شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، بارلىق ادام جابال كىرىسىپ، ۇزبەي كۇش جالعاپ، كورىكتى شينجياڭدى جاسىلداندىرايىق

چىن چۋانگو ۇرىمجىدە مىندەتتى اعاش ەگۋ قيمىلىنا قاتىناسقاندا بىلاي دەپ باسا دارىپتەدى

  شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، بارلىق ادام جابال كىرىسىپ، ۇزبەي كۇش جالعاپ، كورىكتى شينجياڭدى جاسىلداندىرايىق

  شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى

  گازەتىمىزدىڭ جالپىلىق اقپارات قۇرالدارى ءتىلشىسى ياۋ تۇڭ، ۋاڭ شيڭرۇي 4 - ايدىڭ 27 - كۇنى ۇرىمجىدەن حابارلايدى. كوكتەمنىڭ شۋاقتى كۇندەرى، تەبىندەپ كوك شىققان مەزگىل − ءدال اعاش ەگىپ، ورمان وسىرەتىن تاماشا مەزگىل. 4 - ايدىڭ 27 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى ۋاڭ جۇنجىڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتارلىلار ءۇرىمجى اۋدانىنداعى ءۇرىمجى - بانفاڭگوۋ، ءۇرىمجى - شۇيموگوۋ تاس جولىنىڭ ەكى جاعالاۋىنداعى ەكولوگيالىق ىقتاسىن ورمانى قۇرىلىس ينجەنەريا ورنىنا كەلىپ، ءۇرىمجى قالاسىنىڭ مىندەتتى اعاش ەگۋ قيمىلىنا قاتىناستى.

  اعاش ەگۋ تۇيىنىندە ەڭبەك دابىرالى ءجۇرىلىپ جاتتى. چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، سارقىت اقان، ياڭ شين، جاڭ چۇنلين قاتارلىلار ءار ۇلت كادر - بۇقاراسىمەن بىرگە، كۇرەك الىپ توپىراق قازدى، توپىراق ءۇيىپ قوم جالدادى، قالامشا تۇرعىزىپ، اعاش ەكتى، سۋ تاسىپ، اعاش سۋاردى. شۋاقتى كۇن نۇرىندا جاڭادان ەگىلگەن الما اعاشى، ورىك اعاشى، شاشاقتى شەگىرشىن سياقتى اعاش قالامشالارى ءار قيلى ەگىلگەنىمەن، كورەر كوزگە ءتۇزۋ ءوسىپ كەلەدى ەكەن.

