەتكىزدى. ”13 - بەسجىلدىق“ مەزگىلىندە تارىم وزەنى اڭعارىنداعى توراڭعى ورمانىن قۇتقارۋ قيمىلىن ورىستەتىپ، تارىم وزەنىنىڭ ”ءتورت قاينار، ءبىر ارناسىنداعى“ توراڭعى ورمانىنا ىشكەرىلەي تەكسەرۋ جۇرگىزۋدى ورىنداپ، 3 جىلدىق جوسپار جاساپ، ەكولوگيالىق سۋ قويا بەرۋدى سايكەستىرۋ ارقىلى 8 ميلليون مۋدان استام توراڭعى ورمانىن سۋاردى. سونىمەن بىرگە كولەمدەنگەن ورمان ەگۋدى بەلسەندى ىلگەرىلەتىپ، كوكجار، تارباعاتايداعى سارعۋسىن، كورلا لۇڭشان تاۋى، اقسۋ سياقتى ميلليون مۋلىق ەكولوگيانى وڭاۋ سياقتى ءبىر توپ بەلگى سيپاتتى ەكولوگيالىق قۇرىلىس ينجەنەرياسىنان تورتەۋىن ىركەس - تىركەس ورىستەتىپ، شينجياڭنىڭ ەكولوگيانى جاقسارتۋىنداعى تيپتىك ۋاكىلىنە اينالدى.

جاۋاپتى رەداكتور: ءاننا اكىمقان قىزى