بۇكىل پارتيانىڭ مۇرات - سەنىمىنە عىلمي نازاريامەن جەتەكشىلىك ەتۋگە تاباندى بولايىق

بۇكىل پارتيانىڭ مۇرات - سەنىمىنە عىلمي نازاريامەن جەتەكشىلىك ەتۋگە تاباندى بولايىق

− باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە

 حالىق گازەتىنىڭ شولۋشىسى

  مۇرات - سەنىمنىڭ بەرىكتىگى يدەيالىق - نازاريا جاقتاعى سەرگەكتىكتەن، تاباندىلىقتان كەلگەن. اقيقاتتى تانۋ، اقيقاتتى مەڭگەرۋ، اقيقاتقا سەنۋ، اقيقاتتى قورعاۋ − مۇرات - سەنىمدى بەكەمدەۋدىڭ العى شارتى.

  ”بۇكىل پارتيانىڭ مۇرات - سەنىمىنە عىلمي نازاريامەن جەتەكشىلىك ەتۋگە تاباندى بولۋ كەرەك“، 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە باس شۋجي شي جينپيڭ پارتيانىڭ جاسامپاز نازارياسى ارقىلى بۇكىل پارتيانى قارۋلاندىرۋدىڭ كەلەلى ءمانىن ىشكەرىلەي ءتۇسىندىرىپ، ”تاباندىلىقپەن جاڭا ءداۋىر جۇڭگوشا سوتسياليزم يدەياسى ارقىلى بۇكىل پارتيانى قارۋلاندىرىپ، حالىقتى تاربيەلەپ، قىزمەتكە جەتەكشىلىك ەتۋ“ تالابىن ايقىن ورتاعا قويدى، قالىڭ پارتيا مۇشەلەرىنىڭ، كادرلاردىڭ سەنىم تاعانىن بەكەمدەۋ، رۋحاني كالتسيدى تولىقتاۋ، يدەيالىق باعداردى ورنىقتى مەڭگەرۋ جونىنەن كەلەلى جەتەكشىلىك رولعا يە.

  ”ەل بيلەۋدە تاربيەلەۋدەن اسقان كەلەلى مىندەت جوق“. ماركستىك ساياسي پارتيانىڭ العاباسارلىعى الدىمەن يدەيا - نازاريا جاعىنداعى العاباسارلىعىنان ايگىلەنەدى. يدەيالىق جاقتان پارتيا قۇرۋ، نازاريا ارقىلى پارتيانى كۇشەيتۋ − پارتيامىزدىڭ ايقىن ەرەكشەلىگى جانە داڭقتى ءداستۇرى. پارتيا ورتالىق كوميتەتى عىلمي نازاريا − دۇرىس ارەكەتتىڭ جەتەكشسى، مۇرات - سەنىم − كوممۋنيستەردىڭ ساياسي رۋحى، رۋحاني جاقتا ”كالتسي كەمشىل بولۋى“ − ءارقانداي يدەيانىڭ قۇلدىراۋىنىڭ توركىنى ەكەندىگىن سەرگەكتىكپەن تانىپ جەتتى. پارتيا ىشىندە ورىن تەپكەن ءتۇرلى ماسەلەنىڭ ءتۇبىرلى سەبەبى مۇرات - سەنىمنەن اۋىتقۋدا، اۋەلگى ماقسات سەنىمىنەن اداسىپ قالۋدا. پارتيانى باسقارۋدا، پارتيانى جونگە سالۋدا، ءسوزسىز، نەگىزدى بەكەمدەپ، قايناردى جەتىلدىرۋدەن، زەيىندى شوعىرلاندىرىپ، رۋحتى ۇيىستىرۋدان باستاپ يگەرۋ كەرەك. ”الماستاي بۇزىلمايتىن تۇلعانى“ سومداۋ، ءسوزسىز، عىلمي نازاريامەن وي - سانانى قارۋلاندىرىپ، رۋحاني مەكەنىمىزدى ۇزدىكسىز جەتىلدىرۋىمىز كەرەك.

