شينجياڭعا باعىتتامالى كومەكتەسۋ ءتۇزىم ابزالدىلىعىن ايگىلەدى

 شينجياڭعا باعىتتامالى كومەكتەسۋ ءتۇزىم ابزالدىلىعىن ايگىلەدى

   باي جىيۇي

  87 مىڭ 500 ادام (رەت) شينجياڭعا كومەكتەسۋگە ات سالىستى، ءار ءتۇرلى شينجياڭعا كومەكتەسۋ قارجىسى 120 ميلليارد يۋانعا تايادى، اتقارىلعان كاسىپ سالاسى سەلبەستىك نىساندارىنىڭ سانى 12 مىڭنان استى... 2010 - جىلى جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، 19 ولكە، قالا شينجياڭمەن قول ۇستاسىپ، شينجياڭنىڭ دامۋدىڭ تەز ارناسىنا تۇسۋىنە دەم بەرىپ، شينجياڭداعى ءار ۇلت كادر - بۇقاراسىنا وتان ۇلى شاڭىراعىنىڭ مەيىرىن شىنايى سەزىندىردى.

  شينجياڭنىڭ قوعام ورنىقتىلىعى مەن باياندى تىنىشتىعى بۇكىل ەلدىڭ رەفورما، دامۋ، ورنىقتىلىق كەلەلى جاعدايىنا سايادى، جۇڭحۋا ۇلتىنىڭ ۇلى گۇلدەنۋىنە سايادى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق جالپى جاعداي تۇرعىسىنان شينجياڭ قىزمەتى جونىندە جاپپاي ورنالاستىرۋ جاساپ، شينجياڭعا جاپپاي كومەكتەستى، شينجياڭعا دالمە - ءدال كومەكتەستى، شينجياڭعا ۇزاق ۋاقىت كومەكتەستى، بۇرىن بولماعان دەڭگەيدە مول قارجى قوسىلدى، كوپ ادام ات سالىستى، كەڭ سالانى قامتىدى، تيانشاننىڭ تۇستىگى مەن تەرىستىگىنىڭ دامۋ بەت - بەينەسىن بارىنشا وزگەرتىپ، ۇلتتاردىڭ ارالاسۋىن، ىشتەسۋىن، توعىسۋىن بارىنشا جەبەپ، جۇڭگوشا سوتسياليزم ءتۇزىمىنىڭ وراسان زور ابزالدىلىعىن بارىنشا ايگىلەدى. شينجياڭعا باعىتتامالى كومەكتەسۋ جاراتقان وراي، اكەلگەن وزگەرىس، تاسقىنداتقان سەنىم شينجياڭنىڭ دامۋىنا سەرپىندى قوزعاۋشى كۇش ۇستەدى.

  كەدەيلىكتىڭ تامىرىنا بالتا شاپتى، مەكتەپتەر سالدى، ەمدەۋ قىزمەتكەرلەرىن جىبەردى، ءدارى - دارمەك جەتكىزدى، ساۋداگەر شاقىرىپ قارجى باۋرادى، كاسىپ سالالارىن سۇيەمەلدەدى، جۇمىستانۋدى جەبەدى... شينجياڭنىڭ جەر - جەرى، بارلىق ورىن شينجياڭعا باعىتتامالى كومەكتەسۋ اكەلگەن دامۋ ورايىن سەزىندى.

  قاقاعان ايازدى ۇستىرتتە كەدەيلىكتەن سۇيەمەلدەۋ ەلەكتر ستانسياسى كۇن نۇرىن بايلىققا اينالدىردى؛ ءشول - جازيرا، قاعىر دالادا وندىرىلگەن ەرەكشە جەمىس ورمانى ونىمدەرى تۇتىنۋ جاعىنان شينجياڭعا كومەكتەسۋدىڭ ارناسى ارقىلى شىعىس بولىكتەگى تەڭىز بويىنداعى وڭىرلەردەگى ەرەن بازارلارعا شىعارىلدى؛ ەڭبەك شەبەرلىگى جوق بۇقاراعا مەڭزەس، شينجياڭعا كومەكتەسۋشى كاسىپورىندار قىستاقتاردا سەح قۇردى، شارۋالار كەشكى مەكتەبىندە ينە شانشار جەر قالمادى؛ سانسىز توزىعى جەتكەن كونە توپىراق ۇيلەر، جەر كەپەلەردىڭ ورنىنان كەڭ دە رەتتى حالىقتى اۋقاتتاندىرۋ بەيقۇت ۇيلەرى بوي كوتەردى... شينجياڭعا باعىتتامالى كومەكتەسۋ اناعۇرلىم كوركەم مەكەندى تۇلعالاپ قانا قويماي، ۇلتتار ىنتىماعىنىڭ كۇشتى رايىن دا قالىپتاستىردى.

