قارلى مەكەننىڭ كوركەم كورىنىسى دۇنيەنى ءدۇر سىلكىندىردى

ـــ ايماقتىڭ 2019 ـ جىلعى ساياحات قىزمەتىن دامىتۋى جونىندە

  التاي گازەتىنىڭ ءتىلشىسى حۋ جۇنشيۋ حابارلايدى.2019ـ جىلى التاي ايماعى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءمولدىر سۋ، جاسىل تاۋ ـــ باعا جەتپەس بايلىق، قار ـ مۇزدىڭ ءوزى اسىل قازىنا“ تانىمىن بەرىك ورناتىپ، دۇنيەگە ايگىلى ساياحات بايلىعىنا سۇيەنىپ، ساياحات ـ مادەنيەت كاسىبىنىڭ جوعارى ساپالى دامۋىن جەبەدى، ءار ۇلت بۇقاراسىن ساياحات كاسىبىنىڭ دامۋ پايداسىنان ورتاق يگىلىكتەندىردى. 2019 ـ جىلى بۇكىل ايماق 33 ميلليون 611 مىڭ ادام (رەت) ساياحاتشى قابىلداپ، ساياحات جالپى تۇتىنىمى 38 ميلليارد 480 مىڭ يۋان بولدى. ما فىڭ ـ ۋو ساياحات تورابىنىڭ 2019 ـ جىلى 10 ـ ايدىڭ سوڭىنداعى ساناعىنا قاراعاندا، التاي ساياحاتىنىڭ تانىمالىلىعى بۇكىل ەل بويىنشا 2 ـ ورىندى يەلەپ، ساياحاتشىلاردىڭ ارماندايتىن ساياحاتتاعى كوزدەۋلى جەرىنىڭ بىرىنە اينالعان.

  ارمان ـــ ناقتى امالياتتان باستالادى

  ارمان ـــ ۇيرەنۋدەن، كاسىپ ـــ ناقتى امالياتتان باستالادى. ”الەمدىك ساياحاتتاعى كوزدەۋلى جەر، الەمدىك قار ـ مۇز سپورتىنداعى كوزدەۋلى جەر“ قۇرۋ ارمانىن قۋعان وسى جولدا ايماق بايلىق قاينارىن، كاسىپتەردى رەتكە سالىپ، بىرىكتىردى، التايداعى ءار ۇلت كادر ـ بۇقاراسى ءبىر جاعادان باس، ءبىر جەڭنەن قول شىعارىپ، ءبىر نيەت، ءبىر تىلەكتە بولىپ، ساياحات كاسىبىنىڭ جەدەل دامۋىن ىلگەرىلەتتى.

  ايماق ماسەلەنى بەتالىس ەتىپ، «التاي ايماعىنىڭ ساياحات كاسىبىن قامداۋ قۇرىلىم جاعىنداعى ۋنيۆەرسال رەفورما سىناق ءتۇيىندى جوباسىن» عىلمي بەلگىلەپ، ساياحات كاسىبىنە باسشىلىق ەتۋ گرۋپپاسىن قۇردى. ناق مايداندا كوزدەن كەشىرۋ ءماجىلىسىن جانە ساياحاتتى اي سايىن جەبەۋ ءماجىلىسىن اشىپ، كاسىپ جۇيەسىن قۇرۋ، ايگىلى ماركانىڭ دارالىعىن سومداۋ، سارا لەنيالاردى كوبەيتۋ، مەرەكەلىك جارىس وتكىزۋ، قار ـ مۇز كاسىبىن دامىتۋ، دامۋداعى ولقىلىقتاردى تولىقتاۋ سىندى 6 جاقتاعى مىندەتتى تۇراقتاندىرىپ، ءتورت ماۋسىمدىق ساياحاتتىڭ تەڭگەرمەلى دامۋىن جەبەدى.

  2019ـ جىلى ايماق «التاي ايماعىنىڭ وڭىرلىك ساياحاتتى دامىتۋ جوباسىن» جوعارى دەڭگەيلى جوبا ەتىپ، «التاي ايماعىنىڭ قار ـ مۇز ساياحات كاسىبىن دامىتۋ جوباسى»، «التاي ايماعىنىڭ ءوز اۆتوكولىگىمەن ساياحاتتاۋدى دامىتۋ جوباسى» قاتارلىلاردى جاساپ، شينجياڭعا كومەكتەسەتىن ولكە، قالالاردىڭ قار ـ مۇز كاسىبىن دامىتۋ باسىمدىعىنا سۇيەنىپ، جۇڭگو قار ـ مۇز كاسىبى ”التاي تاۋى + چاڭبايشان تاۋى“ جاڭا دامۋ سەلبەستىگىنەن ۇلگى كورسەتۋ رايونىن ءبىر تۇتاس جوسپارلاپ قۇردى.

