مەرەكە شاتتىعى

  ەرباقىت قابدەش ۇلى

  1- ماۋسىم حالىقارلىق بالالار مەرەكەسىنە ارنايمىن

  قاراساڭ كۇندەر بەينە مەرەكەمىز،

  جاراسقان ۇلتتار ارا بەرەكەمىز.

  ماۋسىمنىڭ تۇڭعىش كۇنىن اتتاعان – اق،

  بالالار مەرەكەسىن جىر ەتەمىز.

  كوز سالساڭ، ۇلانداردىڭ جارىسىنا،

  ( قىزۋ دۋمان، باسەكە بارىسىنا ).

  جاستار جىرعاپ، القايدى كاريالار،

  ريزا بوپ ولاردىڭ تابىسىنا.

  قاراشى اناۋ بالعىن ۇلاندارعا،

  سامعاعان عىلىم شىڭى قياندارعا.

  قۇرىش توپشى، مۇز بالاق، تەگەۋرىندى،

  ۇقسايسىڭدار جاس قانات قىراندارعا.

  مەرەكەڭ- قاحارماننىڭ قان ىزدەرى،

  مەرەكەڭ – التىن اراي تاڭ تىزبەگى.

  مەرەكەڭ – توڭكەرىستىڭ كۋاشىسى،

  مەرەكەڭ – عاسىرلاردىڭ ءان تىزبەگى.

  جالعاستىرعان وسىلاي ءداستۇرىڭدى ەل،

  مەرەكەڭمەن ۇلاسىن شاتتىق ۇندەر.

  بايشەشەگى وتاننىڭ سەندەرسىڭدەر،

  باق سيلاسىن ءيلايىم، ءتاتتى كۇندەر.

  باۋىرلار، قۇتىقتايمىن بۇل كۇنىڭدى،

  انىڭە بۇلبۇل قۇشتار سىلقىم ءۇندى.

  مەرەكەڭ قۇرمەتىنە ۇسىنامىن،

  جۇرەكتەن جارىپ شىققان جىر گۇلىمدى.

  قىزمەت ورنى: جەمەنەي اۋدانى ۇلاستى قالاشىعى

جاۋاپتى رەداكتور: اعاربەك ەگىس ۇلى