اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ۇلتتار ىنتىماعىنىڭ بەرەكەلى شاڭىراعى قيمىلى مەن كەدەيلىكتەن ارىلتۋدان قامال الۋدى ۇشتاستىردى

ـــ ايماقتىق ”ۇلتتار ىنتىماعىنىڭ بەرەكەلى شاڭىراعى“ قيمىلىنا باسشىلىق ەتۋ گرۋپپاسى كەڭسەسىنىڭ ورىنباسار مەڭگەرۋشىسى لي چياڭمەن سۇحپات

  التاي گازەتىنىڭ ءتىلشىسى دۋ پىڭفي

  جاقىندا، ءتىلشى قايتكەندە نازاردى اناعۇرلىم ويداعىداي باس نىساناعا شوعىرلاندىرىپ، ”ۇشتەن اۋىتقىماۋعا“ تاباندى بولىپ، ”ۇشكە كەپىلدىك ەتۋدى“ جۇزەگە اسىرىپ، ايماقتىق پارتكومنىڭ كەڭەيتىلگەن ءماجىلىسى رۋحىن ۇيرەنۋ، دايەكتىلەندىرۋ، تياناقتاندىرۋ جونىندە ايماقتىق ”ۇلتتار ىنتىماعىنىڭ بەرەكەلى شاڭىراعى“ قيمىلىنا باسشىلىق ەتۋ گرۋپپاسى كەڭسەسىنىڭ ورىنباسار مەڭگەرۋشىسى لي چياڭمەن سۇحپاتتا بولدى.

  ءتىلشى: ۇلتتار ىنتىماعىنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزۋدەگى بەلسەندى جەبەۋ رولىن تۇسىندىرە كەتسەڭىز.

  لي چياڭ: باس شۋجي شي جينپيڭ بىلاي دەپ اتاپ كورسەتتى: ۇلتتار ىنتىماعى ءار ۇلت حالقىنىڭ جان تامىرى. كەدەيلىكتەن ارىلتۋدان قامال الۋ قىزمەتىن ويداعىداي ىستەۋ جاپپاي دوڭگەلەك داۋلەتتى قوعام قۇرۋعا سايىپ قالماستان، ۇلتتار ىنتىماعى مەن شەكارانى بەكەمدەۋگە دە سايادى. ۇلتتار ىنتىماعىن كۇشەيتۋ ايماقتىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزۋدە ەرەكشە رولعا جانە مانگە يە. ايماقتىق ۇلتتار ىنتىماعى قىزمەتىنە باسشىلىق ەتۋ گرۋپپاسى كەڭسەسى ءار ۇلت حالقىنىڭ ”بىرلىكتە ىنتىماقتاسا كۇرەس جاساپ، بىرگە گۇلدەنىپ ـ كوركەيۋدەي“ ۇلت قىزمەتى نەگىزگى تاقىرىبىن مىقتى يگەرىپ، ”ۇلتتار ىنتىماعىنڭ بەرەكەلى شاڭىراعى“ مەن ۇلتتار ىنتىماعى دوستىق قيمىلىن دانەكەر، ۇلتتار ىنتىماعى العا باسارلىعىن جاراتۋدىٴتۇيىن ەتىپ، ۇلتتار ىنتىماعى العا باسارلىعى ىستەرىنىڭ تىڭ دامۋعا قول جەتكىزۋىن ىشكەرىلەي جەبەدى، كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي قول جەتكىزىپ، ايماعىمىزدىڭ ۇلتتار ىنتىماعىن، قوعام ورنىقتىلىعىن، ەكونوميكاسىنىڭ دامۋىن بەكەمدەۋدى پارمەندى كەپىلمەن قامدادى.

