شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، اسپانى اشىق، جەرى جاسىل، سۋى تۇنىق كوركەم شينجياڭ قۇرۋ كەرەك

چىن چۋانگو شينجياڭ قورشاعان ورتانى قورعاۋ كوميتەتىنىڭ ماجىلىسىندە بىلاي دەپ باسا دارىپتەدى

شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، اسپانى اشىق، جەرى جاسىل، سۋى تۇنىق كوركەم شينجياڭ قۇرۋ كەرەك

شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى

  تىلشىلەرىمىز ياۋ تۇڭ، ۋاڭ شيڭرۇي 12 - ايدىڭ 7 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ شۋجيى، شينجياڭ قورشاعان ورتانى قورعاۋ كوميتەتىنىڭ مەڭگەرۋشىسى چىن چۋانگو شينجياڭ قورشاعان ورتانى قورعاۋ كوميتەتىنىڭ ءماجىلىسىن باسقارىپ اشىپ، باس شۋجي شي جينپيڭنىڭ ەكولوگيالىق وركەنيەت قۇرىلىسى جانە ەكولوگيالىق ورتانى قورعاۋ جونىندەگى ماڭىزدى بايىمداۋلارىن ۇيرەنىپ، بۇكىل رايوننىڭ ەكولوگيالىق ورتانى قورعاۋ قىزمەتىن اقىلداسىپ ورنالاستىردى.

  اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، سارقىت اقان، ياڭ شين، جاڭ چۇنلين ماجىلىسكە قاتىناستى. ءماجىلىس اۆتونوميالى رايوننىڭ ورتالىق قورشاعان ورتانى قورعاۋدى قۋزاۋ - تەكسەرۋدە اڭىس ەتكەن پىكىرلەردى رەتتەۋ - تۇزەتۋ قىزمەتىنىڭ ىلگەرىلەتىلۋ جاعدايىنان بەرىلگەن مالىمەتتى تىڭدادى.

  چىن چۋانگو بىلاي دەپ اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسى مەن قورشاعان ورتانى قورعاۋ قىزمەتىنە وسكەلەڭ ءمان بەردى، باس شۋجي شي جينپيڭ ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى بەكىتۋ جازىپ، ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋدا امالياتتان تانىمعا دەيىن تاريحي سيپاتتى، بۇرىلىس سيپاتتى، جالپى جاعداي سيپاتتى وزگەرىستەردىڭ تۋىلۋىن ىلگەرىلەتىپ، ەكولوگيالىق ورتانى قورعاۋدا تاريحي تابىستارعا قول جەتكىزۋگە، تاريحي وزگەرىس تۋىلۋعا جەتەكشىلىك ەتتى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭنىڭ ەكولوگيالىق وركەنيەت يدەياسىن باتىل دايەكتىلەندىرىپ، تياناقتاندىرىپ، ەكولوگيالىق وركەنيەت قۇرىلىسىن كۇشەيتىپ، قورشاعان ورتانى قورعاۋ قىزمەتىن جاقسى ىستەپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزىپ، اسپانى اشىق، جەرى جاسىل، سۋى تۇنىق كوركەم شينجياڭ قۇرۋعا قۇلشىنۋ كەرەك.