  نازاريالىق جاسامپازدىق ءبىر قادام العا ىلگەرىلەگەن سايىن، نازاريامەن قارۋلانۋ دا ءبىر قادام ىلەسە العا ىلگەرىلەۋى كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگو ماركسيزمى، 21 - عاسىر ماركسيزمى، پارتيا مەن مەملەكەتتىڭ، ءسوزسىز، ۇزاق ۋاقىت تاباندى بولاتىن جەتەكشى يدەياسى. پارتيا 18 - قۇرىلتايىنان بەرى، ءبىز يدەيالىق جاقتان پارتيا قۇرۋ مەن پارتيانى ءتۇزىم ارقىلى جونگە سالۋعا بىردەي كۇش سالۋىنا تاباندى بولىپ، قالىڭ پارتيا مۇشەلەرىن، كادرلاردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ونىڭ ىشىندە ساباقتاسىپ جاتقان ماركسيزم تۇرعىسىن، كوزقاراسىن، ءادىسىن ۇعىنىپ، سۋبيەكتيۆتىك دۇنيە مەن وبيەكتيۆتىك دۇنيەنى وزگەرتەتىن كۇشتى يدەيالىق قارۋدى مەڭگەرۋگە، پايدالانۋعا ۇيىمداستىردىق، جەتەكتەدىك. ءبىز مۇرات - سەنىم تاربيەسىن پارتيانىڭ يدەيالىق قۇرىلىسىنداعى ماڭداي الدى مىندەت ەتىپ، اۋەلگى ماقسات پەن بورىش ارقىلى بۇكىل پارتيانى جىگەرلەندىرىپ، پارتيا ىشىندەگى تاربيەنى ”شەشۋشى ازشىلىق“تان قالىڭ پارتيا مۇشەلەرىنە كەڭەيتىپ، قالىڭ پارتيا مۇشەلەرىنەن، كادرلاردان پارتيا ۋستاۆىمەن، پارتيا ەرەجەسىمەن ۇنەمى سالىستىرىپ، يدەياداعى شاڭ - توزاڭدى الاستاپ، ساياسي رۋحتى ۇزدىكسىز كىرشىكسىزدەندىرۋدى تالاپ ەتتىك. ءبىز ماركسيزمنىڭ جەتەكشى ورنىنا مىقتاپ تاباندى بولىپ، يدەولوگيا شەبىن باسقارۋدى كۇشەيتىپ، ۇلكەن دۇرىس پەن ۇلكەن بۇرىس الدىندا، باتىلدىقپەن كەۋدە كەرە العا شىعىپ، جۇرەكتىلىكپەن كۇرەس جاساۋعا شەبەر بولىپ، ءتۇرلى قاتە يدەيالىق اعىمداردىڭ شىرىتۋىنەن باتىل ساقتاندىق. ءبىز ۇيرەنۋدى، ويلانۋدى، پايدالانۋدى توعىستىرۋعا، تانىمنىڭ، سەنىمنىڭ، ارەكەتتىڭ بىرلىگىنە تاباندى بولىپ، جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرۋ مەحانيزمىن كەمەلدەندىرىپ، پارتيا مۇشەلەرىنىڭ، كادرلاردىڭ اۋەلگى ماقسات پەن بورىشتى قايراتتانا العا باسۋداعى، شىنايى يگەرىپ، ناقتى ىستەۋدەگى سانالى ارەكەتىنە اينالدىرۋىن ىلگەرىلەتتىك.

