بۋىرشىن اۋدانى كوپ ءتۇرلى شارا قولدانىپ، قاتەرلى جاراقسىز زاتتاردى باقىلاپ – باسقارۋدى كۇشەيتىپ، ەكولوگيالىق ورتا حاۋىپسىزدىگىنە كەپىلدىك ەتتى

  التاي گازەتىنىڭ ءتىلشىسى جۇڭ چۇنچۇن حابارلايدى. جۋىقتا، ءتىلشىنىڭ ايماقتىق ورتانى قورعاۋ مەكەمەسىنىڭ بۋىرشىن اۋدانىنداعى بولىمشە مەكەمەسىنەن ۇعىسۋىنشا، جىل باسىنان بەرى، بۇل اۋدان كوپ شارانى بىرگە قولدانىپ، قاتەرلى جاراقسىز زاتتاردى باسقارۋدى كۇشەيتىپ، ونەركاسىپ قاتەرلى جاراقسىز زاتتارىن ارناۋلى رەتكە سالىپ وڭاۋدى بار كۇشپەن جەبەپ، ەمدەۋ جاراقسىز زاتتارىن شوعىرلى ءبىر جاقتى ەتۋدى تەرەڭدەتىپ، قاتتى جاراقسىز زاتتاردى ءونىمدى باقىلاپ ـ باسقارىپ ەكولوگيالىق وركەنيەت قۇرىلىسىن جەبەگەن.

  جاقىنعى كۇندەردەن بەرى، بۇل اۋدان قالاشىق رايونى ىشىندەگى 13 اۆتوكولىك رەمونتتاۋ ورنىنا، 11 اۆتوكولىك جۋۋ ورنىنا زاڭ اتقارۋ تەكسەرۋىن جۇرگىزىپ، رەتكە سالىپ تۇزەتۋ بۇيرىعى ۇقتىرۋىنان 14 ىن ءتۇسىردى؛ اۋدان قالاشىعىنداعى 4 شيپاحانا جانە اۋىل ـ قالاشىقتاعى 6 ەمحانانى ناق مايداندا ارالاپ، كاسىپورىن ەمدەۋ جاراقسىز زاتتارىن بەلگىلەمە بويىنشا باسقارعان ـ باسقارماعاندىعىن، ەسەپ تىزىمدىگىن ورناتقان ـ ورناتپاعاندىعىن، جۇيەلى تىزىمدەگەن ـ تىزىمدەمەگەندىگىن، ءتۇيىندى وڭىرلەردە ەمدەۋ جاراقسىز زاتتارى ەسكەرتۋ بەلگىسىن جاپسىرعان ـ جاپسىرماعاندىعىن ءتۇيىندى تۇردە تەكسەرىپ، بۋىرشىن اۋدانىندا قاتەرلى جاراقسىز زاتتاردىڭ ءونىمدى باسقارىلۋىنا كەپىلدىك ەتتى.

  ايماقتىق ەكولوگيالىق ورتا مەكەمەسى بۋىرشىن اۋداندىق بولىمشە مەكەمەسى پارتگرۋپپاسىنىڭ شۋجيى جاڭ ايشى بىلاي دەدى: «تەكسەرۋ بارىسىندا تەكسەرىپ اداقتاعان ورتا كومەسكى حاۋىپ ـ قاتەرى ماسەلەسىنە قاراتا، كاسىپورىن جانە قاتىستى ورىندارعا تاباندا مەرزىمدى ۋاقىت ىشىندە رەتكە سالىپ تۇزەتۋ بۇيرىعىن ءتۇسىرىپ، باتىل تۇردە ءبىرىن بايقاساق، ءبىرىن رەتكە سالىپ تۇزەتتىك؛ ءبىرى زاڭعا قايشىلىق ىستەسە، دەرەۋ دەلو تۇرعىزىپ تەكسەرىپ ءبىر جاقتى ەتىپ، ورتانى لاستاۋ كومەسكى حاۋىپ ـ قاتەرىن جورگەگىندە جويدىق».

  سونىمەن بىرگە، بۋىرشىن اۋدانى قاتەرلى جاراقسىز زاتتارعا قاتىستى ۇگىت تەبىنىن كۇشەيتىپ، كاسىپورىن قاتىستى جاۋاپتىلارىن جيناپ، شوعىرلى تاربيەلەۋ جانە ارناۋلى ادام جىبەرىپ ناق مايداندا قىزمەت وتەۋدى ءوزارا ۇشتاستىرۋ فورماسى ارقىلى قاتەرلى جاراقسىز زاتتاردى باسقارۋعا قاتىستى بىلىمدەردى ۇگىتتەۋدى، تاربيەلەۋدى ورىستەتىپ، كاسىپورىننىڭ قاتەرلى جاراقسىز زاتتاردان ساقتانۋ تانىمى مەن ءمان بەرۋ دارەجەسىن جوعارىلاتتى.

  جاڭ ايشى بىلاي دەدى: «كەلەر قادامدا قاراستى اۋماقتاعى قاتىستى كاسىپورىنداردى ءبىر ـ بىرلەپ تەكسەرىپ، جەتەكشىلىك ەتىپ، كاسىپورىنداردى قاتەرلى جاراقسىز زاتتاردى باسقارۋ شاراسىن اناعۇرلىم كەمەلدەندىرۋگە قۋزايمىز، قاتەرلى جاراقسىز زاتتاردى مالىمدەپ تىزىمگە الدىرۋ، تيجارات رۇقساتى، باسقارۋ جوسپارى، شۇعىل جاعدايعا توتەپ بەرۋ جوباسى، قاينار باسىنان تۇرگە ءبولۋ، ساقتىق بەلگىسى، باسقارۋ ەسەپ داپتەرى قاتارلى تۇزىمدەردى قاتاڭ اتقارىپ، كاسىپورىنداردىڭ قاتەرلى جاراقسىز زاتتاردى جۇيەلى باسقارۋ ورەسىن جوعارىلاتىپ، بۋىرشىن اۋدانىنىڭ ورتا حاۋىپسىزدىگىنە كەپىلدىك ەتەمىز».

جاۋاپتى رەداكتور: اعاربەك ەگىس ۇلى