پارتيانىڭ جاسامپاز نازارياسىن ۇيرەنۋدى، دايەكتىلەندىرۋدى يدەيانى قارۋلاندىرۋداعى توتەنشە ماڭىزدى ورىنعا قويايىق

پارتيانىڭ جاسامپاز نازارياسىن ۇيرەنۋدى، دايەكتىلەندىرۋدى يدەيانى قارۋلاندىرۋداعى توتەنشە ماڭىزدى ورىنعا قويايىق

  − باس شۋجي شي جينپيڭنىڭ نەگىزگى تاقىرىپتىق تاربيەنى قورىتىندىلاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ تۋرالى

  حالىق گازەتىنىڭ شولۋشىسى

  نازارياداعى سەرگەكتىك بولعاندا عانا، ساياسيداعى سەرگەكتىك بولادى، نازارياداعى تاباندىلىق بولعاندا عانا، ساياسيداعى تاباندىلىق بولادى. يدەيالىق جاقتان پارتيا قۇرۋعا، نازاريالىق جاقتان پارتيانى كۇشەيتۋگە باسا ءمان بەرۋ − پارتيامىزدىڭ ايقىن ەرەكشەلىگى جانە داڭقتى ءداستۇرى.

  ”اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، ماركسيزمنىڭ جۇڭگوشالانعان ەڭ جاڭا جەتىستىگىمەن يدەيانى بىرلىككە كەلتىرۋ، ەرىك - جىگەردى بىرلىككە كەلتىرۋ، ارەكەتتى بىرلىككە كەلتىرۋ كەرەك“. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا باس شۋجي شي جينپيڭ نازاريا ۇيرەنۋدىڭ كەلەلى ماڭىزىن تەرەڭ ءتۇسىندىرىپ، ”پارتيانىڭ جاسامپاز نازارياسىن ۇيرەنۋدى، دايەكتىلەندىرۋدى يدەيانى قارۋلاندىرۋداعى توتەنشە ماڭىزىن“ ايقىن العا قويىپ، ءبىزدىڭ يدەيالىق تۋدى بيىك ۇستاپ، نازاريامەن قارۋلانۋدى كۇشەيتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋىمىزگە ماڭىزدى تانىم نازارياسىن جانە ادىستەمە نازارياسىن ازىرلەپ بەردى.

  ماركسيزمدىك ساياسي پارتيانىڭ العاباسارلىعى، ەڭ اۋەلى، يدەيالىق نازاريالىق جاقتاعى العاباسارلىعىنان ايگىلەنەدى. كوممۋنيستەردىڭ اۋەلگى ماقساتى حالىققا دەگەن قالتقىسىز سۇيىسپەنشىلىكتەن، اقيقاتقا دەگەن قاجىماس تالپىنىستان كەلىپ قانا قويماي، ءتىپتى دە ماڭىزدىسى، ماركسيزمنىڭ عىلمي نازارياسى نەگىزىنە ورناعان. تەك يدەيالىق جاقتان پارتيا قۇرۋعا، نازاريالىق جاقتان پارتيانى كۇشەيتۋگە تاباندى بولعاندا عانا، اۋەلگى ماقساتتى ۇمىتپاۋدا اناعۇرلىم سانالى بولۋعا، بورىش ارقالاۋدا اناعۇرلىم بەكەم بولۋعا بولادى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگونىڭ ماركسيزمى، 21 - عاسىرداعى ماركسيزم، وي - سانانى وسى عىلمي نازاريامەن قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ − بۇكىل پارتيانىڭ كەلەلى ساياسي مىندەتى. قالىڭ پارتيالى كادرلار، ءسوز جوق، وسى عىلمي نازاريانى ۇزدىكسىز ىشكەرىلەي ۇيرەنىپ، ۇعىنىپ، باس شۋجي شي جينپيڭنىڭ ەڭ جاڭا ماڭىزدى سوزدەرىنىڭ رۋحىن جانە ماڭىزدى نۇسقاۋلارىنىڭ رۋحىن دەر كەزىندە ۇيرەنىپ، ۇعىنىپ، نازاريالىق ساپانى، ساياسي ساپانى ۇزدىكسىز ءوسىرىپ، ۇزدىكسىز تۇردە سەنىمدى بەكەمدەپ، اۋەلگى ماقساتتى شىڭاپ، ءوزىن جاڭالاۋدى، ءوزىن كىرشىكسىزدەندىرۋدى ۇزدىكسىز ىلگەرىلەتىپ، پارتيا مەن حالىق ءۇشىن اناعۇرلىم ويداعىداي قىزمەت ىستەۋ كەرەك.

