اعاجاي-التاي تورابى   ›   اقپارات ايدىنى   ›   ماڭىزدى حابارلار

حالىقتىڭ وزىنە - ءوزى قوجايىن بولۋىنا تاباندى بولۋدىڭ ەڭ جاندى بەينەسى

حالىق تورابىنىڭ شولۋى:

 

يۋە تانپيڭ

 ٵر جىلعى مەملەكەتتىك ەكى ماجىلىستە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق قۇرىلتايى ۋاكىلدەرى ۇيىرمەسىنىڭ تالقىسىنا قاتىناسىپ، ساياسي كەڭەس مۇشەلەرىنە امانداسادى ءارى بىرلەسىپ تالقى وتكىزەدى، كەڭ كولەمدە پىكىر الىپ، ۇسىنىس تىڭدايدى، حالىق قۇرىلتايى ۋاكىلدەرىمەن، ساياسي كەڭەس مۇشەلەرىمەن مەملەكەت ءىسىن بىرگە اقىلداسىپ، حالىق تۇرمىسىن بىرگە كەڭەسىپ، سوتسياليستىك دەموكراتيالىق ساياسيدىڭ قۇدىرەتتى تۇزىمدىك ابزالدىلىعى ارقىلى تۇتاس جىلداعى ەكونوميكالىق، قوعامدىق دامۋعا دەموكراتيالىق ورتاق تانىم قالىپتاستىرىپ، دامۋ سەنىمىن ۇيىستىرىپ ، ىنتىماقتىڭ بىرىككەن كۇشىن نىعايتادى.
 

  ءبىر جىلدا ءبىر وتكىزىلەتىن مەملەكەتتىك ەكى ءماجىلىس − سوتسياليستىك دەموكراتيالىق ساياسيدىڭ سالتاناتتى سارايى، حالىق تىلەگى مەن حالىقتىڭ اقىل - پاراساتى وسى ارادا شوعىرلاندى، پارتيانىڭ قۋاتتاماسى، حالىقتىڭ تىلەگى، مەملەكەتتىڭ ەركى وسى ارادا توعىسادى، رەفورمانى جوسپارلاپ، جوعارى ساپالى دامۋدى ىلگەرىلەتىپ، ەكولوگيالىق ورتانى قورعاۋ جانە ەكولوگيالىق وركەنيەت قۇرىلىسىن باسا دارىپتەيدى، نازاردى كەدەيلىكتەن ارىلتۋدان قامال الۋعا شوعىرلاندىرىپ، اۋىل ـ قىستاقتى گۇلدەندىرۋدى جوسپارلاپ، توڭكەرىستىك بايىرعى رايوندارعا كوڭىل ءبولىپ، از ۇلت باۋىرلاستارعا قامقورلىق جاسايدى، قورعانىس جانە ارميا قۇرىلىسىن ورنالاستىرىپ، مادەنيەت سەنىمى مەن مادەنيەت - كوركەمونەر جاسامپازدىعىن تالقىلايدى، جالپىلىق مەنشىككە جاتپايتىن كاسىپورىنداردىڭ ۇلەسىن دارىپتەپ، ناقتى ەكونوميكا ماسەلەسىن تالقىلايدى... پارتيانىڭ 18 - قۇرىلتايىنان بەرى، باس شۋجي شي جينپيڭ ۋاكىلدەرمەن، مۇشەلەرمەن مەملەكەت ىستەرىن بىرگە اقىلداسىپ، پارتيا مەن مەملەكەتتىڭ قىزمەتىن جان – جاقتىلى ىستەۋدە.
 

  بۇل «حالىقتىڭ وزىنە ءوزى قوجايىن بولۋىنا تاباندى بولىپ، حالىق دەموكراتياسىن دامىتىپ، بۇقارامەن قويۋ بايلانىس ورناتىپ، حالىققا تىعىز سۇيەنىپ، مەملەكەتتىڭ دامۋىن ىلگەرىلەتۋدەگى كورنەكتى باسىمدىلىعىنىڭ» جاندى ايعاعى __ سوتسياليستىك دەموكراتيالىق ساياسيدىڭ ورىندالاتىندىعىن، شىنايىلىعىن، ونىمدىلىگىن ايگىلەيتىن تەرەزەسى. باس شۋجي ۇيىرمە ـ گرۋپپالارعا بارىپ ۋاكىلدەردىڭ تالقىسىنا جانە مۇشەلەردىڭ تالقىسىنا قاتىناسادى، پارتيا ورتالىق كوميتەتى مەن حالىق بۇقاراسىن بايلانىستىراتىن، جۇڭنانحاي مەن توڭىرەكتىڭ ءتورت بۇرىشىن جالعاستىراتىن جوبا رەتىندە ءار جاقتىڭ پىكىرىن، ۇسىنىسىن، اقىل - پاراساتىن، كۇش - قۋاتىن پارتيا ورتالىق كوميتەتىنىڭ ەل باسقارۋ جالپى جاعدايىنا ەڭ تىكە، ەڭ قولايلى تۇردە كىرگىزەدى. پارتيانىڭ ساياسي ابزالدىلىعى مەن حالىقتىڭ وزىنە - ءوزى قوجايىن بولۋ دەموكراتيالىق ابزالدىلىعىن تولىق ايگىلەيدى. باس شۋجي شي جينپيڭ باسا دارىپتەگەندەي، «ەلىمىزدىڭ مەملەكەت ءتۇزىمى حالىق اراسىنا تەرەڭ تامىر تارتىپ، حالىقتىڭ ەركىن ءونىمدى بەينەلەپ، حالىقتىڭ ۇقىق ـ مۇددەسىن قامتاماسىز ەتىپ، حالىقتىڭ جاسامپازدىق قۋاتىن قاۋلاتا الادى». باس شۋجي حالىقتىڭ ۇنىنە تىكەلەي قۇلاق اسىپ، حالىقتىڭ ۇمىتىنە جاۋاپ قايتارادى، حالىق دەموكراتياسى مەن ءماسليحاتتىق دەموكراتياعا تىكەلەي قاتىناسىپ، «مەملەكەتتىڭ بارلىق بيلىگى حالىققا ءتان» بولۋداي ساياسي ەرەكشەلىگىن تولىق ايگىلەيدى، جۇڭگوشا سوتسياليستىك ساياسي ءتۇزىمنىڭ ابزالدىلىعىن ونان ارى ءتۇسىندىرەدى.
 

