ەكولوگيالىق ورتا مينيسترلىگى: بۇكىل ەلدىڭ ەكولوگيالىق ورتا ساپاسى ىندەتتىڭ ىقپالىنا ۇشىرامادى

بۇگىن تۇستە ەكولوگيالىق ورتا مينيسترلىگى جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرگى ەكولوگيالىق ورتا ساپاسىن باقىلاپ - ولشەۋ ناتيجەسىن جاريالادى. باقىلاپ – ولشەۋدە كورسەتىلۋىنشە، جالپى جاقتان قاراعاندا، بۇكىل ەلدەگى قالالاردىڭ ورتا اۋاسى، جەر بەتى سۋى، اۋىز سۋ قاينارى، ەكولوگيالىق ورتا ساپاسى ىندەتتىڭ ىقپالىنا ۇشىراماعان.

  ايماق دارەجەلىدەن جوعارى 337 قالانىڭ اۋاسىن اۆتوماتتى باقىلاپ – ولشەۋدە كورسەتىلۋىنشە، 2020 – جىلى 2 - ايدىڭ 1 - كۇنىنەن 19 كۇنىنە دەيىن ايماق دارەجەلى جانە ودان جوعارى دارەجەدەگى 337 قالادا ورتاشا ساپالى كۇن سانىنىڭ سالىستىرماسى ٪87.1 بولىپ، وتكەن جىلعى ۇقساس مەزگىلدەگىدەن 9.3 پايىز جوعارىلاعان.

  جالپى 6 مىڭ 900 دەن استام اۋىز سۋ قاينارىن باقىلاۋ - تەكسەرۋ ناتيجەسىندە كورسەتىلۋىنشە، 2020 - جىلى 2 - ايدىڭ 1 - كۇنىنەن 2 - ايدىڭ 19 - كۇنىنە دەيىن ىندەتتىڭ اۋىز سۋ قاينارىنىڭ سۋ ساپاسىنا ىقپال جاساۋ جاعدايى بايقالماعان. مۇنىڭ ىشىندە 994 اۋىز سۋ قاينارىنا قالدىق حلور باقىلاۋى جۇرگىزىلدى، 7 اۋىز سۋ قاينارىندا قالدىق حلور تەكسەرىلدى، قويۋلىعى قۇبىر سۋ زاۆودىنىڭ سۋ شىعارۋ ولشەمىنەن تومەن بولدى، باسقا اۋىز سۋ قاينارلارىندا قالدىق حلور تەكسەرىلمەدى.

  ءبىر مىڭ 601 مەملەكەتتىك توراپ سۋ ساپاسىن اۆتوماتتى باقىلاۋ پۋنكتىنىڭ باقىلاپ - ولشەۋ ناتيجەسىندە كورسەتىلۋىنشە، 2020 - جىلى 2 - ايدىڭ 1 - كۇنىنەن 19 - كۇنىنە دەيىن مەملەكەت بويىنشا جەر بەتى سۋىنىڭ Ⅰ - Ⅲ تۇرىندەگى سۋ ساپاسىنىڭ قيما بەت سالىستىرماسى %87.3، Ⅳ تۇرىندەگى جانە Ⅴ تۇرىندەگى قيما بەت سالىستىرماسى %10.8، ناشار V تۇرىندەگى قيما بەت سالىستىرماسى %1.9 بولىپ، وتكەن جىلعى ۇقساس مەزگىلدەگىمەن سالىستىرعاندا نەگىزىنەن قارايلاس بولعان.

 

جاۋاپتى رەداكتور: اعاربەك ەگىس ۇلى