التاي ايماعىنىڭ مەملەكەتتىك جانە اۆتونوميالى رايوندىق ۇلتتار ىنتىماعى العا باسارلىعىنان ۇلگى كورسەتەتىن ايماق قۇرۋدا بىلۋگە ءتيىستى 20 ءتۇرلى سۇراق - جاۋاپ

  1. ”ءۇشتىڭ ءبىر - بىرىنەن ايرىلا الماۋى“ دەگەن نە؟

  جاۋاپ: حانزۋلار از ۇلتتاردان ايرىلا المايدى، از ۇلتتار حانزۋلاردان ايرىلا المايدى، از ۇلتتار ءبىر-بىرىنەن ايرىلا المايدى.

  2. ”بەستى شىنايى مويىنداۋ“ دەگەن نە؟

  جاۋاپ: ۇلى وتاندى شىنايى مويىنداۋ، جۇڭحۋا ۇلتىن شىنايى مويىنداۋ، جۇڭحۋا مادەنيەتىن شىنايى مويىنداۋ، جۇڭگو كوممۋنيستىك پارتياسىن شىنايى مويىنداۋ، جۇڭگوشا سوتسياليزمدى شىنايى مويىنداۋ.

  3. ماركسيزمنىڭ بەس كوزقاراسىنىڭ ناقتى مازمۇنى قايسىلار؟

  جاۋاپ: مەملەكەت كوزقاراسى، ۇلت كوزقاراسى، ءدىن كوزقاراسى، تاريح كوزقاراسى، مادەنيەت كوزقاراسى.

  4. پارتيانىڭ ۇلت ساياساتىنىڭ باستى مازمۇندارى قايسىلار؟

  جاۋاپ: مۇندا، باستىسى ۇلتتاردىڭ تەپە – تەڭ ىنتىماعىندا تاباندى بولۋ، ۇلتتىق تەرريتوريالى اۆتونومياعا، از ۇلت رايوندارىنىڭ ەكونوميكا، مادەنيەت ىستەرىن دامىتۋعا، از ۇلت كادرلارىن تاربيەلەۋگە، از ۇلتتاردىڭ عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ قاتارلى ىستەرىن دامىتۋعا، از ۇلتتاردىڭ ءتىل - جازۋىن قولدانۋ جانە دامىتۋعا، از ۇلتتاردىڭ سالت - سانا عۇرىپ - ادەتىنە قۇرمەت ەتۋگە، از ۇلتتاردىڭ ءدىني ەركىندىگىنە قۇرمەت ەتۋ جانە قورعاۋعا تاباندى بولۋدى قامتيدى.

  5. مەملەكەتىمىزدىڭ ۇلت قىزمەتىنىڭ باستى تاقىرىبى نە؟

  جاۋاپ: بىرلىكتە ىنتىماقتاسا كۇرەس جاساپ، بىرلىكتە كوركەيىپ، دامۋ.

  6. سوتسياليستىك ۇلت قاتىناسىنىڭ نەگىزگى ەرەكشەلىگى قايسىلار؟

  جاۋاپ: تەپە - تەڭ، ىنتىماقتى، ءوزارا كومەكتەسۋ، جاراسىمدى بولۋ.

  7. مەملەكەتىمىزدىڭ ۇلت ماسەلەسىن شەشۋدەگى نەگىزگى ساياسي ءتۇزىمى قايسى؟

  جاۋاپ: ۇلتتىق تەرريتوريالى اۆتونوميا ءتۇزىمى.

  8. مەملەكەتىمىزدىڭ ۇلت قاتىناسىن ءبىر جايلى ەتۋدەگى پرينسيپى قايسى؟

  جاۋاپ: ۇلتتار تەپە - تەڭ بولۋ، ۇلتتار ىنتىماقتى بولۋ، ءار ۇلت ورتاق گۇلدەنۋ.

  9. پارتيا 19 - قۇرىلتايىنىڭ بايانداماسىنداعى ۇلت قىزمەتى جونىندەگى ماڭىزدى بايىمداۋلار قايسىلار؟

  جاۋاپ: پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى العا باسارلىعى تاربيەسىن تەرەڭدەتىپ. جۇڭحۋا ۇلتى ورتاق تۇلعا تانىمىن بەكەمدەپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتاردىڭ اناردىڭ دانىندەي تىعىز ۇيىسۋىن ىلگەرىلەتىپ، بىرلىكتە ىنتىماقتاسا كۇرەس جاساپ، بىرلىكتە كوركەيىپ، دامۋ.