  ەڭبەك ارەدىگىندە چىن چۋانگو ءۇرىمجى قالاسىنىڭ جانە اۆتونوميالى رايوننىڭ قاتىستى تاراۋلارىنىڭ جاۋاپتى جولداستارىنان بۇكىل قالانىڭ جاسىلداندىرۋ قىزمەتى جاعدايىن ۇعىستى، سونداي - اق ءار ۇلت كادر - بۇقاراسىمەن ىستىق ىقىلاسپەن اڭگىمەلەستى. ول بىلاي دەپ باسا دارىپتەدى: شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ استانادا مىندەتتى اعاش ەگۋ قيمىلىنا قاتىناسقان كەزىندە سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا دامۋ ۇستانىمىن بەرىك ورناتىپ جانە دايەكتىلەندىرىپ، تياناقتاندىرىپ، ەكولوگيانى الدىمەن ويلاستىراتىن، جاسىل دامۋ جولىمەن بۇلجىماي ءجۇرىپ، ىندەتتەن ساقتانۋ - تىزگىندەۋدىڭ ۇدايىلانۋ العى شارتىندا، مەملەكەت جەرىن زور كولەمدى جاسىلداندىرۋ قيمىلىن ىشكەرىلەي ورىستەتىپ، شينجياڭنىڭ بايتاق دالاسىن ۇزدىكسىز جاسىلداندىرىپ، كورىكتەندىرىپ، اسپانى اشىق، جەرى جاسىل، سۋى تۇنىق كورىكتى شينجياڭدى قۇلشىنا قۇرۋ كەرەك. ەكولوگيانى الدىمەن ويلاستىرۋعا، جاسىل دامۋعا تاباندى بولىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، اعاش ەگىپ، ورمان ءوسىرۋ، تاقىر تاۋلاردى جاسىلداندىرۋ سياقتى قيمىلداردى كۇش سالا ورىستەتىپ، جاسىلداندىرۋ قىزمەتىن ەكولوگيانى قورعاۋ، قالپىنا كەلتىرۋ كەلەلى ينجەنەرياسىمەن، ەكولوگيالىق كاسىپ سالاسى جۇيەسىن قالىپتاستىرۋمەن، ت. ب ءبىر تۇتاس جوسپارلاپ، ەكولوگيالىق كەڭىستىكتى قۇلشىنا كەڭەيتىپ، ەكولوگيالىق وركەنيەت قۇرىلىسىن قاجىماي - تالماي ىلگەرىلەتۋ كەرەك. حالىق ءۇشىن اعاش ەگۋگە، بۇقارانى باقىتقا كەنەلتۋگە تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، مەملەكەت جەرىن جاسىلداندىرۋدى تاباندىلىقپەن ورىستەتىپ، ءار ۇلت بۇقاراسىنىڭ كۇن سايىن ارتىپ كەلە جاتقان تاماشا ەكولوگيالىق ورتاعا دەگەن قاجەتىن ۇزدىكسىز قاناعاتتاندىرۋ كەرەك. جەرگىلىكتى جاعدايعا قاراي ىستەپ، عىلمي جوبالاپ، جاعراپيالىق ەكولوگيالىق ءىس جۇزىندىكپەن بىرلەستىرىپ، ساپالى جەرگىلىكتى اعاش تۇرلەرىن تاڭداپ، ءوسىمتال اعاشتار تۇرلەرىن كوپتەپ ەگىپ، سوڭعى باپتاۋ - قورعاۋ تەبىنىن ارتتىرىپ، كوكتەۋ سالىستىرماسى مەن كومكەرىلۋ سالىستىرماسىنا شىنايى كەپىلدىك ەتىپ، قالا، اۋىلداردى جاسىلداندىرۋدى، كورىكتەندىرۋدى بەلسەنە ىلگەرىلەتۋ كەرەك. جالپى حالىق ات سالىسۋعا، ۇزدىكسىز قاجىماي كۇش سالۋعا تاباندى بولىپ، پارتيالى كادرلار باستاماشىلدىقپەن ۇلگى كورسەتىپ، بۇكىل قوعام بىرگە ات سالىسىپ، ۇگىتتى، جەتەكشىلىك ەتۋدى كۇشەيتىپ، ورمان ءوسىرۋ، جاسىلداندىرۋ فورماسىن ۇزدىكسىز بايىتىپ جانە كەڭەيتىپ، جاسىل جامىلعىنى سۇيەتىن، جاسىل جامىلعى ەگەتىن، جاسىل جامىلعىنى قورعايتىن مەملەكەت جەرىن جاسىلداندىرۋ رايىن قالىپتاستىرىپ، جاسىل دامۋ ءتاسىلى مەن تۇرمىس ءتاسىلىن قالىپتاستىرۋدى ىلگەرىلەتۋ كەرەك. مەحانيزمدى اقاۋسىزداندىرۋعا، ونىمدىلىكتى جوعارىلاتۋعا تاباندى بولىپ، عىلمي، جالپى تۇلعالىق جوبالاۋدى كۇشەيتىپ، ۇسىنىلىم - تيجارات مەحانيزمدە جاڭالىق اشىپ، مەملەكەت جەرىن جاسىلداندىرۋدى كەدەيلىكتەن ارىلتۋدان قامال الۋمەن، اۋىل - قىستاقتاردى گۇلدەندىرۋمەن، لاستانۋدى جونگە سالۋمەن، قالا، اۋىلداردىڭ ورتاسىن رەتتەۋ - جونگە سالۋمەن، ت. ب ورگانيكالى بىرلەستىرىپ، ەرەكشە ورمانشىلىق كاسىپ سالاسى دامۋىنىڭ جاڭا جولدارىنا بەلسەنە ىزدەنىس جاساپ، اعاش ەگىپ، ورمان ءوسىرۋدى ۇدايىلاندىرۋدى، باياندى ەتۋدى، تۇزىمدەندىرۋدى ىلگەرىلەتىپ، ەكولوگيالىق تيىمدىلىكتىڭ، ەكونوميكالىق ونىمدىلىكتىڭ، قوعامدىق ونىمدىلىكتىڭ تەڭ قادامدا جوعارىلاۋىن جەبەۋ كەرەك.

  اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس قۇرىلىس بيڭتۋانىنىڭ جانە قارۋلى ساقشى شينجياڭ باس اترەتىنىڭ جاۋاپتى جولداستارى، اۆتونوميالى رايونداعى جانە ءۇرىمجى قالاسىنداعى قاتىستى تاراۋلاردىڭ جاۋاپتى جولداستارى مىندەتتى اعاش ەگۋ قيمىلىنا قاتىناستى.

جاۋاپتى رەداكتور: اعاربەك ەگىس ۇلى