بارشا جۇرت شاتتىققا شومىپ بىرگە ىزگى تىلەك تىلەپ، ۇلتتار ىنتىماعى سۇيىسپەنشىلىگىن تەرەڭدەتتى

بارشا جۇرت شاتتىققا شومىپ بىرگە ىزگى تىلەك تىلەپ، ۇلتتار ىنتىماعى سۇيىسپەنشىلىگىن تەرەڭدەتتى

− تيانشاننىڭ تۇستىگى مەن تەرىستىگىندەگى ءار ۇلت بۇقاراسى كوكتەم مەرەكەسىن شاتتانا قارسى الدى

  قۇتتى تىشقان جاڭا جىلدى تويلاپ، گىڭزى جىلعى كوكتەم مەرەكەسىن قارسى الدى. تيانشاننىڭ تۇستىگى مەن تەرىستىگىندەگى بارلىق جەردە قويۋ مەرەكەلىك مەرەي ەسىپ، باقىت تاقىرىبى تارالىپ، ءۇمىت تىلەكتەرى تىلەندى.

  جەر - جەردەگى، ءارقايسى ورىندارداعى تۋىس بولعان كادرلار جاڭا جىلدىق تىلەكتەرىن الىپ، دايىنداپ قويعان سالەم - ساۋقىتتارىن كوتەرىپ، قىستاقتارعا كەلىپ جۇپ قۇراعان تۋىستارىنا امانداسىپ، ءار ۇلت بۇقاراسىمەن بىرگە كوكتەم مەرەكەسىن وتكىزدى.

تۋىس - تۋعان، دوس - جاراندار باس قوسىپ، كوكتەم مەرەكەسىن قۇتتىقتادى

  1 - ايدىڭ 24 - كۇنى ەگىنشىلىك كالەندارى بويىنشا جاڭا جىلعا قاراعان كۇن، حوتان قالاسى جييا اۋىلى قوتازءمالى قىستاعى. ”يگەمبەردى اعاي، سالەمەتسىز بە؟ مەن شياۋجينمىن عوي“. شينجياڭ ينجەنەريا شۋەيۋانى قامداۋ باسقارماسىنىڭ ورىنباسار مەڭگەرۋشىسى جين دىڭميڭ كوكتەم بوساعالىقتى، ”福“ ءارىبىن جانە تارتۋ - تارالعىلارىن الىپ تۋىسى يگەمبەردى ءماتنۇردىڭ ەسىگىن قاقتى. كەزدەسكەن جەردەن اعا - ءىنىلى ەكەۋى ىستىق ىقىلاسپەن قۇشاقتاسا كەتتى.

  ”ۇيدەگىلەر تەگىس امان با؟ دەنساۋلىعىڭىز جاقسى ما؟ بالالار زاۆودتا ىستەپ ۇيرەنىسىپ قالعان شىعار...“ جين دىڭميڭ يگەمبەردىمەن امان - ساۋلىق سۇراستى، ”الاڭسىز بول، بيىل كىرىسىمىز جامان ەمەس، ىشەر اس، كيەر كيىمنەن تارىقپايمىز، سەنىڭ كومەگىڭدە مەن كەدەيلىكتەن ارىلىپ، جۇمىسقا ىنتام بۇرىنعىدان دا كۇشەيە ءتۇستى...“

  جين دىڭميڭ تىلشىگە بىلاي دەدى: ”اعايدىڭ دەنساۋلىعى جاقسى ەمەس، ۇيدەگى ەگىس جۇمىستارى نەگىزىنەن جەڭگەيدىڭ موينىندا، قىزى مەن ۇلى جاقىن جەردەگى زاۆودتا جۇمىس ىستەيدى، مەن قولىمنان كەلگەنىنشە ونىڭ تۇراقتى جۇمىستانۋىنا كومەكتەسىپ، قايتا كەدەيلەسۋىنىڭ الدىن الامىن“.

