اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي ايماعى شوفەرلەردىڭ دەنساۋلىعىن تەكسەرۋ ءبىر پۋنكت ۇلگىسىندەگى قىزمەت وتەۋ ەمدەۋ قۇرىلىمىن جاڭادان قوستى

  پراكتيكانت دۇيسەن جانات ۇلى حابارلايدى. كەزەكتە، ايماقتىق جۇڭگوشا ەمشىلىگى شيپاحاناسى (ايماقتىق قازاق ەمشىلىگى شيپاحاناسى، التاي قالالىق جۇڭگوشا ەمشىلىگى شيپاحاناسى) شوفەرلەردىڭ دەنساۋلىعىن تەكسەرۋ ءبىر پۋنكت ۇلگىسىندەگى قىزمەت وتەۋ ەمدەۋ قۇرىلىمىن قۇردى، جاڭا شوفەلەر دەنساۋلىعىن تەكسەرتۋ، كونە شوفەرلەر كىنەشكاسىن جىلدىق تەكسەرۋ، اۋىستىرۋ، تولىقتاۋ، دەنساۋلىق تەكسەرتۋ قاتارلى جۇمىستارىن وسى جەردەن بىتىرۋىنە بولادى.

  ۇعىسۋعا قاراعاندا، بۇدان بۇرىن شوفەرلەر التاي ايماقتىق حالىق شيپاحاناسىندا، التاي قالالىق حالىق شيپاحاناسىندا، سونداي- اق حالىق ازاتتىق ارمياسى 949- شيپاحاناسىندا دەنساۋلىعىن تەكسەرتەتىن. كەيىن كەلە التاي قالاسىنىڭ وڭتۇستىك رايونىندا قىزمەت ىستەيتىندەر مەن، تۇرعىنداردىڭ كوبەيۋىنە ىلەسە، وسى اۋماقتا قاتىستى ەمدەۋ ورگاندارى بولماعاندىعى سەبەپتى، جاڭا شوفەرلەردىڭ جۇمىس بىتىرۋىنە كوپتەگەن قولايسىزدىقتار اكەلگەن ەدى.

  التاي ايماقتىق جۇڭگوشا ەمشىلىگى شيپاحاناسى (ايماقتىق قازاق ەمشىلىگى شيپاحاناسى، التاي قالالىق جۇڭگوشا ەمشىلىگى شيپاحاناسى) شوفەرلەردىڭ دەنساۋلىعىن تەكسەرۋ ءبىر پۋنكت ۇلگىسىندەگى قىزمەت وتەۋ ەمدەۋ قۇرىلىمىن قۇرعاننان كەيىن، 5-ايدىڭ 1-كۇنىنەن باستاپ، شوفەرلەر وسى شيپاحاناعا كەلىپ دەنساۋلىق تەكسەرتە باستادى.

جاۋاپتى رەداكتور : ءاننا اكىمقان قىزى