  10. 2014 - جىلى 4 - ايدا باس شۋجي شي جينپيڭنىڭ شينجياڭدى كوزدەن كەشىرگەن كەزدەگى سوزىندە اتاپ كورسەتكەن، شينجياڭ ماسەلەسىندەگى ەڭ قيىن، ەڭ ۇزاق بولاشاقتىق ماسەلە قايسى؟ شينجياڭنىڭ ەڭ ۇلكەن بۇقارالىق قىزمەتى قايسى؟

  جاۋاپ: شينجياڭ ماسەلەسىندەگى ەڭ قيىن، ەڭ ۇزاق بولاشاقتىق ماسەلە تاعى دا ۇلتتار ىنتىماعى ماسەلەسى، شينجياڭنىڭ ەڭ ۇلكەن بۇقارالىق قىزمەتى ۇلتتاردىڭ ىنتىماعى مەن ءدىننىڭ جاراسىمدىلىعى.

  11. باس شۋجي شي جينپيڭنىڭ ۇلت قىزمەتى جونىندە العا قويعان ”التى ءوزارانىڭ“ مازمۇنى نە؟

  جاۋاپ: ءار ۇلت ءوزارا ءتۇسىنىسۋ، ءوزارا قۇرمەت ەتۋ، ءوزارا كەشىرىمشىل بولۋ، ءوزارا ءسۇيىنۋ، ءوزارا ۇيرەنۋ، ءوزارا كومەكتەسۋ، اناردىڭ دانىندەي تىعىز ۇيىسۋ كەرەك.

  12. «شينجياڭ ۇيعۇر اۆتونوميالى رايوندىق ۇلتتار ىنتىماعى العا باسارلىعى قىزمەت ەرەجەسى» قاشان جاريالانعان؟ قاشاننان باستاپ اتقارىلدى؟ قانشا تاراۋعا، قانشا تارماققا بولىنەدى؟

  جاۋاپ: 2015 - جىلى 12 - ايدىڭ 29 - كۇنى جاريالاندى، 2016 - جىلى 1 - ايدىڭ 1 - كۇنى اتقارىلدى، جالپى 6 تاراۋ، 60 تارماق.

  13. اۆتونوميالى رايوننىڭ ۇلتتار ىنتىماعى تاربيە ايى قاي جىلدان باستاپ بەلگىلەندى؟ ءار جىلدىڭ قايسى ايى؟

  جاۋاپ: 1983 - جىلدان باستاپ بەلگىلەندى، ءار جىلدىڭ 5 - ايى ۇلتتار ىنتىماعى تاربيە ايى.

  14. مەملەكەتىمىزدىڭ ۇلتتار ىنتىماعى العا باسارلىعى جونىندەگى ماداقتاۋ- سيلاۋ جينالىسى نەشە جىلدا ءبىر اشىلادى؟ شينجياڭ اۆتونوميالى رايوندىق، وبلىستىق، قالالىق (ايماقتىق)، اۋداندىق (قالالىق، رايوندىق) ۇلتتار ىنتىماعى العا باسارلىعى جونىندەگى ماداقتاۋ- سيلاۋ جينالىسى نەشە جىلدا ءبىر اشىلادى؟

  جاۋاپ: مەملەكەت ءار 5 جىلدا ءبىر رەت، اۆتونوميالى رايون كەمىندە ءار 5 جىلدا ءبىر رەت، وبلىس ، قالا (ايماق) كەمىندە ءار 3 جىلدا ءبىر رەت، اۋدان (قالا، رايون) كەمىندە ءار 2 جىلدا ءبىر رەت ۇلتتار ىنتىماعى العا باسارلىعى جونىندەگى ماداقتاۋ- سيلاۋ جينالىسىن اشادى.

  15. ۇلتتار ىنتىماعى العا باسارلىعىن قۇرۋدى ”ونعا جەتكىزۋ“ قيمىلى دەگەن نە؟

  جاۋاپ: ورگانعا جەتكىزۋ، اۋىل- قالاشىققا (مالىگە) جەتكىزۋ، قىستاققا (الەۋمەتتىك اۋماققا) جەتكىزۋ، مەكتەپكە جەتكىزۋ، كاسىپورىنعا جەتكىزۋ، ءدىني قيمىل ورنىنا جەتكىزۋ، اسكەري (ساقشى) لاگەرىنە جەتكىزۋ، تۋان- الاڭ لياندۇيعا جەتكىزۋ، تەرەزەلىك مەكەمە ورىنعا جەتكىزۋ، كورىنىس رايوندارىنا جەتكىزۋ.