  اماليات مىنانى تولىق دالەلدەدى: نازارياداعى تاباندىلىق پەن سەرگەكتىك − يدەياداعى، ساياسيداعى تاباندىلىق پەن سەرگەكتىكتىڭ العى شارتى، عىلمي نازاريا − مۇرات - سەنىم بەكەمدىگىنىڭ نەگىزى، تەك يدەيالىق جاقتان پارتيا قۇرۋعا، پارتيانى نازاريامەن كۇشەيتۋگە تاباندى بولعاندا عانا، عىلمي نازاريامەن قالىڭ پارتيا مۇشەلەرىنىڭ، كادرلاردىڭ وي - ساناسىن قارۋلاندىرۋعا تاباندى بولعاندا عانا، تۇتاس پارتيانىڭ بىركەلكى يدەياسىن، بەرىك ەرىك - جىگەرىن، قۋاتتى جاۋىنگەرلىك كۇشىن باستان - اياق ساقتاۋعا بولادى. اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىن ورناتىپ، تاباندىلىقپەن شي جينپيڭنىڭ جاڭا ءداۋىر جۇڭگوشا سوتسياليزم يدەياسى ارقىلى بۇكىل پارتيانى قارۋلاندىرىپ، حالىقتى تاربيەلەپ، قىزمەتكە جەتەكشىلىك ەتىپ، ۇيرەنۋ - تاربيەسىنىڭ تۇزىمدەنۋىن، ۇدايىلانۋىن ىلگەرىلەتىپ، جۇڭگو ارمانىن ءبىر نيەتپەن بىرگە سومداۋ مۇرات - سەنىمىن ۇزدىكسىز بەكەمدەۋ كەرەك. پارتيانىڭ جاسامپاز نازارياسىن ۇيرەنۋدى، دايەكتىلەندىرۋدى يدەيانى قارۋلاندىرۋداعى ەڭ ماڭىزدى ورىنعا قويىپ، ماركسيزمنىڭ نەگىزگى قاعيدالارىن ۇيرەنۋمەن ساباقتاستىرىپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن بىرلەستىرىپ، جاڭا داۋىردەگى ءبىزدىڭ ۇلى كۇرەس جۇرگىزۋ، ۇلى ينجەنەريالاردى قۇرۋ، ۇلى ىستەردى ىلگەرىلەتۋ، ۇلى ارماندى جۇزەگە اسىرۋدىڭ باي مازمۇندى امالياتىمەن بايلانىستىرىپ، جەتە ۇيرەنۋ، جەتە ۇعىنۋ، شىنايى تياناقتاندىرۋ جاعىنا كۇش سالىپ، يدەيانى ازات ەتۋ بارىسىندا يدەيانى بىرلىككە كەلتىرىپ، تانىمدى تەرەڭدەتۋ بارىسىندا تانىمدى جوعارىلاتىپ، دايەكتىلەندىرۋدىڭ، تياناقتاندىرۋدىڭ يدەيالىق سانالىلىعى مەن ارەكەت سانالىلىعىن شىنايى كۇشەيتۋ كەرەك.

  ”تاستى ۇساتقانىڭمەن تاس قالپىندا قالا بەرەدى، جوسانى قانشا ۇنتاقتاساڭ دا قىزىل قالپىندا تۇرا بەرەدى“. بۇكىل پارتيانىڭ مۇرات - سەنىمىنە عىلمي نازاريامەن جەتەكشىلىك ەتۋگە تاباندى بولىپ، اقيقاتپەن وي - سانامىزدى قارۋلاندىرىپ، اقيقاتپەن مۇراتىمىزعا جەتەكشىلىك ەتىپ، اقيقاتپەن سەنىمىمىزدى بەكەمدەيتىن بولساق، ءبىز مۇراتتىڭ ساۋلەسىمەن كۇرەس جۇرگىزۋ جولىمىزدى نۇرلاندىرىپ، سەنىم كۇشىمەن نۇرلى بولاشاقتى اشا الامىز.

(شينحۋا اگەنتتىگىنىڭ 1 - ايدىڭ 16 - كۇنى بەيجيڭنەن بەرگەن حابارى)

جاۋاپتى رەداكتور: اعاربەك ەگىس ۇلى