  ءبىرىنشى، ۇگىت ـ تاربيەنى جۇرت جۇرەگىنە ۇيالاتىپ، كەدەيلىكتەن ارىلتۋدان قامال الۋعا كۇش سالدى. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى، ”ۇلتتار ىنتىماعىنىڭ بەرەكەلى شاڭىراعى“ مەن ۇلتتار ىنتىماعى دوستىق قيمىلىن دانەكەر ەتىپ، بۇقارا ۇناتاتىن تاسىلدەر ارقىلى، بۇقارا اراسىنا ىشكەرىلەي بارىپ، پارتيانىڭ ساياساتىن بەتپە ـ بەت ۇگىتتەپ، ۇلتتار ىنتىماعى قىزمەتىن تۇتاس ايماقتاعى ءار ۇلت كادر ـ بۇقاراسىنىڭ ادەتىنە، سانالىلىعىنا، قاجەتىنە اينالدىرىپ، ءار ۇلت كادر ـ بۇقاراسىنىڭ اناعۇرلىم تىنىش، كورىكتى، باي ـ باقىتتى جاڭا التاي قۇرۋداي رۋحاني تالپىنىسىن جەبەدى. ەكىنشى، تۋىستاس، تىلەكتەس بولىپ كەدەيلىكتەن ارىلتۋدان قامال الۋعا دەم بەردى. ايماق ءىس جۇزىندىكپەن ۇشتاستىرىپ ”ۇلتتار ىنتىماعىنىڭ بەرەكەلى شاڭىراعى“ قيمىلى مەن ۇلتتار ىنتىماعى دوستىق قيمىلى قىزمەتتى جوباسىن اناعۇرلىم ساپالاندىرىپ، كادر، جۇمىسشى ـ قىزمەتكەرلەر ”ىنتىماقتاسىپ قامقورلىق جاسالاتىن وتباسىمەن“، ارحيۆ تۇرعىزىلىپ كارتوچكالاندىرىلعان وتباسىمەن، قيىنشىلىعى بار وتباسىمەن تۋىس بولىپ، ايماقتىڭ كەدەيلىكتەن ارىلتۋدان قامال الۋ قىزمەتىنە كۇش قوستى. قازىرگە دەيىن، ايماقتان 36 مىڭعا جۋىق كادىر، جۇمىسشى ـ قىزمەتكەر تۋىستاسۋ قيمىلىن ورىستەتىپ، بۇقاراعا 363 مىڭ 500 يگى، ناقتى ءىس ىستەپ بەرىپ، 16 ميلليون 497 مىڭ 600 يۋان جىلۋ، 503 مىڭ زاتتىق بۇيىم اتادى. ءۇشىنشى، قۇرۋ تابىسىنان ورتاق يگىلىكتەنىپ، كەدەيلىكتەن ارىلتۋدان قامال الۋعا كۇش قوستى. ۇلتتار ىنتىماعىن كۇشەيتىپ، كەدەيلىكتەن ارىلتۋدان قامال الۋعا كۇش قوسىپ، ۇلتتار ىنتىماعى العاباسارلىعى ىستەرىنىڭ تابىسىن ءار ۇلت بۇقاراسىنا يگىلىك جاراتۋ جاعىندا اناعۇرلىم ويداعىداي ايگىلەدى، ايماق مەملەكەتتىك ۇلتتار ىنتىماعى العاباسارلىعىنداعى ۇلگىلى ايماق قۇرۋدى وراي ەتىپ، ۇلتتار ىنتىماعى العا باسارلىعى قىزمەتىن ىشكەرىلەي جەبەپ، ءار ۇلت حالقىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتتى.

  ءتىلشى: ايماقتىق پارتكومنىڭ كەڭەيتىلگەن ءماجىلىسى رۋحىن ءوز قىزمەتىڭىزبەن ۇشتاستىرىپ، قايتكەندە ويداعىداي دايەكتىلەندىرىپ، تياناقتاندىرۋعا بولاتىندىعىنا توقتالا كەتسەڭىز.

  لي چياڭ: ايماقتىق پارتكومنىڭ كەڭەيتىلگەن ءماجىلىسى رۋحىن ىشكەرىلەي دايەكتىلەندىرىپ، تياناقتاندىرىپ، ”ۇلتتار ىنتىماعىنىڭ بەرەكەلى شاڭىراعى“ مەن ۇلتتار ىنتىماعى دوستىق قيمىلىن ۇنەمىلەندىرىپ ورىستەتىپ، ءار ۇلت كادر ـ بۇقاراسىن ءوزارا اتتانىسقا كەلتىرۋ ءۇشىن، ءبىز ەڭ اۋەلى “ۇلتتار ىنتىماعىنىڭ بەرەكەلى شاڭىراعى. تۋىسىمدى ەرتىپ التايدى ارالايمىن” اتىنداعى ۇلتتار ىنتىماعى دوستىق تاقىرىپتىق قيمىلىن ورىستەتتىك.