  ەرەكشە حالىقتىق قونالقى ايرىقشا كوزگە ءتۇستى

  التايعا كەلگەن ساياحاتشىلار بۇل جەردىڭ كورىنىسى كوركەم، تاعامى دامدى بولۋمەن بىرگە، ەرەكشەلىككە يە حالىقتىق قونالقى بار ەكەندىگىن بايقايدى. التاي قالاسىنداعى “قورجا” مادەنيەتتى اۋلاسى، كوكتوعاي اۋدانى كوكتوعاي قالاشىعى تاراتى قىستاعىنداعى حالىقتىق قونالقى، بۋىرشىن اۋدانىنداعى قىزىل جاپىراق وتباسىلىق ساياجايى قاتارلىلار ساياحاتشىلاردىڭ ۇنەمى باراتىن جەرىنە اينالدى.

  2019ـ جىلى ايماق جاڭادان 194 حالىقتىق قونالقى سالىپ، 4300 نەشە توسەك ـ ورىن كوبەيتتى. شارت ـ جاعدايى بار اۋىل ـ قالاشىق، قىستاقتاردىڭ سەيىل ـ سەرۋەن اۋىل شارۋاشىلىعى، ەرەكشە قىستاق، حالىقتىق قونالقى، اۋىل اياسى ساياجايىن نەگىز ەتكەن اۋىل ـ قىستاق ساياحاتىنىڭ جاڭا ءتۇرىن جەتىلدىرىپ جانە سۇيەمەلدەپ، بۋىرشىننىڭ چيليتان بالىقشىلىق قىستاعى، قاناس قوم قىستاعى قاتارلى ەرەكشەلىگى ايقىن اۋىل ـ قىستاق ساياحاتىنان ۇلگى كورسەتەتىن قىستاق قالىپتاستىردى، ـ دەدى التاي ايماقتىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسىنىڭ باستىعى ني پيڭ.

  سونىمەن بىرگە، ساياحاتشىلاردىڭ قاتىناسۋ بەلسەندىلىگىن جوعارىلاتۋ ءۇشىن، ءارقايسى اۋدان، قالا جاياۋ ءجۇرۋ، ۆەلوسيپەد ءمىنۋ، بايگە، ويىن ـ ساۋىق قاتارلى قيمىلداردى ىركەس ـ تىركەس وتكىزدى. بۇگىنگى كۇنى بۋىرشىن اۋدانىنىڭ ”قاناس سالتاناتى“، كوكتوعاي اۋدانى تاراتى قىستاعىنىڭ ”شاشۋ كەشكى ساياحاتى“، قاناس قوم الاۋ ساۋىق كەشى قاتارلى ماركالارىنىڭ اتاعى اسپانداي ءتۇستى.تۇيە، ات، التىن، قاس تاسى جانە ۇساق شىرىندى جەمىس قاتارلى ەرەكشە كاسىپتى توڭىرەكتەپ، ەرەكشە ساۋدا بازارى، ءدامدى تاعامدار كوشەسى، ءتورت ماۋسىمدىق كەشكى بازار قاتارلىلاردى قۇرىپ، ”التاي ساۋعاسى“ دۇكەنى، سەزىنۋ دۇكەنى، وداقتاس دۇكەن قۇرىلىسى قادامىن تەزدەتىپ، ”التاي ساۋعاسى“ دۇكەنىنىڭ جانە توراپتا ساتىلۋىن تىرەك ەتكەن ساتىلىم تورىن قالىپتاستىردى.

  ”قارلى مەكەن“ كوزدەۋلى جەرگە اينالدى

  جاقىنعى جىلداردان بەرى، اماق ساياحات كاسىبىن تۇلعا ەتكەن ەكونوميكانىڭ جوعارى ساپالى دامۋىن جەدەلدەتىپ، ”جەر ءجانناتى ـــ قاناس، قارلى مەكەن ـــ التاي“ ماركاسىن ونان ارى ايگىلەدى.

