شينجياڭعا باعىتتامالى كومەكتەسۋ شينجياڭنىڭ دامۋدىڭ قارقىندى جولىنا تۇسۋىنە دەم بەردى

 شينجياڭعا باعىتتامالى كومەكتەسۋ شينجياڭنىڭ دامۋدىڭ قارقىندى جولىنا تۇسۋىنە دەم بەردى

   شينحۋا اگەنتتىگىنىڭ ءتىلشىسى فۋ شياۋبو

  مەملەكەت ستراتەگياسى رەتىندە شينجياڭعا باعىتتامالى كومەكتەسۋ اتقارىلعاننان بەرى، اسىرەسە، 2010 - جىلى جاڭا كەزەكتى شينجياڭعا باعىتتامالى كومەكتەسۋ باستالعاننان بەرى، شينجياڭعا كومەكتەسكەن 19 ولكە، مەملەكەتتىڭ مينيسترلىكتەرى، كوميتەتتەرى جانە كاسىپورىندارى جان - جاقتى قولداۋ كورسەتىپ، شينجياڭنىڭ ءار سالا ىستەرىنىڭ دامۋىن، العا باسۋىن ىلگەرىلەتتى ءارى شينجياڭنىڭ جوعارى ساپالى دامۋىنا ۇزبەي قوزعاۋشى كۇش قوستى.

  شينجياڭداعى ەڭ ادەمى مەكتەپتەر، ەڭ وزىق شيپاحانالار، بولاشاعى ەڭ نۇرلى كاسىپ سالاسى نىساندارىنىڭ كوبى شينجياڭعا كومەكتەسۋ ينجەنەرياسىنىڭ ارقاسىندا كەلگەن. حۋناننان شينجياڭعا كومەكتەسۋگە كەلگەن كادر يىن ليشين كەلەر جىلى 1 - ايدا ءۇرتىس 6 جىلدىق شينجياڭعا كومەكتەسۋ مىندەتىن رەسمي اياقتاتادى. شينجياڭعا كومەكتەسكەن كەزىندە ول تۇرپان قالاسى ءپىشان اۋدانىنىڭ ساياحات بايلىعىن تولىق كادەگە جاراتىپ، كوپتەگەن ايتۋلى ساياحات جولدارىن اشىپ، جەرگىلىكتى ورىننىڭ ساياحات تانىسقىسىن ايگىلەپ، تۇرعىنداردى كىرىسىن ارتتىرۋعا جەتەكتەدى.

  2010 - جىلى جاڭا كەزەكتى شينجياڭعا باعىتتامالى كومەكتەسۋ قىزمەتى رەسمي اتقارىلعاننان بەرى، نەشە كەزەك شينجياڭعا كومەكتەسۋشى كادرلار كۇش جالعاپ، شينجياڭنىڭ بايتاق دالاسىندا سان - ساناقسىز كورنەكتى وزگەرىستەردى جارىققا شىعاردى. بۇگىنگى كۇنى شەت - شالعاي اۋدان - قالاشىقتارىنان دا شينجياڭعا كومەكتەسۋشىلەردىڭ قاراسىن كورۋگە بولادى، كومەكتەسۋشى جاقتىڭ، كومەك قابىلداۋشى جاقتىڭ تىزە قوسا قۇلشىنۋىندا، كونە قالا رايونى ايتۋلى ساياحات كورىنىس رايونىنا اينالدى؛ قالادان شالعايلاۋ جەردەگى اۋىل - قالاشىقتاردا، قىستاقتاردا ۇيلەر قاز - قاتار ءتىزىلىپ، مەكتەپ جاتاقتارى مەن قىستاق شيپاحانالارى تۇگەلدەي ”ولشەم بويىنشا جابدىقتالدى“...

  حوتان ايماعى قاراقاش اۋدانىنىڭ كونە قالا رايونىنا بارساڭىز، ءار ءتۇرلى تۇرعىن ۇيلەر شىت جاڭا جوندەلىپ، ءبىر تۇتاس سولعىن كۇرەڭ قىزىل رەڭگە بويالعان تام قابىرعالارى رەتتى، اسەم كورىنەدى. گۇلميرا تۇرسىننىڭ اۋلاسى كەڭ، مۇنتازداي تاپ - تازا ، وتباسىنا ەلەكتر، سۋ، توراپ جەلىسى جەتكىزىلۋمەن بىرگە، تاعى تابيعي گاز دا جالعانعان. ول بىلاي دەدى: ”بىرنەشە جىلدىڭ الدىندا بۇل جەر لاشىقتى رايون ەدى، تام ۇيلەردىڭ توزىعى جەتىپ، تار باتپاق جولداردا لاس سۋ جايىلىپ جاتاتىن“.

  تۇرپان، تارباعاتاي، قاشقار، حوتان سياقتى جەرلەردە شيپاحانالاردىڭ قاتتى بولشەك قۇرىلعىلارى كورنەكتى جاقسارىپ، شينجياڭعا كومەكتەسۋشى شيپاگەرلەر ناۋقاس ەمدەپ ادام قۇتقارىپ قانا قويماي، جەرگىلىكتى ورىننىڭ ەمدەۋ تەحنيكالارىنداعى كوپتەگەن بوستىقتى تولتىرىپ، يگىلىگىن كورگەن بۇقارا كۇن سايىن كوبەيدى. بيىل 9 - ايدا ”شياڭيا − شينجياڭ قالقانشا بەز ناۋقاسىن تەكسەرۋ - ەمدەۋ ورتالىعى“ تۇرپان قالاسىندا قۇرىلدى، جەرگىلىكتى ورىنداعى ناۋقاس فاڭ فاڭ بىلاي دەدى: ”بۇرىن قالقانشا بەزدى تەكسەرتۋ ءۇشىن 200 كيلومەترگە جۋىق الىستاعى ۇرىمجىگە باراتىنبىز، قازىر ءۇيىمىزدىڭ الدىنان - اق ماماندار ءنومىرىن الا الاتىن بولدىق“.