  ءبىرىنشى، ”ۇلتتار ىنتىماعىنىڭ بەرەكەلى شاڭىراعى“ قيمىلىن كەدەيلىكتەن ارىلتۋدان قامال الۋمەن ۇشتاستىرامىز. ”ۇلتتار ىنتىماعىنىڭ بەرەكەلى شاڭىراعى“ تاقىرىپتىق قيمىلىن ارقاۋ ەتىپ، كەدەيلىكتەن ارىلتۋدان قامال الۋدا كاسىپ سالاسى ارقىلى كەدەيلەردى سۇيەمەلدەۋ، كورىكتى اۋىل ـ قىستاق اۋلاسىن رەتكە سالىپ وڭاۋ، اۋلا شارۋاشىلىعى ەرەكشە ەگىمشىلىك، باعىمشىلىعى سىندى وزىق تاجىريبەلەردى، جاقسى ادىستەردى كوزدەن كەشىرۋگە ۇيىمداستىرىپ، كەدەي بۇقارانىڭ كەدەيلىكتەن ارىلىپ اۋقاتتانۋى جايلى ىشكى قورعاۋشى كۇشىن قوزعادىق. ەكىنشى، ”ۇلتتار ىنتىماعىنىڭ بەرەكەلى شاڭىراعى“ قيمىلىن ۇلتتار ىنتىماعى العاباسارلىعى تاربيەسىمەن، وتانشىلدىق تاربيەسىمەن، توڭكەرىستىك تاربيەسىمەن ءوزارا ۇشتاستىرامىز. ءار دارەجەلى كادرلاردان پارتيانىڭ ۇلت ـ ءدىن ساياساتى مەن ۇشقارىلىقتى الاستاۋ ۇگىت ـ تاربيەسىن ىشكەرىلەي ورىستەتىپ، تۋىس بولعان وتباسىلارىن ۇلتتار ىنتىماعى تاربيە بازاسىنا، وتانشىلدىق تاربيەسى بازاسىنا، توڭكەرىستىك تاربيە بازاسىنا اپارىپ ەكسكۋرتسيالاتىپ، ”ءۇشتىڭ ءبىر ـ بىرىنەن ايرىلا الماۋ“ يدەياسىن اناعۇرلىم بەكەمدەپ، ”بەستى شىنايى مويىنداۋدى“ تالاپ ەتەمىز. ءۇشىنشى، ”ۇلتتار ىنتىماعىنىڭ بەرەكەلى شاڭىراعى“ قيمىلىن ساياحاتتى دامىتۋمەن ءوزارا ۇشتاستىرامىز. ءار دارەجەلى كادرلاردى تۋىستارىمەن بىرگە ايماقتىق پارتكومنىڭ ”التايلىقتار التايدى ساياحاتتاۋ“ ۇندەۋىنە بەلسەنە ءۇن قوسىپ، ايماقتىڭ ”ساياحاتشىلاردى التايعا ساياحاتتاۋعا باۋراۋداعى“ 10 ءتۇرلى ءتيىمدى ساياساتىنان ويداعىداي پايدالانىپ، ويداعىداي ۇگىتتەپ، كادر، جۇمىسشى ـ قىزمەتكەرلەردى تۋىستارىن ەرتىپ اتا مەكەندى ارالاپ، وزگەرىستەردى كورىپ، اسەرىن ايتۋعا بەلسەنە ۇيىمداستىرۋدى ءارى ءتۇرلى تيىمدىلىك ساياساتىن تۋىسىنا ۇگىتتەۋدى تالاپ ەتتىك. سونىمەن بىرگە، جەرگىلىكتى ورىننىڭ ءتيىمدى شارت ـ جاعدايىن ارقاۋ ەتىپ، تۋىسىنىڭ اۋىل ـ قىستاقتىڭ ساياحات كاسىبىنە اتسالىسۋعا شابىتتاندىرىپ، ساياحات كاسىبىنىڭ دامۋىن جەبەپ، ساياحات كاسىبى مەن ۇلتتار ىنتىماعىنىڭ توعىسپالى دامىتامىز. ءتورتىنشى، دانەكەردى كەڭەيتىپ، ەرەكشەلىككە يە بۇقارالىق سيپاتتى اۋىس ـ كۇيىس قيمىلىن ورىستەتەمىز. ”ۇلتتار ىنتىماعىنىڭ بەرەكەلى شاڭىراعى“ مەن ۇلتتار ىنتىماعى دوستىق قيمىلى قاتارلى دانەكەرلەردى ۇشتاستىرىپ، جۇرت قۋانا قابىلدايتىن تاسىلدەرمەن مەكەمە ـ ورىن اراسىندا، سالا ىشىندە، ۇقساماعان سالالار اراسىندا ارالاسۋ، ىشتەسۋ، توعىسۋدى كۇشەيتىپ، ءار ۇلت بۇقاراسى بىرگە تۇراتىن، بىرگە ۇيرەنەتىن، بىرگە قىزمەت ىستەيتىن، بىرگە كوڭىل اشاتىن قوعامدىق راي جاراتىپ، اناعۇرلىم تىنىش، كورىكتى، باي ـ باقىتتى جاڭا التاي قۇرۋعا رۋحاني نەگىز قالايمىز.

جاۋاپتى رەداكتور : ءاننا اكىمقان قىزى