ايماق جابىلعان 77 كەن ەكولوگيالىق ورتاسىن قالپىنا كەلتىرىپ جونگە سالدى

  التاي گازەتىنىڭ ءتىلشىسى جۇڭ چۇنچۇن مەن ەرىكتى ءتىلشى جين حۇڭشيا حابارلايدى. 4 ـ ايدىڭ 14 ـ كۇنى ءتىلشىنىڭ ايماقتىق تابيعي بايلىق مەكەمەسىنەن ۇعىسۋىنشا، ايماعىمىز تاياۋ جىلداردان بەرى ”تۇنىق سۋ، جاسىل تاۋ باعالى __ بايلىق، قار ـ مۇزدىڭ ءوزى __ اسىل قازىنا“ تانىمىن امالياتتا ايگىلەپ، كەن ەكولوگيالىق ورتاسىن قورعاۋ مەن قالپىنا كەلتىرۋ، جونگە سالۋ قىزمەتىن تىڭعىلىقتى ورىستەتىپ، كەن ەكولوگيالىق ورتاسىن قالپىنا كەلتىرۋ، وڭاۋ قىزمەتىن ءبىر مايدان شايقاس دەپ قاراپ، جابىلعان 77 كەن مەن ساياسات سيپاتتى جابىلعان شاعىن كومىر كەنى، شاعىل كەنى ورتاسىن قالپىنا كەلتىرۋ، جٶنگە سالۋ قىزمەتىن جاپپاي ىلگەرىلەتىپ، 6.71 شارشى كيلومەتر جەردى قالپىنا كەلتىرىپ وڭادى.

  2019 ـ جىلى 4 ـ ايدان بەرى، ايماعىمىز جابىلعان كەنگە 4 رەت ناق مايداندا جاپپاي باقىلاۋ جۇرگىزىپ، قالپىنا كەلتىرۋ، جٶنگە سالۋ جاعدايىن شارلاپ تەكسەردى. كەن رايونى مەن كەن رايونىنداعى تاس جول، بەتكەيدەگى جامىلعى وسىمدىكتەردى قالپىنا كەلتىرۋ قاتارلى گەولوگيالىق ورتانى جونگە سالۋ، قالپىنا كەلتىرۋ جاعدايىنا مۇقيات باقىلاۋ ـ تەكسەرۋ جۇرگىزىپ، كاسىپورىنداردان ”كىم اشسا، سول قورعاۋ، كىم لاستاسا، سول جونگە سالۋ، كىم بۇلدىرسە، سول قالپىنا كەلتىرۋ“ سىندى تۇلعالىق جاۋاپكەرلىكتى ادا ەتۋدى قاتاڭ تالاپ ەتىپ، گەولوگيالىق ورتانى قالپىنا كەلتىرۋ، وڭاۋ قىزمەتىن مەرزىمگە، قادامعا ءبولىپ ءبىر ـ بىرلەپ ورىستەتتى.

  ايماقتىق تابيعي بايلىق مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى ليۋ چىڭ تىلشىگە: ”ءبىر ءبولىم كاسىپورىنداردىڭ قالپىنا كەلتىرۋ، جٶنگە سالۋ قىزمەتى جونىندەگى تانىمى جەتەرسىز بولۋ، يدەياسىندا قايشىلىق بولۋ، ارەكەتى ءبىرشاما كەرەناۋ بولۋ جاعدايىنا قاراتا، باستاماشىلدىقپەن ساياساتتى دارىپتەپ، اقىل ـ كەڭەس بەرىپ، يدەيالىق قىزمەت ىستەپ، كەن ۇقىعى يەسىنىڭ ’مەن جٶنگە سالامىن با‘ دەگەننەن ’ءوزىم جونگە سالامىن‘ دەگەنگە دەيىنگى وراسان زور يدەيالىق بۇرىلىستى جۇزەگە اسىرۋىنا كومەكتەسىپ، جونگە سالۋ مىندەتىنىڭ ءساتتى ورىندالۋىنا كەپىلدىك ەتتىك. اۋداندار (قالا) كەن گەولوگيالىق ورتاسىن قالپىنا كەلتىرۋ، جونگە سالۋ ارناۋلى ارەكەتىنە باسشىلىق ەتۋ گرۋپپاسىن قۇرىپ، تاراۋلاردىڭ قىزمەت جاۋاپكەرلىگىن انىقتاپ، قىزمەت بىرىككەن كۇشىن قالىپتاستىرىپ، جابىلعان كەن ورتاسىن جونگە سالۋدىڭ قويۋ رايىن قالىپتاستىرۋعا كۇش سالدىق“ـ دەدى.

