التاي ايماعىنىڭ تاڭداۋلى پارتيا ىستەرى كادرلارىن تاربيەلەۋ كۋرسى شاڭحاي قالاسىنىڭ چاڭنيڭ قالاسىنداعى جاسامپاز دارىندىلاردى جەتىلدىرۋ ينستيتۋتىندا ساباق باستادى

  ەرىكتى ءتىلشى لي جىنحاي حابارلايدى. 12-ايدىڭ 1-كۇنى، جيلين ولكەسىنىڭ شينجياڭعا باعىتتامالى كومەكتەسۋ نىسانىنىڭ قولداۋىندا، التاي ايماعىنىڭ تاڭداۋلى پارتيا ىستەرى كادرلارىن تاربيەلەۋ ارناۋلى كۋرسىنىڭ ساباق باستاۋ سالتى شاڭحاي قالاسى چاڭنيڭ جاڭالىق اشۋشى دارىندىلاردى جەتىلدىرۋ شۋەيۋانىندا وتكىزىلدى. التاي ايماعىنداعى 8 اۋداننان (قالا، كورىنىس رايونى)، ايماققا توتە قاراستى 8 تاراۋدان كەلگەن 50 تاڭداۋلى پارتيا مۇشەسى، تاڭداۋلى پارتيا ىستەرى قىزمەتكەرى وسى رەتكى كۋرسقا قاتىناستى.

  بۇل رەتكى تاربيەلەۋ كۋرسى جەتى كۇنگە جالعاسادى، تاربيەلەۋ كلاسىنىڭ ساباق جوباسى ارناۋلى تاربيەلەۋدى نەگىز ەتىپ، شاڭحاي قالاسىنداعى كوپتەگەن مامان وقىمىستىلاردى ۇسىنىس ەتتى،  «پارتيا ىستەرى كادرلارىنىڭ باسشىلىق قۋاتى مەن اتقارۋ قۋاتىنىڭ جوعارىلاۋى»، «توراپ جاماعات پىكىرىنە توتەپ بەرۋ» قاتارلى 5 ٴتۇرلى ارناۋلى تاقىرىپتىق لەكسيا جاسادى، سونىمەن بىرگە، پارتيانىڭ مەملەكەتتىك 1-قۇرىلتايىنىڭ اشىلعان ورنى، لۇڭحۋا قۇربانداردى ەسكە الۋ سارايى، شاڭحاي دۇنيە جۇزىلىك كورمەسى مۇراجايى سياقتى ناق مايداندا وقىتۋ، ىقپالداسىپ وقىتۋ، وقىتۋدى كەڭەيتۋ جانە گرۋپپالارعا ٴبولىپ تالقىلاۋ سياقتى 10 ٴتۇرلى وقىتۋدى ەكسكۋرسيالادى، تاربيەلەۋ قازىرگى جاعدايمەن تىعىز ۇشتاستىرىلعان، فورماسى الۋان ٴتۇرلى، مازمۇنى باي بولىپ، پارتيالىلىق تاربيەنى كۇشەيتىپ، كاسىپتىك ساپانى جوعارىلاتۋداعى سالتاناتتى ورنالاستىرۋ بولدى.

  كۋرىسقا قاتىناسقان كۋرسانتتار ارت-ارتىنان بىلاي دەدى، كەزەكتەگى ٴتۇرلى قىزمەت مىندەتتەرى توتەنشە جاپالى بولعان جاعداي استىندا دا، ايماقتىق پارتكوم ٴبىزدى شاڭحايعا بارىپ كۋرسقا قاتىناستىردى، بۇل بىزگە شابىت بەرۋمەن بىرگە، ونان دا ماڭىزدىسى ءبىزدىڭ العا باسۋىمىز ءۇشىن تاماشا ۇيرەنۋ تەكشەسىن ازىرلەپ بەردى، ٴبىز وسى رەتكى تاربيەلەۋ ورايىن بارىنشا قاستەرلەپ، ساياسي، كاسىپتىك ساپا جانە ٴىس جۇزىندىك قىزمەت قابىلەتىن كۇش سالا جوعارىلاتىپ، پارتيالىلىق كوزقاراس پەن پارتيا مۇشەلەرى تانىمىن كۇشەيتىپ، مۇرات-سەنىمدى بەكەمدەپ، پارتيالىلىق شىنىعۋدى كۇشەيتىپ، اۋەلگى ماقسات پەن بورىشتى شىن مانىندە كوكەيگە ۇيالاتىپ، ارەكەتكە اينالدىرۋ كەرەك. سونىمەن بىرگە جالپى جاعداي تانىمى مەن كوللەكتيۆ كوزقاراسىن بەرىك ورناتىپ، كىشىپەيىل پوزيتسيا، قاتاڭ ٴتارتىپ، ىسىلعان ستيل ارقىلى التاي ايماعىنداعى پارتيالى كادرلاردىڭ تاماشا وبرازىن ورناتۋ كەرەك.

  شاڭحاي قالاسى جاڭالىق اشۋشىلار ٴبىلىم اسىرۋ ينستيتۋتىنىڭ باستىعى حى چيڭيۋان مەكتەپ اتىنان ٴسوز سويلەدى. ول بارلىق كۋرسانتتارعا شاڭحاي قالاسىنىڭ ەكونوميكالىق، قوعامدىق دامۋى مەن شاڭحاي قالاسى چاڭنيڭ جاڭالىق اشۋشىلار ٴبىلىم اسىرۋ ينستيتۋتىنىڭ وقىتۋ تانىمىن، تاريحي دامۋىن، تاربيەلەۋ قىزمەتىنىڭ ورىستەتىلۋ جاعدايىن تانىستىردى.

جاۋاپتى رەداكتور: اعاربەك ەگىس ۇلى