  اۆتونوميالى رايوننىڭ تۇلعالىق تالابى بويىنشا ايماق قاناس كورىنىس رايونىنىڭ ماڭىنداعى جول لەنيالارىن اشۋدى توڭىرەكتەپ، التايدىڭ وڭىرلىق ساياحاتتاعى ساياحاتشى قابىلداۋ قۋاتىن جوعارىلاتتى. ولكە جولى 232 ـ لەنياسى بۋىرىشىن ـ قاناس اۋە جايى، مەملەكەت جولى 216 ـ لەنياسى بەيتۇن ـ كوكتوعاي، بۋىرشىن ـ جەمەنەي، التاي قالاسى ـ قوم قاتارلى تاس جول قۇرىلىسى اياق الىسىن جەدەلدەتۋ ارقىلى ”التاي ايماعىنىڭ 2019 ـ 2020 ـ جىلعى اۋىل ـ قىستاق تاس جولى مەن اۋىل، قىستاق ساياحاتىن توعىسپالى دامىتۋدىڭ اتقارۋ جوباسىن“ بەلگىلەپ ەرەكشە تۇسكە يە ساياحات شاعىن قالاشىعى مەن اۋىل، قىستاق ساياحات كورىنىس تۇيىندەرىن توڭىرەكتەپ، اۋىل ـ قىستاق تاس جول قۇرىلىسىن جەدەلدەتتى، جوعارى قارقىندى تاس جول اۋدان ـ قالاعا دەيىن، ءتۇرلى دارەجەلى جول اۋىل ـ قىستاققا، اسفالت جول كورىنىس تۇيىندەرىنە دەيىن تۇتاساتىن تاس جول تورابىن كۇش سالا قۇردى. شينجياڭعا باعىتتامالى كومەكتەسەتىن ولكە، قالالاردىڭ كومەگىندە ”حيلۇڭجياڭ ـ التاي ارناۋلى ساياحات پويەزى“، ”جيلين ـ التاي ارناۋلى ساياحات پويەزى“ 12 گە جەتىپ، جيلين ولكەسى 45 جالداما ۇشاعىن ىسكە قوستى؛ اۆياتسيا جاعىندا ءۇرىمجى، كورلا، قارامايلى، قۇلجا، حوتان، اقسۋ، قاشقار، شاۋەشەك قاتارلى شينجياڭداعى قالالار مەن گۋاڭجوۋ، جىڭجوۋ، چۇڭچيڭ، شي ـ ان قاتارلى ەل ىشىندەگى قالالارعا تىكە ۇشۋدى نەمەسە ايالداۋدى ىسكە اسىردى، قاناس ـ التاي ـ كوكتوعاي تومەن كەڭىستىكتە اينالمالى ۇشۋ لەنياسىن جانە ءۇرىمجى ـ قاناس قىسقى ماۋسىمدىق اۋە لەنياسىن اشتى.

  2019ـ جىلى ايماق نەگىزدىك قۇرىلىعىلاردىڭ دارەجەسىن جوعارىلاتىپ، جاقسارتۋ ينجەنەرياسىن جالعاستى اتقارىپ، ”3 قيىن، ءبىر توسىلۋ“ ماسەلەسىن شەشىپ، ساياحاتقا قىزمەت وتەۋ دارەجەسىن بارىنشا جوعارىلاتتى.ۇعىسۋعا قاراعاندا، ايماق بىلتىر تۇسەلحانا قۇرىلىسى نىسانىنان 71 ىن اتقارعان. مەجەمەن، 7000 عا جۋىق توسەك ـ ورىن بار. 810 ميلليون يۋان قارجى قوسىپ، ”دارەتحانا توڭكەرىسىن“ جەبەگەن. ايماق بويىنشا 25 مىڭ 758 دارەتحانانى جاڭادان، وزگەرتىپ سالدى. بىلتىر ماي قۇيۋ پۋنكتىنەن 18 ىن، اۆتوكولىك توقتاتۋ الاڭىنان 5 ىن جاڭادان سالدى. 1000 عا جۋىق اۆتوكولىك توقتاتۋ ورنىن جاڭادان ارتتىردى، 1293 حابارلاسۋ پۋنكتىن ىسكە قوسىپ، ايماق كولەمىندە جىلجىمالى حابارلاسۋ سيگنالىنىڭ ىركىلسسىز بولۋىنا كەپىلدىك ەتتى.

  ساياحات كاسىبىن جەبەپ، قار ـ مۇز سالتاناتىنان بىرگە يگىلىكتەندى

  2019 ـ 2020 ـ جىلعى مەملەكەتتىك قىسقى سپورتتى جالپىلاستىرۋ جەلىلەس قيمىلى شينجياڭنىڭ التاي ەرەكشەلىككە يە مايدانى گەنەرال تاۋى قار شاڭعى الاڭىندا باستالدى. قيمىل كۇنى قار شاڭعى مايدانىنا كەلگەن ساياحاتشىلاردىڭ سانى 20 مىڭ ادامعا (رەت) جەتتى.

 

  باس شۋجي شي جينپيڭنىڭ بۇقارالىق قار – مۇز سپورتىن ورىستەتۋدەگى ”300 ميلليون ادامدى قار ـ مۇز سپورتىنا ات سالىسۋعا باستاۋ“ جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 2022 ـ جىلعى بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ ءساتتى وتكىزىلۋىنە بار كۇشپەن دەم بەرۋ ءۇشىن، التاي ايماعى ۋاقىت وزگەرىسى، ماۋسىم اۋىسۋ جانە وزگەشە گۋمانيتارلىق مادەنيەت، ۇلتتىق سالت ـ سانا قاتارلى ىس جۇزىندىك جاعدايمەن سايكەستىرىپ، تاقىرىبى ايقىن، مازمۇنى باي، وزىندىك ەرەكشەلىككە يە مەرەكەلىك جارىس قيمىلدارىن وتكىزىپ، قيمىل ارقىلى ساياحات كاسىبىنىڭ جەدەل دامۋىن ىلگەرىلەتتى.

