مىعىم قايراتقا كەلىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەمىز

مىعىم قايراتقا كەلىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەمىز

− باس شۋجي شي جينپيڭنىڭ كەدەيلىكتەن ارىلتۋدان قامال الۋ قىزمەتى جونىندەگى ماڭىزدى نۇسقاۋى اۆتونوميالى رايونىمىزداعى كادرلار مەن بۇقارا اراسىندا كۇشتى اڭىس قوزعادى

  6 - رەتكى مەملەكەتتىك كەدەيلەردى سۇيەمەلدەۋ كۇنى قارساڭىندا، باس شۋجي شي جينپيڭ كەدەيلىكتەن ارىلتۋدان قامال الۋ قىزمەتى جونىندە ماڭىزدى نۇسقاۋ بەردى، بۇل اۆتونوميالى رايونىمىزداعى كادرلار مەن بۇقارا اراسىندا كۇشتى اڭىس قوزعادى. كوپشىلىك مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋى كەدەيلىكتەن ارىلتۋدان قامال الۋ قىزمەتىنە ءتۇبىرلى بويسۇنۋ ولشەمىن ازىرلەدى ، باس شۋجيدىڭ ماڭىزدى نۇسقاۋىنىڭ رۋحىمەن يدەيانى بىرلىككە كەلتىرىپ، امالياتقا جەتەكشىلىك ەتىپ، نىسانادان كوز جازباي، مىعىم قايراتقا كەلىپ، ءونىمدى شارا قولدانىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەمىز.

  ”كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ − جاپپاي دوڭگەلەك داۋلەتتى قوعام ورناتۋدىڭ تومەنگى شەك مىندەتى جانە بەلگى سيپاتتى كورسەتكىشى. ءبىز پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، نىسانادان كوز جازباي، مىعىم قايراتقا كەلىپ، اۋىر كەدەيلىك قامالىن باتىلدىقپەن تالقانداپ، ماقساتقا جەتپەيىنشە دامىل الماي، 2020 - جىلى كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە، بۇكىل ەل حالقىمەن بىرگە دوڭگەلەك داۋلەتتى قوعامعا وتۋگە شىنايى كەپىلدىك ەتەمىز“، - دەيدى اۆتونوميالى رايوندىق كەدەيلەردى سۇيەمەلدەۋ جانە وركەندەتۋ كەڭسەسىنىڭ كەدەيلىكتەن ارىلتۋدان قامال الۋ بويىنشا ارناۋلى قىزمەتكەرى شالقار ابدەش.

  حوتان اۋداندىق كەدەيلەردى سۇيەمەلدەۋ جانە وركەندەتۋ كەڭسەسىنىڭ مەڭگەرۋشىسى ياۋ يوۋباۋدىڭ تانىستىرۋىنشا، حوتان اۋدانى اۆتونوميالى رايوننىڭ كەدەيلىكتەن ارىلتۋدان قامال الۋداعى ”ۇشتە سەرپىندى ارتتىرۋىن“ باتىل تياناقتاندىرىپ، مىندەتتى وقۋ - اعارتۋعا، نەگىزگى ەمدەۋگە جانە حاۋىپسىز تۇرعىن ۇيگە قامتاماسىز ەتۋدى جاپپاي جۇزەگە اسىرعان. بيىل جىل باسىنان بەرى، اۋىل - قىستاقتاعى اۋىز سۋ حاۋىپسىزدىگىنە قاتىستى 4 ينجەنەريا اتقارىپ، 11 اۋىل - قالاشىقتاعى، 102 كەدەي قىستاقتاعى 84 مىڭ 500 كەدەيدىڭ اۋىز سۋ حاۋىپسىزدىگى ماسەلەسىن شەشكەن. بيىل 9 - ايعا دەيىن بۇكىل اۋدانداعى 206 اكىمشىلىك قىستاقتاعى وتباسىنىڭ بارىنە قۇبىر سۋىن جەتكىزگەن. ”ءبىز كەدەيلىكتەن ارىلتۋدان قامال الۋدىڭ ساياسي جاۋاپكەرلىگىن باتىل ارقالاپ، اناعۇرلىم ءونىمدى شارا قولدانىپ، كەدەيلىكتەن ارىلتۋ جەمىسىن ۇزدىكسىز بەكەمدەپ، ءوسىرىپ، مىندەتتى وقۋ - اعارتۋ، نەگىزگى ەمدەۋ، تۇرعىن ءۇي حاۋىپسىزدىگى سىندى ’ءۇشتى قامتاماسىز ەتۋگە‘ جانە اۋىز سۋ حاۋىپسىزدىگىنە كۇش سالۋدى جالعاستىرىپ، كەدەيلىكتەن ارىلتۋ مىندەتىن باتىل ورىندايمىز“، - دەيدى ياۋ يوۋباۋ.