  سونىمەن بىرگە، ايماعىمىز كاسىپتىك اترەت قۇرىپ، جابىلعان كەن مەن ساياسات سيپاتتى جابىلعان شاعىن كومىر كەنىنىڭ، شاعىل زاۆودىنىڭ ورتانى ءبۇلدىرۋ احۋالىنا جاپپاي تەكسەرۋ جۇرگىزىپ، بۇلدىرگەن جەر اۋماعى، ورنى، وڭاۋ قيىندىق دارەجەسى قاتارلى ءتۇيىندى فاكتورلاردى جاپپاي يگەرىپ، تەكسەرۋ مالىمەتىن قالىپتاستىردى. جۇمىس بارىسىن قاراپايىمداستىرىپ، اي سايىن جاڭالاپ جانە جونگە سالۋ بارىسىن قالپىنا كەلتىرۋدىڭ الدى ـ ارتىنداعى سۋرەتتەردى سالىستىرۋ ارقىلى اياق الىسىن قاداعالاپ، كەن ورتاسىن جونگە سالۋ ونىمدىلىگىن كۇش سالا جوعارىلاتتى. اۋداندار (قالا) كەن ورتاسىن جونگە سالۋدى نەگىزگى تۇلعا ەتىپ، بولەكتەرگە ءبولۋ، جاۋاپكەرلىكتى ادامعا دەيىن تۇراقتاندىرۋ پرينسيپى بويىنشا، جابىلعان كەن، ساياسات سيپاتتى جابىلعان كەن، سونداي ـ اق شاعىل زاۆٶدى قاتارلىلاردىڭ گەولوگيالىق ورتاسىن قالپىنا كەلتىرۋ، جونگە سالۋ قىزمەتىن ورىستەتتى ءارى بەتالدى قازۋ قاتارلى زاڭعا قايشى ارەكەتتەر جونىندە تاراۋلاردىڭ بىرلەسىپ قيمىلداۋ مەحانيزمىن ىسكە قوسىپ، ءبىر تۇتاس ارەكەتكە كەلىپ، كەندەردىڭ قايتا اشىلۋىنان ساقتاندى.

  ليۋ چىڭ تىلشىگە: ”جابىلعان كەن ەكولوگيالىق ورتاسىن قالپىنا كەلتىرۋ قىزمەتىن ويداعىداي ىستەۋمەن بىرگە، قازىر كۋالىكى بار اشىق كەندەرگە تۇگەلدەي جەلىدە باقىلاۋ ـ مەڭگەرۋ جابدىعىن ورناتىپ، گەولوگيالىق ورتانى قالپىنا كەلتىرۋ، جونگە سالۋدى جاپپاي باقىلاپ ـ باسقارىپ، جۇمىستى جالعاستىرۋدى ءوتىنىش ەتكەن كەندەردى، ءسوز جوق، ايماق، اۋدان (قالا) دارەجەلى ۇيىمنىڭ كەن گەولوگيالىق ورتاسىن قالپىنا كەلتىرىپ، تەكسەرىپ وتكىزىپ الىپ، تولىمدى بولعان ءارى بايلىق قاينارى تۇرعان جەردەگى اۋداندىق (قالالىق) حالىق ۇكىمەتى ايقىن ماقۇلداعاننان كەيىن عانا جالعاستىرۋعا بۇيىرامىز. ءبىر قىدىرۋ ءونىمدى باسقارۋ ءتاسىلىن قولدانۋ ارقىلى كەن گەولوگيالىق ورتاسىن ءونىمدى قورعاۋعا مۇمكىندىك جاسادىق“ ـ دەدى.

جاۋاپتى رەداكتور: اعاربەك ەگىس ۇلى