  2019 ـ جىلى 14 ـ كەزەكتى شينجياڭ قىسقى ساياحات كاسىبى ساۋدا كورمەسى، 30 ـ كەزەكتى باتىس سولتۇستىك ساياحات سەلبەستىك رايونى ءماجىلىسى، بەيجيڭ قىسقى ولمپيادا سپورت جارىسىن ۇيىمداستىرۋ كوميتەتىنىڭ قار ـ مۇز مادەنيەتى جوعارى دارەجەلى تالقى مىنبەرى، ”مىڭ كۇن قار شاڭعى تەبۋ، قىسقى وليمپيادا سپورت جارىسىنا قاتىناسۋ، وتانعا داڭق اپەرۋ“ بەيجيڭ 2022 ـ جىلعى قىسقى وليمپيادا سپورت جارىسى ۋاقىتىن شەگىندىرىپ ەسەپتەۋ قيمىلى، سونداي ـ اق 5 ـ ايدىڭ 19 ـ كۇنى جۇڭگو ساياحات كۇنىنىڭ ”مىڭ شاقىرىمدىق ساياحات كاريدورى، 100 اۆكوكولىكپەن ساياحاتتاۋ“، قاناس حالىقارالىق ەكسپەديتسيا جارىسى، تۇڭعىش كەزەكتى جۇڭگو. حالىقارلىق التىن، اسىل تاس، قاس تاسى مادەنيەت مەرەكەسى قاتارلى 200 نەشە مادەنيەت ـ دەنە تاربيە قيمىلىن وتكىزىپ، ”جەر ءجانناتى ـــ قاناس، قارلى مەكەن ـــ التايدىڭ“ ساياحات مادەنيەتىنىڭ ءمانى مەن داڭقىن بارىنشا جوعارىلاتتى.

  اقپاراتتىق باعام

  ساياحاتتىڭ تىڭ جۇلكەسىن قالىپتاستىرىپ ەكونوميكانىڭ دامۋىن جەبەيىك

  بۇگىنگى تاڭداعى التاي ساياحاتتىڭ كوزدەۋلى جەرىنە اينالىپ، ”جۇڭگو قار ـ مۇز ساياحاتىنداعى 10 ۇزدىك قالا“ قاتارىنا كىردى. بايىرعى تەرى شاڭعى تەبۋدەن وسىزامانعى تومەن كەڭىستىكتە ەندەي ۇشۋعا دەيىن، قار ـ مۇز جوعارى دارەجەلى مىنبەرىنەن ۇلتتىق سالت ـ سانانى سەزىنۋگە دەيىن، ۇلىڭگىر كولىنەن قىسقى بالىق اۋلاۋدان قومدا ”كوكتەم مەرەكەسىن وتكىزۋگە“ دەيىن، ايداعار ـ ارىستان بيىنەن قار ـ مۇز شىراق سالتاناتىنا دەيىن ... التاي دۇنيە جۇزىنە ەرەكشە ساياحاتتى ءار قىرىنان ايگىلەدى.

  ساياحات كاسىبىندە قولعا كەلگەن تابىستاردى التايداعى ءار ۇلت جۇرتشىلىعىنىڭ ەڭبەگىنەن بولە قاراۋعا بولمايدى. تەمىر سوقساڭ قۇرىش بول التاي نەگىزدىك قۇرىلىعى قۇرىلىسى قىزمەت وتەۋ دەڭگەيىن جوعارىلاتۋ، ونىمدەردى اشۋ جاعىندا كۇش شىعارىپ، ”ءمولدىر سۋ، جاسىل تاۋ ـــ باعا جەتپەس بايلىق، قار ـ مۇزدىڭ وزى اسىل قازىنا“ تانىمىنا تاباندى بولىپ، وڭىرلىك ساياحاتتىڭ جاڭا جۇلگەسىن كۇش سالا قالىپتاستىردى، ”ساياحات كاسىبىن نەگىزگى تۇلعا ەتىپ، 1 ـ كاسىپتى جەتەلەپ، 2 ـ كاسىپتى سۇيەمەلدەپ“، ەكونوميكانىڭ جوعارى ساپالى دامۋىن تىڭعىلىقتى جەبەمەك.

جاۋاپتى رەداكتور: اعاربەك ەگىس ۇلى