  سول كۇنى تۇستەن بۇرىن اۆتونوميالى رايوندىق جاراتىلىستىق بايلىق مەڭگەرمەسىنىڭ ياركەن اۋدانى بەسكەنت قالاشىعى تەرەكاچال قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قىستاق تۇرعىندارىمەن ءبىر ارادا شاتتانا باس قوسىپ، جاڭا جىلداعى جوسپارلارى تۋرالى بۇكپەسىز اڭگىمەلەسىپ، دامۋ شارالارىن جوسپارلادى.

  قىستاق تۇرعىنى رىزۋانگۇل تۇرسۇننياز بىلاي دەدى: ”قازىر قىستاعىمىزدا وزگەرىس كوپ، ءبىز ءۇيىمىزدىڭ ماڭايىنان اقشا تاباتىن بولدىق، پارتيانىڭ ابزال ساياساتىنا راحىمەت، بيىل وتباسىمىز جابال قۇلشىنىپ، ءبىر جەڭىل اۆتوموبيل الىپ، تاماشا تۇرمىستىڭ يگىلىگىن كورەيىك دەپ وتىرمىز“.

  ”2019 - جىلى مەن قىزمەت اترەتىنىڭ كومەگىندە سىرتقا شىعىپ جۇمىس ىستەپ 25 مىڭ يۋان تاپتىم، وتباسىمىز كەدەيلىكتەن ارىلدى، بيىل مەن ونان ارى قۇلشىنىپ، تۇرمىسىمىزدى اناعۇرلىم جاقسارتامىن“، - دەدى قىستاق تۇرعىنى نۇرمامەت اسەن دە تۋىس بولعان كادرمەن بىلتىرعى تابىسىمەن جانە جاڭا جىلدىق تىلەگىمەن ءبولىسىپ.

جىلى مەيىر كوڭىلدەرگە شۋاق شاشتى

  جاڭا جىلعا قاراعان كۇنى كەشتە سانجى حۇيزۋ اۆتونوميالى وبلىسى راديو - تەلەۆيزيا ستانسياسىنىڭ ماناس اۋدانى لياڭجوۋحۋ قالاشىعى لياڭجوۋحۋ جاڭا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى، ماناس اۋداندىق حالىق شيپاحاناسىنىڭ بيۋچا قالاشىعى دامياۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جەكە - جەكە قىستاقتاعى جالعىز باس قاريا يە چىڭحايدىڭ، جاۋ گۇيشىڭنىڭ ۇيىنە بارىپ، ۇلكەن كىسىلەرگە سەرىك بولىپ مەرەكەلىك تاعامدى بىرگە جەدى. ءۇي ىشىندە كوكونىستەردى جۋىپ، تۋراپ، وت جاعىپ، قازان اسىپ، تازالىق ىستەدى. ءۇي سىرتىندا كوكتەم مەرەكەسىنە ارنالعان بوساعالىق جاپسىرىپ، اۋلانى سىپىرىپ، جۇرت شات - شادىمان قاربالاستىققا ءتۇستى.

  سول كۇنى جاۋ گۇيشىڭنىڭ 70 جاسقا تولعان تۋعان كۇنى ەكەن، قىزمەت اترەتىندەگىلەر مەن قىستاق كادرلارى ۇلكەن كىسىگە ارناپ تۋعان كۇن بالكۇلشەسىن اكەلىپ، كوپشىلىك بىرگە تۇشپارا ءتۇيىپ، قۋىرماش دايىندادى.

  ”اجەي، بۇگىن تۋعان كۇنىڭىز ەكەن، قۋانىشتىسىز با؟ بۇدان كەيىن ۇل - قىزدارىڭىز قاسىڭىزدا بولماسا، ءبىز ءسىزدىڭ بالاڭىز بولامىز، قانداي قيىنشىلىق بولسا بىرگە شەشەمىز، تۇرمىسىڭىز، ءسوز جوق، مۇنان دا جاقسى بولا تۇسەدى“، - دەدى ماناس اۋداندىق حالىق شيپاحاناسىنىڭ بيۋچا قالاشىعى دامياۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى بي جۇنشين جاۋ گۇيشىڭ قارتتىڭ قولىن ۇستاي وتىرىپ.

