ايماقتىق پارتكومنىڭ نازاريا ۇيرەنۋ وزەكتى گرۋپپاسى 2020- جىلعى 4-رەتكى ۇيرەنۋىن وتكىزدى

  التاي گازەتىنىڭ ءتىلشىسى لي چاڭدا حابارلايدى. 4 - ايدىڭ 30 - كۇنى ايماقتىق پارتكومنىڭ نازاريا ۇيرەنۋ وزەكتى گرۋپپاسى 2020 - جىلعى 4 - رەتكى ۇيرەنۋىن وتكىزدى. ايماقتىق پارتكومنىڭ شۋجيى جاڭ يان ۇيرەنۋدى باسقاردى ءارى «باس شۋجي شي جينپيڭنىڭ كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ جونىندەگى اڭگىمە ماجىلىسىندەگى ءسوزىن» باستاپ ۇيرەندى. قادەن كابەن ۇلى، دوۋ جاۋحۇي، ليۋ نايجۇن قاتارلى ايماق باسشىلارى جەكە - جەكە ورتالىقتىڭ، اۆتونوميالى رايوندىق پارتكومنىڭ كەدەيلىكتەن ارىلتۋدان قامال الۋعا قاتىستى ماڭىزدى ءسوز جانە ماڭىزدى قۇجات رۋحىن باستاپ ۇيرەندى. ايماقتىق حالىق ىستەرى مەكەمەسى، اۋىل شارۋاشىلىعى، اۋىل - قىستاق مەكەمەسى، قالا، اۋىل جانە تۇرعىن ءۇي قۇرىلىسى مەكەمەسىنىڭ نەگىزگى جاۋاپتىلارى جەكە - جەكە سوزگە شىقتى.

  ماجىلىستە مىنالار باسا دارىپتەلدى: ايماقتاعى ءار دارەجەلى تاراۋلار، ورىندار باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارى مەن پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىم- ورنالاستىرۋلارىن، اسىرەسە، باس شۋجي شي جينپيڭنىڭ كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندەگى ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزى رۋحىمەن جانە پارتيا ورتالىق كوميتەتىنىڭ شەشىم- ورنالاستىرۋلارىمەن باتىل بىرلىككە كەلتىرىپ، باس نىسانادان بۇلجىماي، ”ەكىدەن تارىقتىرماۋ، ءۇشتى قامتاماسىز ەتۋدى“ كوزدە ۇستاپ، ”التى دالمە-دالگە“ تاباندى بولىپ، ”جەتى ءبىر توپتى“، ”ءۇشتى سەرپىندى ارتتىرۋدى“ تىڭعىلىقتى جەبەپ، ”ءتورتتى توقتاتپاۋ“ تالابى بويىنشا قيىندىقتاردان قامال الىپ، كەدەيلىكتەن ارىلتۋدان قامال الۋ مىندەتتەرىنىڭ ۋاعدالى ۋاقىتتا ورىندالۋىنا كەپىلدىك ەتۋ كەرەك.

  ماسەلەنى رەتكە سالىپ تۇزەتۋدى كورنەكتى ورىنعا قويىپ، ورتالىقتىڭ 6 - شارلاۋ گرۋپپاسىنىڭ كەدەيلىكتەن ارىلتۋدان قامال الۋ بويىنشا ارناۋلى شارلاۋدى ورىستەتۋدەگى ”قايىرىلا قاراۋ“ جانە مەملەكەتتىڭ كەدەيلىكتەن ارىلتۋدان قامال الۋ ناتيجەسىن باعالاۋ قاتارلى جاقتاردا اڭىس ەتىلگەن رەتتەۋ، تۇزەتۋ مىندەتتەرىن كۇش سالا ويداعىداي ورىنداپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، جوعارىلاتۋ قىزمەتىن جالعاستى ويداعىداي مىقتى يگەرىپ، قايتا كەدەيلەسۋدى باقىلاۋ - ولشەۋ، ساقتاندىرۋدى ەگجەي- تەگجەيلى مىقتى ۇستاپ، ساپاسىنا شىنايى كەپىلدىك ەتۋ كەرەك. كەدەي بۇقارانى كاسىپتەندىرۋگە تاباندى بولىپ، ولقىلىقتاردى تولىقتاپ، كەدەي ەڭبەككۇشتەرگە ۇيلەسەتىن الەۋمەتتىك يگىلىك قىزمەت ورنىن، وتباسىنان كاسىپتەندىرۋ ورنىن جانە قوسىمشا كاسىپ ورنىن جالعاستى اشىپ، كاسىپتەنگەن كەدەي وتباسىلارىنىڭ ورنىقتى كاسىپتەنۋىن جۇزەگە اسىرىپ، كەدەي جان ساندارىنىڭ تۇگەلدەي ۋاعدالى ۋاقىتتا كەدەيىلىكتەن ارىلۋىنا كەپىلدىك ەتۋ كەرەك. اۋداندار ( قالا، كورىنىس رايونى) جەرلىك جاعدايعا قاراي، باقىتتى اۋلا، باقىتتى اۋلا قۇرىلىسى قىزمەتىن مۇقيات ورىستەتىپ، قيىنشىلىعى بار توپتاردىڭ قالىپتى ءوندىرىس، تۇرمىسىن قامتاماسىزداندىرۋ كەرەك. جاپپاي تەكسەرۋ قىزمەتىن كەدەيلىكتەن ارىلتۋدان قامال الۋدىڭ جەڭىسنە قول جەتكىزۋدەگى ماڭىزدى نەگىز ەتىپ، كەدەيلىكتەن ارىلتۋدان قامال الۋداعى جاپپاي تەكسەرۋ قىزمەتىن تىڭعىلىقتى ورىستەتىپ، كەدەيلىكتەن ارىلتۋدان قامال الۋداعى نىسانالى مىندەتتەردىڭ ۋاعدالى ۋاقىتتا، جوعارى ساپالى ورىندالۋىنا كەپىلدىك ەتۋ كەرەك. كەدەيلەردى سۇيەمەلدەۋدە اقىل - پاراسات جاعىنان سۇيەمەلدەۋگە جالعاستى كۇش شىعارىپ، كەدەي بۇقارانى بۇگىنگى تاڭداعى باقتتى تۇرمىسىمىزدىڭ پارتيانىڭ ابزال ساياساتىنىڭ ارقاسىندا قولعا كەلگەندىگىن، تيىمدىلىكتىڭ قايدان شىعىپ، قالاي ىستەتىلەتىندىگىن ۇعىنۋعا جەتەلەۋ كەرەك. ساياسي باتىلدىقتى كۇشەيتىپ، جاۋاپكەرلىكتى جاپپاي قاتاڭداستىرىپ، كەدەيلىكتەن ارىلتۋدان قامال الۋداعى ماڭىزدى ساياسي جاۋاپكەرلىكتى باتىل ارقالاپ، ءار دارەجەلى پارتكوم، ۇكىمەت، تاراۋلار، ورىندار ءبىر نيەت، ءبىر تىلەك بولىپ، جاۋاپكەرلىكتى شىڭداپ، ءتارتىپتى اتقارۋعا باقىلاۋشىلىق ەتۋدى كۇشەيتىپ، كۇش - قۋاتتى شوعىرلاندىرىپ، كەدەيلىكتەن ارىلتۋدان قامال الۋ شايقاسىن ويداعىداي جۇرگىزۋ كەرەك.