  پارتيانىڭ جاسامپاز نازارياسىن ۇيرەنۋدى، دايەكتىلەندىرۋدى يدەيانى قارۋلاندىرۋداعى توتەنشە ماڭىزدى ورىنعا قويۋدا شىنايى ۇيرەنىپ، شىن ءتۇسىنىپ، شىنايى سەنىپ، شىن قولدانۋ ءۇشىن، ءالى دە اناعۇرلىم كوپ كۇش سالۋعا تۋرا كەلەدى. ىنتالىلىقپەن ۇيرەنگەندە عانا، العا باسۋعا بولادى. جۇڭگو كوممۋنيستەرى ۇيرەنۋدىڭ ارقاسىندا بۇگىنگە جەتكەن، ءسوز جوق، ۇيرەنۋگە سۇيەنىپ كەلەشەكتى بەتكە الۋى كەرەك. ەگەر دەنەسى جاڭا داۋىرگە كىرگەنىمەن، يدەياسى بۇرىنعىدا قالىپ قالسا، ماسەلەگە قاراۋدا، شەشىم جاساۋدا، قىزمەتتى ىلگەرىلەتۋدە ءالى دە كونە كوزقاراستا، كونە سۇردەكتە، كونە ادىستە بولسا، داۋىرگە ىلەسە الماۋ، قىزمەتتى جاقسى ىستەي الماۋمەن بىرگە، ۋاقىت پەن ورايدان ۇتىلىپ، قىزمەتكە نۇقسان جەتكىزەدى. بۇكىل پارتياداعى جولداستار، اسىرەسە، ءار دارەجەلى باسشى كادرلار بۇل ماسەلەگە وسكەلەڭ ءمان بەرىپ، داۋىرمەن بىرگە ىلگەرىلەۋدى يدەيا مەن ارەكەتتە شىن مانىندە تياناقتاندىرۋ كەرەك، ”ۋي، جين پاتشالىقتارىن بىلاي قويعاندا، حان پاتشالىعىنىڭ بار ەكەندىگىن دە بىلمەيتىن“ دۇنيەدەن سىرت ادامعا اينالىپ قالۋعا بولمايدى! ۇيرەنۋدىڭ ەڭ ۇلكەن جاۋى وزىنە قاناعاتتانۋ، ۇيرەنۋدە ناتيجە بولۋدا، ءسوز جوق، ماڭگى وزىنە قاناعاتتانباۋ كەرەك. قالىڭ پارتيالى كادرلار ”نازاريا ۇيرەنۋگە ءمان بەرمەۋ“، ”ۇيرەنۋدى اشەكەي كورۋ“ سياقتى ماسەلەلەردى باتىل تۇزەتىپ، ”نازاريا ۇيرەنۋ تەرەڭ، جەتكىلىكتى، جۇيەلى بولماۋ“، ”ماردىمسىز بىلىمگە ءماز بولىپ، ىشكەرىلەي تۇسىنۋگە تالپىنباۋ“ سياقتى نىسايلاردى باتىل جەڭىپ، ”ۇيرەنۋ مەن قولدانۋ ءبىر - بىرىنەن قول ءۇزۋ“، ”ۇيرەنۋ قيقىمدى بەتالدى بولۋ“ سياقتى جايتتەردەن باتىل ساقتانىپ، ”پارتيانىڭ جاسامپاز نازارياسىنان پايدالانىپ قىزمەتتەردى ىلگەرىلەتۋ قابىلەتى جەتكىلىكسىز بولۋ“ ماسەلەسىن شىن مانىندە شەشۋ كەرەك.