  اراتۇرىك اۋدانى اداق اۋىلىندا قىزمەت ورنىندا ىستەپ جاتقان كادرلاردىڭ مەيىرىمگە، سۇيىسپەنشىلككە تولى كوكتەم مەرەكەسىن وتكىزۋى ءۇشىن، اداق اۋىلىنىڭ جۇڭشين قىستاعىنداعى بۇقارا وزدىكتەرىنەن ۇيىمداسىپ، اۋىل - قىستاق اسحاناسىنا 1500 تۇشپارا ءتۇيىپ اكەلدى.

  ”كادرلار ارىپ - شارشاپ بۇقارا ءۇشىن ءبىر جىل قىزمەت ىستەدى، كوكتەم مەرەكەسى كەزىندە دە قىزمەت ورىندارىنان تاپجىلمادى، ءبىز ءوز قولىمىزبەن تۇشپارا ءتۇيىپ اكەلىپ، كوڭىلىمىزدى بىلدىرسەك، ولاردىڭ توككەن تەرىنە العىس ايتساق دەيمىز“، - دەدى قىستاق تۇرعىنى نيازىقان عالي.

  اكەلگەن تۇشپارانى جەگەندە، جىلى مەيىر كادرلاردىڭ كوڭىلىنە شۋاق شاشتى؛

ءبىر نيەتپەن قول ۇستاسا بايۋ جولىنا اتتاندى

  بۋرىلتوعاي اۋداندىق پارتكوم ۇيىمداستىرۋ ءبولىمىنىڭ 12 كادرى كوكتەم مەرەكەسىنە ارنالعان تىلەكتەرىن جانە كۇرىش، ماي، جەمىس - جيدەك سياقتى جاڭا جىلدىق تارتۋلارىن الىپ، جاڭا جىلعا قاراعان كۇنى تۇستەن كەيىن بۋرىلتوعاي اۋدانى شىعانجيدە اۋىلى سەكىرۋ قىستاعىنا بارىپ تۋىستارىنا امانداستى.

  قىستاق تۇرعىنى قارقىنبەك ءمۇپتيقان تۋىسى ياڭ شياۋدۇڭنىڭ كوكتەم مەرەكەسىن بىرگە وتكىزگەلى ۇيگە كەلە جاتقانىن ەستىپ، تاڭەرتەڭ ەرتە تۇرىپ اۋلاسىن سىپىرىپ، تۋىسىنىڭ كەلۋىن كۇتتى.

  ياڭ اعايىنىڭ ۇيگە كەلگەنىن كورگەن بالالار الاقايلاپ جۇگىرە الدىنان شىعىپ، اعايلارىنىڭ مەرەكەسىن قۇتتىقتادى. ”كوكتەم مەرەكەسى كەلدى، سەندەرگە ادەمى جاڭا كيىم الىپ كەلدىم، قانە، كيىپ كورىڭدەر، جاڭا جىلدا سەندەردىڭ وقۋدا العا باسۋلارىڭدى تىلەيمىن. مىنە تاعى كۇرىش، ۇن، ماي، كوكونىستەر اكەلدىم، بيىل كوكتەم مەرەكەسىن ءبىر وتباسىنداعىلار بىرگە وتكىزەمىز“. ياڭ شياۋدۇڭ الا كەلگەن سالەم - ساۋقىتتارىن قويعاننان كەيىن، تۋىسىمەن بىرگە كوكتەم بوساعالىعىن جاپسىرىپ، ”福“ ءارىبىن ءىلدى.