  چىن چۋانگو بىلاي دەپ باسا دارىپتەدى: ورتالىق قورشاعان ورتانى قورعاۋدى قۋزاۋ - تەكسەرۋدە اڭىس ەتكەن پىكىرلەردى رەتتەۋ - تۇزەتۋدى ۇزدىكسىز يگەرىپ، ماسەلەنى باعدار ەتۋگە تاباندى بولىپ، رەتتەۋ - تۇزەتۋ جاۋاپكەرشىلىگىن تياناقتاندىرىپ، باتىل جاۋاپكەرشىلىك ارقالاپ، ىسكەرلىك كورسەتىپ، ورىندالعان رەتتەۋ - تۇزەتۋ مىندەتتەرىنە قاراتا باقىلاۋ - باسقارۋدى كۇشەيتۋ، تابىستاردى بەكەمدەۋ، قايتا تۋىلۋدان ساقتانۋ كەرەك؛ ىلگەرىلەتىلۋ ۇستىندەگى رەتتەۋ - تۇزەتۋ مىندەتتەرىنە قاراتا، كوز جازباي قاداعالاپ، ۇزدىكسىز كۇش سالىپ، ماسەلەنى تەكسەرىپ انىقتاماي تىنباۋ، جاۋاپكەرشىلىكتى تياناقتاندىرماي تىنباۋ، رەتتەۋ - تۇزەتۋدى تياناقتاندىرماي تىنباۋ، بۇقارانى رازى ەتپەي تىنباۋ كەرەك. ”تۇنىق سۋ، جاسىل تاۋ باعالى بايلىق، قارلى دالا، مۇزدى القاپ تا باعالى بايلىق“ دەگەن ۇستانىمدى مىقتاپ ورناتىپ، قىزىل سىزىقتى، تومەنگى شەكتى باتىل ساقتاپ، ەكولوگيالىق ورتانى قورعاۋ قۇرىلىسىن جان - جاقتى، بارلىق ءوڭىر، جالپى بارىس بويىنشا ورىستەتىپ، تاۋ، سۋ، ورمان، اتىز، كول، جايلىم ءبىر تۇلعالاندىرىلعان ەكولوگيانى قورعاۋ مەن قالپىنا كەلتىرۋدى ىشكەرىلەي اتقارىپ، كوك اسپاندى، ءمولدىر سۋدى، تازا توپىراقتى قورعاۋ شايقاسىن ۇزدىكسىز جۇرگىزىپ، ءوندىرىسى دامىعان، تۇرمىسى باقۋاتتى، ەكولوگياسى جاقسى بولعان وركەنيەتتى دامۋ جولىمەن تاباندىلىقپەن ءجۇرىپ، ەكولوگيالىق حاۋىپسىزدىك قالتقىسىن كۇش سالا قۇرىپ، ءار ۇلت بۇقاراسىنىڭ كۇن سايىن ارتىپ وتىرعان كوركەم ەكولوگيالىق ورتاعا قاجەتىن ۇزدىكسىز قاناعاتتاندىرۋ كەرەك.

  چىن چۋانگو بىلاي دەپ اتاپ كورسەتتى: ءار دارەجەلى پارتكومدار، ۇكىمەتتەر جانە بيڭتۋاننىڭ ءار دارەجەلى باسشىلىق القالارى ساياسي جاۋاپكەرشىلىكتى شىن مانىندە ارقالاپ، تۇلعالىق جاۋاپكەرشىلىكتى تياناقتاندىرۋى، پارتيا، ۇكىمەتتىڭ ءبىرىنشى باسشىلارى ءبىرىنشى جاۋاپكەرشىلىكتى وتەۋى كەرەك. ءار دارەجەلى ورىندار، تاراۋلار پارتيا مەن ۇكىمەت تەڭ جاۋاپتى بولاتىن، ءبىر قىزمەت ورنىندا قوس جاۋاپكەرشىلىك ارقالايتىن، ۇقىق پەن جاۋاپكەرشىلىگى ايقىن، تەڭ يگەرىپ، بىرگە باسقاراتىن قورشاعان ورتانى قورعاۋ قىزمەت مەحانيزمىن ورناتىپ، قىزمەت بىرىككەن كۇشىن قالىپتاستىرۋ كەرەك. ءار دارەجەلى قورشاعان ورتانى قورعاۋ تاراۋى عىلمي جوبالاۋدى، باقىلاپ - ولشەپ باعالاۋدى، زاڭنىڭ اتقارىلۋىن باقىلاۋدى، قۋزاپ تەكسەرىپ جاۋاپقا تارتۋدى كۇشەيتىپ، ەكولوگيالىق ورتانى قورعاۋ قىزمەتتەرىنىڭ تياناقتانۋىن ىلگەرىلەتۋ كەرەك.

  شينجياڭ قورشاعان ورتانى قورعاۋ كوميتەتىنە مۇشە ورىندارداعى قاتىستى جاۋاپتى جولداستار ماجىلىسكە قاتىناستى.

جاۋاپتى رەداكتور: اعاربەك ەگىس ۇلى