اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بۋرىلتوعاي اۋدانى ”اتا مەكەندى ءسۇيىپ، اتا مەكەندى جىرلاپ، اتا مەكەنىمە جارشى بولامىن“ تاقىرىبىندا جارىس وتكىزدى

”ءشول دالاداعى بالىق مەكەنى ـــ ىرىستى بۋرىلتوعاي“ ماركاسىن جاراتتى

 

 ۇسىنىس ەتىلگەن ءتىلشى جۋاڭ شياۋپو مەن ەرىكتى ءتىلشى كاڭ لي حابارلايدى. 5 ـ ايدىڭ 18 ـ كۇنى، بۋرىلتوعاي اۋدانىنىڭ ”اتا مەكەندى ءسۇيىپ، اتا مەكەندى جىرلاپ، اتا مەكەنىمە جارشى بولامىن“ اتتى جارىستىڭ شەشۋشى جارىسى رەسمي باستالدى.

  جارىس تاقىرىپتىق ءتۇسىندىرۋ، ناق مايداندا سۇراۋعا جاۋاپ بەرۋ جانە ونەر كورسەتۋ سىندى 3 بۋىندى قامتىدى. شەشۋشى جارىستا 9 ساڭلاق لەكسيا سويلەۋ، كەسكىن، ءبي ارقىلى كورەرمەندەرگە ىرىستى بۋرىلتوعايدى، كوركەم ۇلىڭگىر كولىن، عاجايىپ قيىنكەرىشتى، كولدى اينالدىرا سالعان تاس جولدى تانىستىرىپ، وزگەشە ۇلتتىق سالت ـ سانا مادەنيەتىن سەزىندىردى.

  جارىسقا قاتىناسقان سامعار قۋاتبەك ۇلى بىلاي دەدى: بۇگىن جارىسقا قاتىناسقان ساڭلاقتار كوپتەگەن ادامعا بۋرىلتوعايدىڭ كوركەم كورىنىسىن، ءدامدى تاعامىن جانە الۋان ءتۇرلى مادەنيەتىن تانىستىردى. بۇدان كەيىنگى قىزمەت پەن تۇرمىس بارىسىندا مول ءبىلىم توپتاپ، اتا مەكەنىمە جارشى بولامىن.

  جارىسقا قاتىناسقان گۇلدەن گۇلناز قىزى بىلاي دەدى: بۋرىلتوعاي اۋدانىنىڭ ساياحات بايلىعى مول. بۇدان كەيىن اتا مەكەنىمنىڭ ءدامدى تاعامىن، كوركەم كورىنىسىن كوپتەگەن ادامعا تانىستىرىپ، كوپشىلىكتى بۋرىلتوعايعا كەلىپ ءدامدى تاعامداردان ءدام تاتىپ، كوركەم كورىنىستى تاماشالاۋعا شاقىرامىن.

  بۋرىلتوعاي اۋدانىنىڭ ساياحات بايلىعى ەلدەن ەرەك. ۇلىڭگىر كولى مەملەكەتتىك A4دارەجەلى قايران كورىنىس رايونى، قيىنكەرىش مەملەكەتتىك A3 دارەجەلى كورىنىس رايونى، اراسان قاتارلى 20 نەشە جەردە اشىپ پايدالانۋعا بولاتىن ساياحات بايلىعى بار. كوپ جىلدىق قۇلشىنىس ارقىلى بۋرىلتوعاي اۋدانى ”كوكتەمدە قۇستاردى تاماشالاۋ، جازدا سۋعا مالتاۋ، كۇزدە كورىنىس تاماشالاۋ، قىستا بالىق اۋلاۋ“ سىندى 4 ماۋسىمدىق ساياحات جۇيەسىن قالىپتاستىردى. 2018 ـ جىلى بۋرىلتوعاي اۋدانى ”جۇڭگوداعى 100 اۋىل ـ قىستاق ساياحاتى كوزدەۋلى جەرى“ اتاعىن الىپ، ”جۇڭگونىڭ ادامدى ەڭ قىزىقتىراتىن جەرىنىڭ“ ءبىرى بولىپ باعالاندى.

  بۋرىلتوعاي اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ لي بىلاي دەدى: بۇل قيمىلدىڭ ماقساتى ـــ ءشول دالاداعى بالىق مەكەنى ىرىستى بۋرىلتوعاي ماركاسىن ايگىلەپ، بۋرىلتوعايدىڭ كوركىن كورسەتىپ، بۋرىلتوعاي اۋدانىنىڭ ساياحاتقا قىزمەت وتەۋ ساپاسىن جوعارىلاتىپ، بارلىق ادام ۇگىتشى، بارلىق ادام ءتۇسىندىرۋشى، بارلىق ادام تانىستىرۋشى بولۋداي قويۋ راي قالىپتاستىرىپ، بۋرىلتوعاي اۋدانىنىڭ ساياحات كاسىبىنىڭ دارەجەسىن جوعارىلاتىپ، اقاۋسىز دامۋىنا قولداۋ كورسەتۋ.

جاۋاپتى رەداكتور : ءاننا اكىمقان قىزى