اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ەسىرتكىگە تيىم سالۋ ۇگىتىن بەلسەنە ورىستەتتى

  پراكتيكانت ءتىلشى گۇزال ابدىرەشيت پەن ەرىكتى ءتىلشى حۋ يالان حابارلايدى.قاراستى اۋماقتاعى بۇقارانىڭ ەسىرتكىگە تيىم سالۋ تانىمىن تەرەڭدەتىپ، ەسىرتكىگە قاتىستى بىلىمدەردى جالپىلاستىرىپ، ەسىرتكىگە تيىم سالۋ ساياساتىن ۇگىتتەۋ، ەسىرتكىگە تيىم سالۋ ۇستانىمىن تاراتۋ ءۇشىن، 5 ـ ايدىڭ 17 ـ كۇنى التاي قالاسى شاشۋ جولى ساقشى بولىمشەسى التاي قالالىق قوعام حاۋىپسىزدىگى مەكەمەسىنىڭ ەسىرتكىگە تيىم سالۋ ۇلكەن اترەتىمەن بىرلەسىپ ەسىرتكىگە تيىم سالۋ ۇگىتىن ورىستەتتى.

  قيمىلدا قىزمەتكەرلەر وتباسىن ارالاۋ، ۇگىت ماتەريالىن تاراتۋ، ناق مايداندا قاتىستى سۇراقتارعا جاۋاپ بەرۋ سياقتى فورمامەن ەسىرتكىنىڭ ءتۇرىن، ەسىرتكى تۇتىنعانداردىڭ بەلگىسىن، ەسىرتكىنىڭ جەكە ادامعا، وتباسىنا جانە قوعامعا اكەلەتىن زيانىن ەگجەي ـ تەگجەيلى ءتۇسىندىرىپ، بۇقارانى باسقالاردىڭ الداۋىنا تۇسپەۋگە، ەسىرتكىدەن اۋلاق بولۋعا ۇندەدى. سونىمەن بىرگە، بۇقارانى ەسىرتكىگە قاتىستى زاڭعا قايشى قىلمىستىق ارەكەتتىڭ ءجىپ ۇشىن بەلسەنە مالىمدەۋگە شابىتتاندىرىپ، بۇقارانىڭ ەسىرتكىگە قاتىستى قىلمىستىق ارەكەتتەرگە سوققى بەرۋگە ات سالىسۋ بەلسەندىلىگىىن تولىق جۇمىلدىرىپ، بارلىق ادام ەسىرتكىنى تانيتىن، بارلىق ادام ەسىرتكىنى شەكتەيتىن جانە سوققى بەرەتىن تاماشا قوعامدىق راي قالىپتاستىرۋعا جەبەدى.

  وسى رەتكى قيمىلدا 200 پارشادان استام ۇگىت قاعازى تاراتىلىپ، 180 بۇقاراعا ۇگىت جۇرگىزىلدى.

جاۋاپتى رەداكتور : ءاننا اكىمقان قىزى