  شينجياڭعا باعىتتامالى كومەكتەسۋ اكەلگەن تەرەڭ قاتپارلى وزگەرىستەر قۇلشىنا كۇرەس جۇرگىزەتىن دامۋ قابىلەتىندە ايگىلەندى، بولاشاقپەن بەتپە - بەت كەلەتىن سەنىم مەن باتىلدىقتان دا ايگىلەندى. ”قازىر ءار ۇلت كادر - بۇقاراسى قۇلشىنا ىستەۋدە، ءبىز كومەكتەسىپ ىستەۋدەمىز“، - دەيدى شينجياڭعا كومەككە كەلگەن ءبىر كادر. ورتالىقتىڭ قامقورلىعى، بۇكىل ەلدىڭ كومەگى، ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ رۋحى شينجياڭنىڭ باياندى دامۋى مەن العا باسۋىنىڭ نەگىزىن نىعايتتى.

  جۇڭگوشا سوتسياليزم جاڭا داۋىرگە ءوتتى، شينجياڭ قىزمەتى دە جاڭا جاعداي، جاڭا مىندەتكە ءدوپ كەلدى. دامۋ ءالى دە شينجياڭنىڭ بارلىق ماسەلەسىن شەشۋدىڭ تەتىگى. كاسىپ سالاسى بويىنشا شينجياڭعا كومەكتەسۋدى شىنايى ىلگەرىلەتىپ، كومەك الۋشى جەرلەردىڭ ەرەكشە كاسىپتەردى، جاسىل كاسىپتەردى دامىتۋىنا، ونىمدەردىڭ ساتىلۋ ارناسىن كەڭەيتۋىنە كومەكتەسكەندە عانا، شينجياڭنىڭ دامۋ نەگىزىن جەتىلدىرۋگە بولادى. شينجياڭعا باعىتتامالى كومەكتەسۋ جانە كەدەيلىكتەن ارىلتۋدان قامال الۋ كەدەيلىكتەن ارىلتىپ بايۋدىڭ ءۇمىت قاقپاسىن اشىپ، وسى زامانعى تۇرمىستىڭ بەتالىسىن نۇرلاندىردى. بۇل بىزگە: مادەنيەت، وقۋ - اعارتۋ ارقىلى شينجياڭعا كومەكتەسۋدى، حالىق تۇرمىسىن قامتاماسىزداندىرۋ ارقىلى شينجياڭعا كومەكتەسۋدى، ءسوز جوق، تىڭعىلىقتى ىستەپ، بۇقارانىڭ تابىس سەزىمىن ۇزدىكسىز كۇشەيتۋ كەرەك دەگەن وي سالادى.

  بيىل 7 - ايدا اشىلعان 7 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىندە يدەيا مەن ارەكەتتى پارتيا ورتالىق كوميتەتىنىڭ شينجياڭ قىزمەتىنىڭ جاعدايى جونىندەگى تۇجىرىمىمەن، ورتالىقتىڭ جاڭا داۋىردەگى شينجياڭعا باعىتتامالى كومەكتەسۋ قىزمەتى جونىندەگى شەشىمدەرىمەن، ورنالاستىرۋلارىمەن بىرلىككە كەلتىرۋ العا قويىلدى. مەملەكەتتىك ستراتەگيا رەتىندە، شينجياڭعا باعىتتامالى كومەكتەسۋ شينجياڭنىڭ قوعام ورنىقتىلىعى مەن باياندى تىنىشتىق باس نىساسىن جۇزەگە اسىرۋداعى ماڭىزدى شارا. قيىندىقتان قامال الىپ، ىنتىماقتاسا كۇرەس جۇرگىزىپ، شينجياڭعا كومەكتەسۋ مىندەتتەرىنىڭ ەگجەي - تەگجەيلى ناقتى تياناقتاندىرىلۋىنا شىنايى كەپىلدىك ەتكەندە، شينجياڭنىڭ ەرتەڭى، ءسوز جوق، اناعۇرلىم كوركەم بولادى.

  (اۆتور حالىق گازەتىنىڭ ءتىلشىسى، قازىر شينجياڭ گازەتى مەكەمەسىندە سايكەستى مىندەت وتەيدى)

  (ماقالا 12 - ايدىڭ 24 - كۇنگى «حالىق گازەتى»ندە باسىلعان)

جاۋاپتى رەداكتور: اعاربەك ەگىس ۇلى