  ”باس شۋجيدىڭ ماڭىزدى نۇسقاۋى جۇرتتى جىگەرلەندىرىپ، ءبىز سياقتى قىستاقتا تۇراتىن كادرلارعا ايرىقشا شابىت جانە قوزعاۋشى كۇش بەرىپ، كەدەي بۇقارانىڭ ومىرگە اناعۇرلىم ۇلكەن ءۇمىت ارتۋىنا مۇمكىندىك جاسادى“، - دەي كەلىپ، اۆتونوميالى رايوندىق ساناق مەكەمەسىنىڭ قاشقار ايماعى مارالباسى اۋدانى اقساقمارال اۋىلى چىنلاۋچى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي سۇڭ شيۋحۇڭ مىنالاردى ءبىلدىردى: قازىر چىنلاۋچى قىستاعى ”شەبەرلىك ارقىلى كەدەيلەردى سۇيەمەلدەۋ، جۇمىستاندىرۋ ارقىلى كەدەيلەردى سۇيەمەلدەۋ، كاسىپ سالاسى ارقىلى كەدەيلەردى سۇيەمەلدەۋ“ جاعىندا بىردەي كۇش سالىپ، كوپ شارانى قاتار قولدانىپ قىستاق تۇرعىندارىن كەدەيلىكتەن ارىلىپ، كىرىستەرىن ارتتىرۋدىڭ داڭعىل جولىنا ءتۇسىردى، دەسەدە، سالىستىرمالى تۇردە ايتقاندا، كاسىپ سالاسى جاعى ءالى ءالسىز سالا بولىپ تۇر. بۇدان كەيىن نان شارۋاشىلىعىن ويداعىداي جۇرگىزۋ نەگىزىندە، جەرگىلىكتى جاعدايعا قاراي باسقا كاسىپتەردى دامىتىپ، قىستاق تۇرعىندارىن جاقىن جەردە جۇمىستانۋعا ونان ارى باۋراپ، ولاردىڭ تاماشا تۇرمىسقا دەگەن تىلەگىن شىندىققا اينالدىرامىز.

  تاشقورعان تاجىك اۆتونوميالى اۋدانى ۋەچە اۋىلى قوعەدەن قىستاعىندا 87 وتباسى بار، مۇنىڭ 51ى ارحيۆ تۇرعىزىپ، كارتچكالاندىرىلعان كەدەي وتباسى. 2018 - جىلى اتالعان قىستاقتا ەڭ سوڭعى توپتاعى 39 كەدەي وتباسى كەدەيلىكتەن ارىلدى. ءۇرىمجى كەدەنىنىڭ ۋەچە اۋىلى قوعەدەن قىستاعىندا تۇراتىن ءبىرىنشى شۋجيى لي جى مىنالاردى ءبىلدىردى: يىعىمىزداعى جاۋاپكەرلىك سالماقتى بۇكىل قىستاقتى باستاپ، قايتا كەدەيلەسۋدەن ساقتانۋدى ماڭىزدى ورىنعا قويىپ، قاداعالاۋدى جاقسى ىستەپ، قالپاق الىنعانىمەن جاۋاپكەرشىلىكتى تاستامايمىز، قالپاق الىنعانىمەن ساياساتتى توقتاتپايمىز، قالپاق الىنعانىمەن كومەكتەسۋ - سۇيەمەلدەۋدى توقتاتپايمىز، قالپاق الىنعانىمەن باقىلاۋ - باسقارۋدى توقتاتپايمىز.

  شينجياڭ جەمىس - جيدەك كاسىبى توبى شەكتى جاۋاپكەرلىك سەرىكتەستىگى پارتكومىنىڭ شۋجيى جاۋ جۋان مىنالاردى ءبىلدىردى: باس شۋجيدىڭ تاپسىرماسىن ەستە بەرىك ساقتاپ، شينجياڭنىڭ ەرەكشە اۋىل شارۋاشىلىعى ونىمدەرىن شينجياڭ ىشىندە ساتىپ الۋ تورى مەن شينجياڭ سىرتىندا ساتۋ تورىن جاقسى قالىپتاستىرۋعا قۇلشىنىپ، شينجياڭ جەمىستەرىنىڭ داڭقىن اسقاقتاتىپ، ”ەكى تور“ اكەلگەن جەتىستىكتەن بىرگە يگىلىكتەنىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن تىڭ ۇلەس قوسامىز.

(تىلشىلەرىمىز شى شين، ۋاڭ شيڭرۇي، ليۋ شياڭ، چىن چياڭۋي، يۋان لەي جازعان)

جاۋاپتى رەداكتور: اعاربەك ەگىس ۇلى