  ماجىلىستە مىنالار تالاپ ەتىلدى: ءار دارەجەلى تاراۋلار، ورىندار قوعامدىق جالپى جاعدايدىڭ جاراسىمدىلىعىن، ورنىقتىلىعىن باتىل قورعاپ، ساقتىق دابىلىن ۇدايى قاعىپ، قىراعىلىقتى ارتتىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا بۇلجىتپاي شوعىرلاندىرۋ كەرەك. ىندەتتەن ساقتانۋ – تىزگىندەۋدى ۇدايىلاندىرۋ قىزمەتىن مىقتى، ناقتى، ەگجەي - تەگجەيلى يگەرىپ، شەكارا وتكەلى قورعانىس شەبىن باتىل قورعاپ، ىندەتتەن ساقتانۋ - تىزگىندەۋدىڭ ءونىمدى شارالارىن دالمە - ءدال تياناقتاندىرۋ كەرەك. ساياحاتقا قىزمەت وتەۋ ساپاسىن شىنايى جوعارىلاتىپ، ءار قايسى كورىنىس رايوندارىنىڭ ”شەكتى كولەمدە اشۋ، ۋادەلەسە اشۋ، تارتىپپەن اشۋ، ارالىق تاستاپ باقشاعا كىرۋ، ۋاقىتىن الشاقتاتىپ ساياحاتتاۋ“ قاتارلى شارالاردى قاتاڭ اتقارىپ، تياناقتاندىرىپ، ”التايدى ساياحاتتاۋداعى“ ءتيىمدى ساياساتتاردان ويداعىداي پايدالانىپ، ساياساتتىق تۇسىندىرمەنى دەركەزىندە ويداعىداي ىستەپ، بۇقارا كوڭىل ءبولىپ وتىرعان ماسەلەلەرگە دەركەزىندە جاۋاپ قايتارۋ كەرەك. ءوندىرىس حاۋىپسىزدىگىن بۇلجىتپاي ويداعىداي يگەرىپ، بۇقارالىق قىزمەتتى ىشكەرىلەي، ەگجەي - تەگجەيلى ىستەپ، ىندەتتەن ساقتانۋ - تىزگىندەۋ مەن كەدەيلىكتەن ارىلتۋدان قامال الۋ جانە ەكونوميكالىق، قوعامدىق دامۋدىڭ ءتۇرلى قىزمەتتەرىن ءبىر تۇتاس جوسپارلاپ ىلگەرىلەتىپ، جاراسىمدى، ورنىقتى ورتا جاراتۋ كەرەك.

  ءسابيت قازەز ۇلى، باقىت ينايات ۇلى، گۇلنۇر نۇرعالي قىزى، ۋاڭ يگۋاڭ، جۋ شين، ياڭ ۋىنگۋاڭ، اقجول انەس ۇلى، لان شىڭشين قاتارلى ايماقتىق ءتورت باسشىلىق القانىڭ باسشىلارى مەن ايماققا توتە قاراستى تاراۋلاردىڭ (ورىندار) نەگىزگى جاۋاپتىلارى ۇيرەنۋگە قاتىناستى.

جاۋاپتى رەداكتور: اعاربەك ەگىس ۇلى