  16. ۇلتتار ىنتىماعى العا باسارلىعىن قۇرۋ قىزمەتىن قانات جايدىرۋدىڭ ءتۇبىرلى باعىتى، ءتۇبىرلى جولى جانە باس نىساناسى نە؟

  جاۋاپ: ۇلتتار ىنتىماعى العا باسارلىعىن قۇرۋدى قانات جايدىرۋدىڭ ءتۇبىرلى باعىتى: جۇڭحۋا ۇلتى ورتاق تۇلعا تانىمىن بەكەمدەۋدى ءتۇبىرلى باعىت ەتۋگە تاباندى بولۋ؛ ۇلتتار ىنتىماعى العا باسارلىعىن قۇرۋدى قانات جايدىرۋدىڭ ءتۇبىرلى جولى: ۇلتتاردىڭ ارالاسۋىن، ىشتەسۋىن، توعىسۋىن كۇشەيتۋدى ءتۇبىرلى جول ەتۋدە تاباندى بولۋ؛ ۇلتتار ىنتىماعى العا باسارلىعىن قۇرۋدى قانات جايدىرۋدىڭ باس نىساناسى: ”جۇڭحۋا ۇلتى ءبىر وتباسىنىڭ ادامىنداي، جۇڭگو ارمانىن ءبىر نيەتپەن سومدايىق“ باس نىساناسىندا تاباندى بولۋ.

  17. جاڭا داۋىردەگى ۇلتتار ىنتىماعى العا باسارلىعىن قۇرۋ قىزمەتىنىڭ جەتەكشى يدەياسى نە؟

  جاۋاپ: جاڭا داۋىردەگى ۇلتتار ىنتىماعى العا باسارلىعىن قۇرۋ قىزمەتىنىڭ جەتەكشى يدەياسى: جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولۋ.

  18. التاي ايماعىنىڭ مەملەكەتتىك ۇلتتار ىنتىماعى العا باسارلىعىنداعى تاربيە بازاسى قايسىلار؟

  جاۋاپ: التاي ايماقتىق كوكتوعاي اۋدانى كوكتوعاي كادرلاردى تاربيەلەۋ بازاسى.

  19. «مەملەكەتتىك ۇلتتار ىنتىماعى العا باسارلىعىنان ۇلگى كورسەتەتىن ايماق، ۇلگى كورسەتەتىن مەكەمە- ورىن اتاعىن بەرۋ ادىسىندە» ۇلگى كورسەتىن ايماق، ۇلگى كورسەتەتىن مەكەمە - ورىننىڭ كولەمى قايسىلاردى قامتيدى؟

  جاۋاپ: ۇلگى كورسەتەتىن ايماقتىڭ قامتۋ كولەمى قالا (ايماق، اۆتونوميالى وبلىس، وداق)، اۋدان (اۆتونوميالى اۋدان، قالا، رايون، حوشۇن)، اۋىل- قالاشىق (ۇلتتىق اۋىل، كوشە، سۇم)؛ ۇلگى كورسەتەتىن مەكەمە- ورىندار ورگان، الەۋمەتتىك اۋماق، قىستاق، مەكتەپ، كاسىپورىن، لياندۇي، ءدىني قيمىل ورنى، جاڭا ەكونوميكالىق ۇيىم، قوعامدىق ۇيىم جانە باسقا ءىسورىندار قاتارلىلاردى قامتيدى.

  20. مەملەكەتتىك ۇلتتار ىنتىماعى العا باسارلىعىنان ۇلگى كورسەتەتىن ايماق، ۇلگى كورسەتەتىن مەكەمە - ورىن اتاعىن بەرۋدىڭ ۋاقىت شەگى قانشا جىل؟

  جاۋاپ: 5 جىل، ۋاقىتى تولعاندا، ءسوزسىز، قايتادان ءوتىنىش ەتۋ كەرەك.

جاۋاپتى رەداكتور: ءاننا اكىمقان قىزى