اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىزدىڭ جەر-جەرىندە جاۋىن جاۋىپ، بوران سوعادى، اۋا تەمپەراتۋراسى تومەندەيدى

  ءتىلشىمىز جۋداندان حابارلايدى:

      5-ايدىڭ 19-كۇنى ٴتىلشىنىڭ التاي ايماقتىق اۋا رايى ستانسياسىنان ۇعىسۋىنشا، تومەن تەمپەراتۋرانىڭ وڭتۇستىككە ويىسۋىنىڭ ىقپالىنان ايماعىمىزدىڭ جەر- جەرىندە جاڭبىر جاۋىپ، بوران سوعىپ، اۋا تەمپەراتۋراسى تومەندەيدى.

  5-ايدىڭ 21-كۇنى كۇندىزدەن 22-كۇنى تۇنگە دەيىن ايماعىمىزدىڭ جەر- جەرىندە از جاڭبىر جاۋادى. سولتۇستىكتەگى تاۋلى وڭىرلەردە ورتاشا جاڭبىر جاۋادى، كوكتوعاي اۋدانى مەن شىڭگىل اۋدانىندا ورتاشا جاڭبىر جاۋادى، جەمەنەي اۋدانى ساۋىر تاۋى مەن سولتۇستىك تاۋلى رايونداعى اققابا - قاناس - قوم - ۋشىلىك، شىعىس بولەك تاۋلى وڭىردەگى كوكتوعاي - ۇلكەن شىڭگىل وڭىرلەرىنىڭ ءىشىنارا جەرلەرىندە قالىڭ جاڭبىر، كەي جەرلەردە نوسەر جاۋادى. وسى رەتكى اۋا رايىندا ناجاعاي جارقىلداۋ، قىسقا ۋاقىتتىق كۇشتى جاۋىن - شاشىن، بۇرشاق سياقتى كۇشتى اۋارايى وزگەرىستەرىنىڭ تۋىلۋى مۇمكىندىگى ٴبىرشاما زور.

  وسى رەتكى اۋارايى وزگەرىسىنىڭ ىقپالى جانە ۇسىنىس:

  1. بۇل رەت اۋرايى وزگەرىسى كورنەكتى، تاۋلى رايونداردا جاۋىن - شاشىن مول، قىسقا ۋاقىتتىق كۇشتى جاۋىن - شاشىن، ٴىشىنارا جەرلەردە نوسەر جاۋاتىندىقتان، ورتا، شاعىن وزەندەردە تاسقىن، لاي كوشكىنى سياقتى گەولوگيالىق اپاتتار وڭاي تۋىلۋى مۇمكىن، قاتىستى ورىندار الدىن الۋ قىزمەتىن كۇن ىلگەرى جاقسى ىستەۋى كەرەك، تاۋلى رايونداردىڭ ماڭىنداعى قىستاق، زاۆود - كەن كاسپورىندارى، سۋ يگىلىگى قۇرىلعىلارى، تاس جول، تەمىر جول سياقتى اپات وڭاي تۋىلاتىن ورىندار تاسقىن جانە گەولوگيالىق اپاتتاردى شۇعىل ٴبىرجاقتىلى ەتۋ جانە ودان ساقتانۋ قىزمەتىن كۇشەيتۋى كەرەك، ساياحات ورىندارى تاۋعا شىققان ساياحاتشىلارعا حاۋىپسىزدىككە كوڭىل ٴبولۋدى ەسكەرتۋى كەرەك.

  2. ءشىنارا ورىنداردا ناجاعاي جارقىلداۋ، قىسقا ۋاقىتتىق كۇشتى جاۋىن - شاشىن، بوران سوعۋ، بۇرشاق جاۋۋ سياقتى كۇشتى اۋارايى وزگەرىسى تۋىلۋ مۇمكىندىگى زور، قاتىستى ورىندار باقىلاۋدى كۇشەيتۋى ٴارى ساقتانۋعا كوڭىل ٴبولۋى كەرەك.

  3. جاۋىن - شاشىن مەن بوراندى اۋا رايى قالاداعى جولدار مەن قۇرىلىستارعا زور ىقپال جاسايدى، قالا اكىمشىلىك تاراۋلارى مەن تۇرعىن ءۇي، قۇرىلىس تاراۋلارى ساقتانۋ قىزمەتىن جاقسى ىستەۋى كەرەك.

  4. كۇشتى بوران ەگىس داقىلدارىنىڭ ءوسۋى مەن مال شارۋاشىلىعى وندىرىسىنە ء تيىمسىز ىقپال جاسايدى، قاتىستى تاراۋلار ساقتانۋ شارالارىن جاقسى ىستەۋى كەرەك .

  5. جاۋىن - شاشىندى اۋا رايى جول قاتىناس تاسىمالىنا ءتيىمسىز ىقپال جاسايدى، قاتىناس باسقارۋ تاراۋلارىنىڭ قاتىناس جانە جول قورعاۋ قىزمەتىن جاقسى ىستەۋىن ۇسىنىس ەتەمىز.

  بوراننان الدىن- الا مالىمەت:

  التاي ايماقتىق اۋا رايى ستانسياسى 5-ايدىڭ 19 ـ كۇنى ساعات 18 دەن 55 مينۋت وتكەندە كۇشتى بوران سوعاتىنى جونىندە كوك ٴتۇستى ساقتىق بەلگىسىن شىعاردى.

  5-ايدىڭ 19-كۇنى تۇننەن 5-ايدىڭ 23-كۇنى تۇستەن بۇرىنعا دەيىن ايماعىمىزدىڭ جەر- جەرىندە قيىس باتىستان 5 ~ 6 بال جەل سوعادى. جەل وتىندە جەل كۇشى 7 - 8 بالعا جەتەدى.

  ساقتانۋ شارالارى: 1.ۇكىمەت جانە قاتىستى تاراۋلار مىندەت بويىنشا بوراننان ساقتانۋ قىزمەتىن جاقسى ىستەۋى كەرەك 2. ەسىك - تەرەزەنى جاۋىپ، جاسالعان جارناما تاقتاسى سياقتى جەلگە وڭاي ۇشاتىن قۇرىلعىلاردى بەكەمدەۋ، بوراننىڭ ىقپالىنا وڭاي ۇشىرايتىن سىرتقا قويىلعان زاتتاردى لايىقتى ورنالاستىرىپ، قۇرىلىس ماتەريالدارىنىڭ بەتىن جابۋ كەرەك 3. بوراننىڭ ەگىن، مال شارۋاشىلىق وندىرىسىنە جانە جول قاتىناسىنا اكەلەتىن ٴتيىمسىز ىقپالىنان ساقتانۋعا كوڭىل ٴبولۋ كەرەك.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى