اعاجاي-التاي تورابى   ›   اقپارات ايدىنى   ›   شينجياڭ حابارلارى

مەملەكەتتىك ساياسي كەڭەستىڭ شينجياڭدا تۇراتىن مۇشەلەرى ماجىلىسكە قاتىناسۋ ءۇشىن بەيجيڭگە اتتاندى

  گازەتىمىزدىڭ جالپىلىق اقپارات قۇرالدارىنىڭ تىلشىلەرى جاۋ جىيۇن، رىن جياڭ 5 - ايدىڭ 19 - كۇنى ۇرىمجىدەن حابارلايدى. مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناساتىن مەملەكەتتىك ساياسي كەڭەستىڭ شينجياڭدا تۇراتىن مۇشەلەرى ماجىلىسكە قاتىناسۋ ءۇشىن 5 - ايدىڭ 19 - كۇنى تۇستەن كەيىن ۇرىمجىدەن بەيجيڭگە اتتاندى.

  ”بيىل مەملەكەتتىك ەكى ءماجىلىس ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا، مەملەكەتتىڭ رەفورما، دامۋ، ورنىقتىلىق مىندەتتەرى مەن حالىق تۇرمىسىن قامتاماسىزداندىرۋ، جاقسارتۋ قىزمەتتەرىن ورنالاستىرادى، ارقالايتىن تاريحي بورىشى وزگەشە، داۋىرلىك ءمانى دە ەرەكشە“. مۇشە گۇلپاري ابدوللا: ”مەن شينجياڭنىڭ امالياتىمەن تىعىز ۇشتاستىرىپ، وقۋ - اعارتۋ ىسىندەگى قولامتالى، قيىن ماسەلەلەر توڭىرەگىندە مىندەتىمدى مۇقيات ويداعىداي اتقارىپ، ءماجىلىستى جاقسى اشۋعا كۇش سالامىن“، - دەدى.

  مەملەكەتتىك ساياسي كەڭەستىڭ تۇراقتى مۇشەسى رەتىندە مۇشە جياڭ پيڭ - ان 5 - ايدىڭ 17 - كۇنى بەيجيڭگە جەتىپ، مەملەكەتتىك ساياسي كەڭەس 13 - كەزەكتى تۇراقتى كوميتەتىنىڭ 10 - ماجىلىسىنە قاتىناستى. ”مەن بيىل كەدەيلىكتەن ارىلتۋدان قامال الۋ جەتىستىكتەرىن ونان ارى بەكەمدەۋ، شينجياڭنىڭ اۋىل - قىستاقتى گۇلدەندىرۋ ءىسىن قاتار ىلگەرىلەتۋ، سونداي - اق شينجياڭنان شىعاتىن سۋىق تىزبەك زات اينالىمى قۇرىلىسىن جەدەل جۇرگىزۋ جونىندە ۇسىنىس جوبا الا كەلدىم“، - دەدى مۇشە جياڭ پيڭ - ان.

  تىلشىمەن تەلەفونداعى سۇحباتتا ساياسي كەڭەس مۇشەلەرى مىنالاردى ءبىلدىردى: بيىل جاپپاي دوڭگەلەك داۋلەتتى قوعام ورناتۋ مەن ”13 - بەسجىلدىق“ جوبا اياقتالاتىن جىل ءارى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، وسكەلەڭ ساياسي سانالىلىق جانە تاسقىنداعان ساياسي ىنتامەن ماجىلىستەگى ءتۇرلى قيمىلدارعا مۇقيات قاتىناسىپ، مۇشەلىك بورىشتى بەلسەنە ويداعىداي وتەپ، ۇكىمەت ىسىنە اقىل - كەڭەس بەرۋگە جانە ورتاق تانىم ۇيىستىرۋعا قاراي كۇش سالىپ، شىنايى كەڭەسىپ، ناقتى قاداعالاپ، ۇكىمەت ءىسىن ىشكەرىلەي كەڭەسىپ، بورىشتى اتقارۋدا حالىق ءدان ريزا بولاتىنداي جاۋاپ قايتارۋعا قۇلشىنامىز.

جاۋاپتى رەداكتور : ءاننا اكىمقان قىزى