  كوپشىلىك القا - قوتان وتىرىپ، جاڭا جىلعا نازار سالدى. اڭگىمە بارىسىندا، قارقىنبەكتىڭ بيىل جىلى قوراسىن كەڭەيتىپ، باعىمشىلىق كولەمىن ۇلعايتقالى وتىرعانىن ەستىگەن ياڭ شياۋدۇڭ وعان اۋداننىڭ جىلى قورا سالۋعا، جەم - ءشوپ ەگۋگە، ەگىنشىلىك رايونىندا مال شارۋاشىلىعىن دامىتۋعا قاتىستى قوسىمشا قاراجات ساياساتتارىن ءتۇسىندىردى. ”وسى بىرنەشە جىلدا مەملەكەتتىڭ ساياساتى جاقسى، بىلتىر ءبىر جىلدا مەن 200 مىڭ يۋاننان ارتىق اقشا تاپتىم، بيىل جاقسى ساياساتقا سۇيەنىپ باعىمشىلىق كاسىبىن دامىتىپ، بۇكىل ەل حالقىمەن بىرگە دوڭگەلەك داۋلەتكە جەتۋگە تالپىنامىن“، - دەدى قارقىنبەك.

  اقسۋ ايماعى تاريح - شەجىرە كەڭسەسىنىڭ تۋىس بولعان كادرلارى مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن كادرلارى بىرلەسكەن دوستىق قيمىلىن وتكىزەتىن ورىنعا ونسۋ اۋدانى توقۇلا اۋىلى وزەنبويى قىستاعىنىڭ لۇيجيايۋان اۋىل شارۋاشىلىق ونىمدەرى ارناۋلى سەلبەستىك كووپەراتيۆىن تاڭدادى.

  قيمىل ورنىنا قىستاقتا وندىرىلگەن جاڭعاق، الما جانە شىلان قويىلىپ، شات كۇلكى، شادىمان ۇندەر شارىقتادى، كەيبىر تۋىس بولعان كادر مەن ونىڭ تۋىسى سەلبەستىك كووپەراتيۆىنىڭ ارناۋ تاقتاسىنىڭ الدىندا بىرگە سۋرەتكە تۇسسە، كەيبىر تۋىس بولعان كادر تۋىسىنىڭ سەلبەستىك كووپەراتيۆىنە مۇشە بولعان - بولماعاندىعىن جانە بىلتىرعى كىرىس جاعدايىن سۇراستىرىپ جاتتى.

  اقسۋ ايماعى تاريح - شەجىرە كەڭسەسىنىڭ مەڭگەرۋشىسى سۋ شين قاتارلى تۋىس بولعان كادرلار مىنالاردى ءبىلدىردى: قىستاق تۇرعىندارىنىڭ، اسىرەسە، كەدەيلىكتەن ارىلعان وتباسىلاردىڭ ۇيلەرىنىڭ جانىندا جۇمىس ىستەپ، كىرىستەرىن ۇزدىكسىز ارتتىرۋىن جۇزەگە اسىرۋ ءۇشىن، ءبىز سەلبەستىك كووپەراتيۆىنىڭ ۇگىتشىسى جانە قىزمەتكەرى بولىپ، سەلبەستىك كووپەراتيۆىنە ماركا جاراتۋ، ۇگىتتەۋ - تانىستىرۋ، جۇمىسشى ىستەتۋگە بايلانىستى ۇيلەستىرۋ سياقتى جاقتاردان قىزمەت وتەيمىز.

(گازەتىمىزدىڭ جالپىلىق اقپارات قۇرالدارى تىلشىلەرى ءرايدا، ءپاريزات ابدۇل، حان چينيان، جاڭ تيڭ، جاڭ جىلي، گى يوۋجۇن، ەرىكتى ءتىلشى ليۋ ياڭ جازعان)

جاۋاپتى رەداكتور: اعاربەك ەگىس ۇلى