  بۇل «حالىققا جۇرەگىنىڭ تورىنەن ورىن بەرۋدىڭ» جاندى تۇسىندىرمەسى، حالىقتىڭ باقىتىن كوزدەۋ، ۇلتتىڭ گۇلدەنۋىن كوزدەۋ اۋەلگى ماقساتى مەن بورىشىن پارمەندى امالياتتا ايگىلەۋ بولىپ تابىلادى. مەملەكەتتىك ەكى ءماجىلىس كەزىندە، باس شۋجي شي جينپيڭ «حالىق بەرگەن ۇقىقتى حالىققا باقىت جاراتۋ ءۇشىن جۇرگىزۋ» دەگەن ماڭىزدى دارىپتەمەنى ورتاعا قويىپ، «حالىقتىڭ تاماشا تۇرمىسقا تالپىنىسى ءبىزدىڭ كۇرەس نىسانامىز» دەگەن ماڭىزدى ۇندەۋدى ورتاعا قويدى. نەگىزگى ساتىلاردىڭ ۇسىنىس - پىكىرلەرىن تىڭداۋعا ءمان بەرىپ، ۋاكىلدەر مەن مۇشەلەرگە مىندەتىن مۇقيات اتقارۋدى تاپسىرادى، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ارقاۋ ەتىپ، مەملەكەتتىڭ دامۋ ۇلى جوسپارىن جاساپ، حالىقتىڭ سۇيىسپەنشىلىگىنە جاندى تۇسىنىك جاسايدى. ءدال وسىنداي بۇكپەسىز سىرلاسۋدا، اۋىل - قىستاقتىڭ قوعام جاعدايى مەن حالىق اۋانىن، قوعام دامۋىنىڭ رەفورما جونىندەگى ۇندەۋىن، ۋاكىلدەر مەن مۇشەلەردىڭ دۇرىس كوزقاراسىن پارتيا ورتالىق كوميتەتىنە، جۇڭنانحايعا تىكە جەتكىزەدى؛ ءدال وسىنداي شىنايى قارىم – قاتىناستا ساياسات جونىندەگى ورتاق تانىم، رەفورما جونىندەگى ورتاق تانىم، دامۋ جونىندەگى ورتاق تانىم قالىپتاسىپ، بۇكىل ەل بويىنشا جوعارىدان تومەنگە دەيىن بىلەك سىبانىپ، قايراتتانا العا ۇمتىلاتىن جىگەر تاسقىندايدى. مىنە وسىنداي بولعاندىقتان نە ءۇشىن «حالىق − رەسپۋبليكانىڭ بەرىك نەگىزى، حالىق −ءبىزدىڭ بيلىك جۇرگىزۋىمىزدىڭ ەڭ زور تىرەگى» دەگەندى وڭاي تۇسىنۋگە بولادى.
 

  مەيلى حالىق قوجايىن بولاتىن حالىق قۇرىلتايى ءتۇزىمى سىندى جاڭا ساياسي ءتۇزىم بولسىن، مەيلى حالىق ساياسي كەڭەسى ءتۇزىمى سىندى جۇڭگوشا دەموكراتيانىڭ ناقتى فورماسى بولسىن، «حالىق» دەگەن ءسوز جۇڭگوشا سوتسياليستىك ساياسي تۇزىمگە تەرەڭ ورناعان. باس شۋجي شي جينپيڭ ۇيىرمە ـ گرۋپپالارعا بارىپ، كەڭىنەن تىڭداپ، كوپتىڭ اقىل ـ پاراساتىن شوعىرلاندىرىپ، جۇڭگوشا سوتسياليستىك دەموكراتيانىڭ بارلىعىن حالىق ءۇشىن ىستەۋ، حالىققا بەرىك سۇيەنۋ ءمانىن بارىنشا ايگىلەدى. باس شۋجي ۇندەۋ شىعارعانداي «جۇڭگونىڭ بيىككە سامعاپ ، قۇستاي ۇشۋى ءۇشىن، ءبىر ميلليارد 400 ميلليونعا جۋىق حالىق ءبىر جەڭنەن قول،ءبىر جاعادان باس شىعارۋى كەرەك.» سوتسياليستىك دەموكراتيالىق ساياسيدىڭ جاندى امالياتى ارقىلى العان بەتىنەن قايتپايتىن، حالىقتىڭ ۇلى كۇشىن تاسقىنداتساق بارلىق تاماشا ارماندى رەالدىققا اينالدىرا الامىز.

جاۋاپتى رەداكتور : ءاننا اكىمقان قىزى