حالىق قۇرىلتايى ايماقتىق قىزمەت كوميتەتى 2019 ـ جىلعى اۋداندىق (قالالىق) حالىق قۇرىلتايى قىزمەتى اڭگىمە ءماجىلىسىن اشتى

  التاي گازەتىنىڭ ءتىلشىسى حۋ جۇنشيۋ حابارلايدى. 12 ـ ايدىڭ 28 ـ كۇنى حالىق قۇرىلتايى ايماقتىق قىزمەت كوميتەتى 2019 ـ جىلى اۋداندىق (قالالىق) حالىق قۇرىلتايى قىزمەتى اڭگىمە ءماجىلىسىن اشتى. حالىق قۇرىلتايى ايماقتىق قىزمەت كوميتەتى پارتگرۋپپاسىنىڭ شۋجيى ليۋ بين اڭگىمە ءماجىلىستى باسقاردى ءارى ءسوز سويلەدى، حالىق قۇرىلتايى ايماقتىق قىزمەت كوميتەتىنىڭ مەڭگەرۋشىسى ءسابيت قازەز ۇلى اڭگىمە ماجىلىسكە قاتىناستى.

  ءماجىلىس مىنالاردى اتاپ كورسەتتى: يدەيا مەن ارەكەتتى باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىمەن باتىل بىرلىككە كەلتىرىپ، جاڭا داۋىردەگى حالىق قۇرىلتايى قىزمەتىن ويداعىداي ىستەۋدىڭ جاۋاپكەرلىك سەزىمى مەن بورىشتىلىق سەزىمىن شىنايى كۇشەيتىپ، حالىق قۇرىلتايى ءتۇزىمىنىڭ ءتۇبىرلى ساياسي تۇزىمدىك رولىن تولىق ساۋلەلەندىرىپ، جۇڭگوشا سوتسياليزمنىڭ دامۋ جولىنان اۋىتقىماي، پارتيانىڭ باسشىلىعىن، حالىقتىڭ وزىنە ـ ءوزى قوجا بولۋىن، مەملەكەتتى زاڭمەن جونگە سالۋدى ورگانيكالى ۇشتاستىرۋعا تاباندى بولىپ، نازاردى باس نىساناعا شوعىرلاندىرىپ، جاڭا داۋىردەگى حالىق قۇرىلتايى قىزمەتىنىڭ دەڭگەيىن جاپپاي جوعارىلاتۋ كەرەك.

  ءماجىلىس مىنالاردى تالاپ ەتتى: بۇكىل ايماقتاعى ءار دارەجەلى حالىق قۇرىلتايلارى نەگىزگى جاۋاپكەرلىكتى، نەگىزگى كاسىپتى ارقاۋ ەتىپ، جاڭا داۋىردەگى حالىق قۇرىلتايى قىزمەتىنىڭ جاڭا تالابىنا ساي، زاڭنىڭ اتقارىلۋىن تەكسەرۋ، كوزدەن كەشىرۋ، تەكسەرۋ ـ زەرتتەۋ، قىزمەتتى باعالاۋ ساپاسىن ۇزدىكسىز جوعارىلاتىپ، حالىق قۇرىلتايىنىڭ باقىلاۋ ناقتى ونىمدىلىگىن شىنايى كۇشەيتۋ؛ ىشكى ءتۇزىم قۇرىلىسىن ۇزدىكسىز كۇشەيتىپ، مىندەتىن اتقارۋ ونىمدىلىگىن جاپپاي جوعارىلاتۋ؛ ماجىلىستە قاراۋ ساپاسىن ۇزدىكسىز جوعارىلاتىپ، ايماقتىق پارتكومنىڭ كەلەلى شەشىمدەرى مەن ورنالاستىرۋلارىنىڭ تەرەڭ تامىر تارتۋىن ىلگەرىلەتۋ كەرەك.

  ءماجىلىس مىنالاردى باسا دارىپتەدى: ۋاكىلدەردىڭ مىندەت اتقارۋ قابىلەتىن ۇزدىكسىز جوعارىلاتىپ، شينجياڭعا باعىتتامالى كومەكتەسۋدىڭ بايلىق ابزالدىلىعىنا سۇيەنىپ، تاربيەلەۋ قۇرىلىمدارىنىڭ رولىن ساۋلەلەندىرىپ، ۋاكىلدەردىڭ ۇيرەنۋ، تاربيەلەنۋىن ۇزدىكسىز كۇشەيتىپ، ۋاكىلدەر قيمىلى قاراجاتىن قامتاماسىز ەتىپ، «حالىق قۇرىلتايى ۋاكىلدەرى وتاۋى» قۇرىلىسىن ىشكەرىلەي ىلگەرىلەتىپ، قىزمەت ستيلىن شىن مانىندە جاقسارتىپ، حالىق قۇرىلتايى ۋاكىلدەرىنىڭ قابىلەتى مەن ونەرىن ۇزدىكسىز جوعارىلاتۋ كەرەك.

جاۋاپتى رەداكتور: اعاربەك ەگىس ۇلى