اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماعىمىزداعى ارحيۆ تۇرعىزىلىپ كارتوچكالاندىرىلعان 24 مىڭ 5 ادام جۇمىستاندى

  التاي گازەتىنىڭ ءتىلشىسى حۋ جۇنشيۋ حابارلايدى. 5 ـ ايدىڭ 18 ـ كۇنى تاڭەرتەڭ، كوكتوعاي اۋدانى دۇرە قالاشىعى ۇزاقتى قىستاعىنىڭ تۇرعىنى ۇلار شايمۇرات ۇلى مەن اعاسى مامىر شايمۇرات ۇلى اتىز باسىنا بارىپ قاربالاستىققا ءتۇستى.

  وتكەن جىلى كوتەرمەگە العان 60 مۋ جەر مەن وزىمدەگى 30 مۋ جەرگە الا شەكىلدەۋىك ەكتىم، كىرىسىم دە ايتارلىقتاي بولدى، 200 نەشە مىڭ يۋان كىرىس كىرگىزىپ، قالاشىقتان ءۇي، بىر تراكتور دا ساتىپ الدىم ـ دەدى ۇلار.

  ءتىلشىنىڭ ۇعىسۋىنشا، ۇلار وتباسىندا 6 جان بار، قارت اناسى مۇگەدەك، جۇبايىندا دا اۋىر دارەجە قان ازدىق بار بولعاندىقتان قاتتى ـ قايىرىم جۇمىسقا كەلمەيدى، بالالارى ءالى جاس، اعاسى مامىردىڭ دا تۇراقتى كاسىبى جوق ەكەن. وتكەن جىلى وسى وتباسى ەڭ تومەنگى تۇرمىستى قامتاماسىزداندىرۋ قاراجاتى مەن 30 مۋ جەرگە سۇيەنىپ كۇنەلتىپ كەلگەن.

  بۇرىلىس 2019 ـ جىلى بولدى. وتكەن جىلدىڭ سوڭىندا ۇلار دوستارىنىڭ سىرتقا شىعىپ جۇمىس ىستەگەندىگىن كورىپ ءوزى دە ويلانىپ قالدى. قىستاق ”ەكى كوميتەتى“ القاسى بۇل جاعدايدان حاباردار بولعاننان كەيىن ونى كاسىپ كوزىن اشۋعا شابىتتاندىرىپ، ونىڭ دۇرە قالاشىعىنىڭ ماڭىنداعى اتىزدى كوتەرەگە الىپ ەگىمشىلىكتى دامىتۋىن قولدادى. 90 مۋ جەردەگى شەكىلدەۋىك ۇلاردىڭ ىجداعاتتىلىقپەن باپتاۋىندا مول ءونىم بەرىپ، مۋلىق ءونىمى 200 گيلوگرامعا جەتتى. سونىمەن بىرگە، مامىر دا تۋىسىنىڭ كومەگىندە قارامايلى تۇياقتى جانۋارلار قورىق رايونىنىڭ الەۋمەتتىك ورمان قورعاۋشىسى بولىپ ىستەپ، ايىنا 3000 يۋان تۇراقتى كىرىس كىرگىزدى. بۇل وتباسى كەدەيلىكتەن تۇبەگەيلى ارىلدى. ۇلار وتباسىنىڭ كەدەيلىكتەن قۇتىلۋ بارىسى ايماقتىڭ ”4321“ ينجەنەرياسىن العا قويىپ، ءتۇيىندى توپتاردىڭ جۇمىسقا ورنالاسۋىن ورنىقتىرىپ، شەكارا قورعاۋشىلار، ورمان قورعاۋشىلار، اۋىل ـ قىستاقتىڭ تىڭنان اشىلعان الەۋمەتتىك يگىلىك سيپاتتى جۇمىس ورىندارى جانە دەربەس كاسىپ كوزىن اشۋ قاتارلى فورمالار ارقىلى ەڭبەك قابىلەتى بار ارحيۆ تۇرعىزىلىپ كارتوچكالاندىرىلعان كەدەيلەردى مۇمكىندىكتىڭ بارىنشا باسقا كاسىپكە ويىستىرۋىنىڭ ىقشام كورىنىسى.

  بيىل كەدەيلىكتەن ارىلتۋدان قامال الۋداعى تابىستاردى جالعاستى بەكەمدەۋ ءۇشىن، ايماعىمىز ”اۋىلدان شىعا المايتىن، سۇيەنەتىن كاسىبى جوق، كەدەيلىكتەن ارىلۋ قۋاتى جوق“، ونىڭ ۇستىنە، بەلگىلى قىزمەتتىڭ ۇددەسىنەن شىعا الاتىن ارحيۆ تۇرعىزىلىپ كارتوچكالاندىرىلعان ەڭبەككۇشتەردى الدىمەن ورنالاستىردى. سونىمەن بىرگە، ارحيۆ تۇرعىزىلىپ كارتوچكالاندىرىلعان ەڭبەككۇشتەر قاتارلى ءتۇيىندى توپتاردىڭ شينجياڭ ىشىندە كاسىپ كوزىن اشۋىنا قولداۋ كورسەتتى. ءبىر جىلدان ارتىق تۇراقتى شارۋاشىلىق جۇرگىزگەن ءارى سول كۇيىن ساقتاعاندارعا ايماق ءبىر جولدا 10 مىڭ يۋان كاسىپ كوزىن اشۋ قوسىمشا قاراجاتىن، 6000 يۋان ءۇي ماي اقىسى قوسىمشا قاراجاتىن بەردى. سونىمەن بىرگە، سول ادامنىڭ ءىس جۇزىندىك جاعدايىنا قاراي نەگىزگى زەينەتكەرلىك قامسىزداندىرۋ قاراجاتىنا، نەگىزگى ەمدەلۋدى قامسىزداندىرۋ قاراجاتىنا، جۇمىسسىزداردى قامسىزداندىرۋ قاراجاتىنا قوسىمشا قاراجات بەردى، قوسىمشا قاراجات بەرۋ مەرزىمى ەڭ ۇزاق بولعاندا 3 جىل بولادى.

  ايماقتىق پارتكوم ۇيىمداستىرۋ ءبولىمىنىڭ ورىنباسار باستىعى، ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتگرۋپپاسىنىڭ شۋجيى جاڭ حۋايۇڭ بىلاي دەدى: جۇمىستاندىرۋ ەڭ ءىرى حالىق تۇرمىسى. ايماعىمىزدا ارحيۆ تۇرعىزىلىپ كارتوچكالاندىرىلعان 14 مىڭ 899 وتباسى، 48 مىڭ 156 جان سانى بار. 5 ـ ايدىڭ ورتا شەنىنە دەيىن ايماقتاعى ارحيۆ تۇرعىزىلىپ كارتوچكالاندىرىلعان 24 مىڭ 5 ادام جۇمىستانىپ (مۇنىڭ ىشىندە ەگىن ـ مال شارۋاشىلىعى وندىرىسىمەن شۇعىلداناتىن 7544 ادام)، 1087 ادام 5 ميلليون 202 مىڭ 900 يۋان جۇمىستاندىرۋ قوسىمشا قاراجاتىنان يگىلىكتەندى.

جاۋاپتى رەداكتور : ءاننا اكىمقان قىزى