  تۇرمىس جاقسارعانىمەن، شىعار جول دا بولۋ كەرەك، شينجياڭعا كومەكتەسۋدە ”قان قۇيۋ“مەن قاتار تاعى ”قان جاساۋى“ كەرەك. قىسقا عانا بىرنەشە جىلدا قىرۋار كاسىپ سالاسى باقشا رايونى شينجياڭدا ىرگە تەۋىپ، تامىر تارتتى، توقىماشىلىق، جاساۋ كاسىبى سياقتى ەڭبەككۇش شوعىرلانعان ءبىر توپ نىساندار ىرگە تەۋىپ ىسكە قوسىلىپ، شينجياڭ مەن شىعىس ورتا بولىك اراسىنداعى ءوندىرىس، تاسىمال، ساتۋ، تيجارات ارناسى ىركىلىسسىزدەندى.

  قاشقار ايماعى ياركەن اۋدانى تومەنگى وستەڭ اۋىلىندا شينجياڭعا كومەكتەسۋشى كاسىپورىن تۇكتى ويىنشىق ءوندىرۋ بويىنشا كەدەيلەردى سۇيەمەلدەۋ سەحىن قىستاقتا قۇردى. وسى جەردە جۇمىس ىستەيتىن قىستاق تۇرعىنى رەقىز قادىر بىلاي دەدى: وتباسىمىزدا ادام كوپ، جەر از، وتكەندە ەڭ تومەنگى تۇرمىستى قامتاماسىزداندىرۋ قاراجاتىنا سۇيەنىپ كۇنەلتەتىنبىز، قازىر كۇنى بويى قاربالاس جۇمىسقا شىعىپ، ايلىق كىرىسىمىز 1500 يۋان ارتتى.

  جىجياڭ ولكەسى شينجياڭعا باعىتتامالى كومەكتەسكەن اقسۋ ايماعى شينجياڭداعى ەرەكشە ورمان جەمىسى وندىرىلەتىن نەگىزگى ءوڭىر، تاسىمال ارناسىنىڭ ىركىلىسسىز بولماۋىنان ونىمدەردى ساتۋ ارناسى تار بولىپ، شارۋالاردىڭ كىرىسىن ارتتىرۋى قيىنعا سوققان ەدى. وسىعان ساي، جىجياڭ ولكەسىنىڭ شينجياڭعا كومەكتەسۋ قولباسشىلىق شتابىنىڭ دانەكەر بولۋىندا، جىجياڭ ولكەسى قامبا، زات اينالىمى جانە ”10 قالادا 100 دۇكەن بولۋ“ سىندى ساتۋ تورىن ورنالاستىرىپ، اقسۋداعى جەمىس شارۋالارىنىڭ بازار اشۋىنا ءساتتى كومەكتەسىپ، جەرگىلىكتى ورىننىڭ ورمان - جەمىس شارۋاشىلىعىنىڭ دارەجەسىن جوعارىلاتىپ زورايۋىنا جەتەكشىلىك ەتتى. شاڭحاي قالاسى شاڭحاي اۆتوموبيل توبى، لۇيدي توبى، يۋەشيڭ توبى، شاڭحاي قۇرىلىس ماتەريالدارى، شاڭحاي ءدارى - دارمەك سياقتى ءبىر توپ باسىمدىققا يە كاسىپورىنداردىڭ نىساندارىن شينجياڭعا اكەلىپ، ىرگە تەپتىرىپ، جەرگىلىكتى كاسىپ سالاسىنىڭ ”قان جاساۋ يقۋاتىن“ ارتتىرىپ، جەرگىلىكتى بۇقاراعا 15 مىڭنان استام جۇمىس ورنىن ازىرلەدى.

  10 جىلدا 87 مىڭ 500 ادام (رەت) شينجياڭعا كومەكتەسۋگە قاتىناسىپ، شينجياڭعا كومەكتەسۋ ءتۇرلى قارجىسى 120 ميلليارد يۋانعا تاياپ، اتقارعان كاسىپ سالاسى سەلبەستىك نىساندارى 12 مىڭنان استى، مۇنىڭ %80ى حالىق تۇرمىسىنا ىستەتىلدى. بيىل جازدا اشىلعان 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىندە شينجياڭعا باعىتتامالى كومەكتەسۋ ۇزاق ۋاقىتتىق ينجەنەريا رەتىندە بولاشاقتا شينجياڭعا جاپپاي كومەكتەسۋگە، شينجياڭعا دالمە - ءدال كومەكتەسۋگە، شينجياڭعا باياندى كومەكتەسۋگە تاباندى بولىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزبەي جوعارىلاتۋ كەرەك دەپ العا قويىلدى.

  (شينحۋا اگەنتتىگىنىڭ 12 - ايدىڭ 8 - كۇنى ۇرىمجىدەن بەرگەن حابارى)

جاۋاپتى رەداكتور: اعاربەك ەگىس ۇلى