  پارتيانىڭ جاسامپاز نازارياسىن ۇيرەنۋدى، دايەكتىلەندىرۋدى يدەيانى قارۋلاندىرۋداعى توتەنشە ماڭىزدى ورىنعا قويۋدا نازاريانى امالياتپەن بىرلەستىرۋ سىندى ماركستىك ۇيرەنۋ ستيلىن ساۋلەلەندىرۋ كەرەك. نازاريالىق جاسامپازدىق العا ءبىر قادام ىلگەرىلەگەن سايىن، نازاريامەن قارۋلانۋ ءبىر قادام ىلەسە ىلگەرىلەۋ كەرەك. پارتيانىڭ بۇرىنعى كەزەك شوعىرلى تاربيە قيمىلدارىنىڭ بارلىعى يدەيالىق تاربيەنى ماڭداي الدى ورىنعا قويىپ، ۇيرەنۋ تەرەڭ بولماۋ، يدەيا بىرلىككە كەلمەۋ، ارەكەت ىلەسە الماۋ ماسەلەلەرىن كۇش سالا شەشىپ، تولاسسىز كۇش تۇسىرۋمەن بىرگە، شوعىرلى كۇش ءتۇسىرىپ، بۇكىل پارتيانىڭ يدەيادا بىرلىككە كەلۋىن، ساياسيدا ىنتىماقتى بولۋىن، ارەكەتتە بىركەلكى بولۋىن ىلگەرىلەتتى. قالىڭ پارتيالى كادرلار پارتيانىڭ جاسامپاز نازارياسىن ۇيرەنۋدى، دايەكتىلەندىرۋدى ماركسيزمنىڭ نەگىزگى قاعيداسىن ۇيرەنۋمەن ساباقتاستىرىپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ۇشتاستىرىپ، جاڭا داۋىردەگى ءبىزدىڭ ۇلى كۇرەس جۇرگىزۋىمىزدىڭ، ۇلى ينجەنەريانى قۇرۋىمىزدىڭ، ۇلى ىستەردى ىلگەرىلەتۋىمىزدىڭ، ۇلى ارماندى جۇزەگە اسىرۋىمىزدىڭ باي امالياتىمەن بايلانىستىرىپ، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىنا كوپ كۇش سالىپ، يدەيانى ازات ەتۋ بارىسىندا يدەيانى بىرلىككە كەلتىرىپ، تانىمدى تەرەڭدەتۋ بارىسىندا تانىمدى جوعارىلاتىپ، دايەكتىلەندىرۋدەگى، تياناقتاندىرۋداعى يدەيالىلىق سانالىلىق پەن ارەكەت سانالىلىعىن شىنايى كۇشەيتۋ كەرەك.

  ۇيرەنۋدە قىمباتتىسى مىزعىماس تاباندىلىق، ۇيرەنۋدە، ءسوز جوق، شىنايىلىققا قۇرمەت ەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە تاباندى بولعاندا عانا، ءبىز، ءسوز جوق، نانىم نەگىزىن بەرىك سوعا الامىز، رۋحاني كالتسيدى تولىقتاي الامىز، يدەيالىق تۇتقانى مىقتى ۇستاي الامىز، ءسوز جوق، باسىمدىققا، ىرىقتىلىققا، بولاشاققا قول جەتكىزە الامىز.

  (شينحۋا اگەنتتىگىنىڭ 1 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور: اعاربەك ەگىس ۇلى