ايماق جيلين ولكەسىنەن شينجياڭعا باعىتتامالى كومەكتەسۋگە كەلگەن 3 ـ توپتاعى، 4 ـ توپتاعى كادر ـ تىرەكتىلەردىڭ كەزدەسۋ جيىنىن وتكىزدى

  التاي گازەتىنىڭ ءتىلشىسى لي چاڭدا حابارلايدى. 12 ـ ايدىڭ 29 ـ كۇنى ايماق جيلين ولكەسىنەن شينجياڭعا باعىتتامالى كومەكتەسۋگە كەلگەن 3 ـ توپتاعى، 4 ـ توپتاعى كادر ـ تىرەكتىلەردىڭ كەزدەسۋ جيىنىن وتكىزدى، ايماقتىق پارتكومنىڭ ورىنباسار شۋجيى، جيلين ولكەلىك شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى سۇن ليجۇن جيلين ولكەسىنىڭ 3 ـ توپتاعى التايعا باعىتتامالى كومەكتەسۋ قىزمەتى احۋالىنان مالىمەت بەردى، ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى جۋ شين جيىندى باسقاردى.

  2017 ـ جىلدان بەرى، جيلين ولكەسى شينجياڭعا 579 ميلليون يۋان قارجى قوسىپ، 214 نىسان اتقارىپ، شينجياڭعا جارىم جىلدان ارتىق ۋاقىت باعىتتامالى كومەكتەسەتىن كادر ـ دارىندىلاردان 974 ادامدى تاڭداپ جىبەردى، قازىر شينجياڭدا 616 ادام بار. جيلين ولكەلىك پارتكوم مەن ولكەلىك ۇكىمەتتىڭ پارمەندى باسشىلىعىندا، شينجياڭعا باعىتتامالى كومەكتەسۋ قىزمەتىنە باسشىلىق ەتۋ گرۋپپاسىنا مۇشە ورىنداردىڭ كۇش سالا قولداۋىندا، جيلين ولكەلىك شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى كومەككە يە بولاتىن جەردىڭ ءىس جۇزىندىك قاجەتىمەن تىعىز ۇشتاستىرىپ، «شينجياڭدى ورنىقتىرىپ، شەكارانى گۇلدەندىرۋ، حالىقتى اۋقاتتاندىرۋ» سىندى شينجياڭعا باعىتتامالى كومەكتەسۋ وي جەلىسىن بەرىك تىكتەپ، التايدىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى كۇش سالا ىلگەرىلەتتى.

  جيلين ولكەسىنىڭ 3 ـ توپتاعى شينجياڭعا باعىتتامالى كومەكتەسۋگە كەلگەن 159 كادر ـ دارىندى 2017 ـ جىلى 2 ـ ايدا شينجياڭعا كەلگەننەن بەرى، جيلين ولكەلىك شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ جەتەكشىلىگىندە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، ورتالىقتىڭ شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن، اۆتونوميالى رايوندىق پارتكوم مەن ايماقتىق پارتكومنىڭ شەشىمدەرى مەن ورنالاستىرۋىن باتىل دايەكتىلەندىرىپ، تياناقتاندىرىپ، التايدى ءوز اتا مەكەندەرىندەي، التاي حالقىن جان اشىر جاقىندارىنداي كورىپ، شىنايى سۇيىسپەنشىلىكپەن ناقتى يگەرىپ، شىنايى ىستەر ىستەپ، التاي ايماعىنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى، ساياحات كاسىبىن جوعارى ساپالى دامىتۋدى، حالىق تۇرمىسىن ءۇرتىس جاقسارتۋدى جەبەۋ قاتارلى جاقتاردا كورنەكتى ۇلەستەر قوستى.

  جيلين ولكەلىك پارتكوم ۇيىمداستىرۋ ءبولىمىنىڭ ءبولىم ىستەرى مۇشەسى يۇي حۋاياڭ بىلاي دەدى:«كورىكتى التايعا كەلىپ قىزمەت ىستەۋدىڭ جاۋاپكەرلىگى اۋىر، بورىشى داڭقتى ەكەنىن سەزىندىك، 4 ـ توپتاعى شينجياڭعا باعىتتامالى كومەكتەسۋگە كەلگەن كادرلار ۇيىمنىڭ بەكىمىن بۇكىلدەي قولداپ، ۇيىمنىڭ ورنالاستىرۋىنا باتىل بويسۇنادى ءارى بۇدان بىلايعى قىزمەت بارىسىندا زەيىن ـ زەردەنى سارقا جۇمساپ، قىزمەتتى تىڭعىلىقتى ىستەپ، بورىشتى ادا ەتىپ، ماڭىزدى تاپسىرمانى ورىنداپ، جيلين ولكەلىك پارتكوم، ۇكىمەت پەن شينجياڭ ۇيعۇر اۆتونوميالى رايوندىق پارتكوم، حالىق ۇكىمەتىنىڭ ۇمىتىنەن شىعامىز».

  جيلين ولكەلىك پارتكوم ۇيىمداستىرۋ ءبولىمى پارتيا مۇشەلەرىن تاربيەلەۋ ورتالىعىنىڭ مەڭگەرۋشىسى چىن شيجى، جيلين ولكەلىك ساۋدا ىستەرى مەڭگەرمەسىنىڭ ورىنباسار باستىعى، پارتگرۋپپاسىنىڭ مۇشەسى ليۋ نايجۇن، ايماقتىق اكىمشىلىك مەكەمەسىنىڭ ورىنباسار ءۋاليى، جيلين ولكەلىك شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ ورىنباسار باس قولباسشىسى لي شين، جيلين ولكەلىك 3 ـ توپتاعى شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ مۇشەلەرى، جيلين ولكەلىك 4 ـ توپتاعى شينجياڭعا باعىتتامالى كومەكتەسۋگە كەلگەن كادر ـ تىرەكتىلەرى، كومەككە يە بولاتىن اۋداندىق، قالالىق پارتكومنىڭ ۇيىمداستىرۋ ءبولىمىنىڭ باستىقتارى، ايماققا توتە قاراستى ورىنداردىڭ جاۋاپتىلارى جيىنعا قاتىناستى.

جاۋاپتى رەداكتور: اعاربەك ەگىس ۇلى