اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

كىرىستى ارتتىرىپ، اۋقاتتانۋدىڭ جاڭا جولىن اشتى

كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەيىك

جەمەنەي اۋدانى «تۇيە شارۋاشىلىعىن نەگىز ەتكەن» كاسىپ سالاسى ارقىلى كەدەيلەردى سۇيەمەلدەۋدىڭ جاڭا جولىن اشتى

  ەرىكتى ءتىلشى ۋاڭ چاۋجى، سەرىك كەڭەسقان ۇلى حابارلايدى: جەمەنەي اۋدانى شينجياڭ ۋاڭيۋان بيولوگيالىق عىلىم- تەحنيكا توبىنىڭ كاسىپ سالاسى ارقىلى كەدەيلەردى سۇيەمەلدەۋ ۇلگىسىنە ۇشتاستىرىپ، تۇيە شارۋاشىلىعىن نەگىز ەتكەن وسىزامانعى اۋىل شارۋاشىلىعى كاسىپ باقشاسىن قۇرىپ، بايلىقتى مال - مۇلىككە، مال - مۇلىكتى قارجىعا، قارجىنى جارناعا اينالدىردى، ەگىنشى - مالشىلار كاسىپورىن قىزمەتكەرى بولدى. جەمەنەي اۋدانىنداعى ارحيۆ تۇرعىزىلىپ، كارتچكالانعان 1026 وتباسىنداعى 2656 ادام جايىلىمدى مايعا بەرۋ، باقشا رايونىندا جۇمىس ىستەۋ سياقتى تاسىلدەر ارقىلى كىرىستەرىن ورنىقتى ارتتىردى، جان باسىندىق كىرىس 5624 يۋانعا جەتتى.

  ون مىڭ تۇيە باعىمشىلىعى باقشاسى شالشىقاي اۋىلىنىڭ جارتىلاي شولەيتتەنگەن وڭىرىنە ورنالاسقان. جەم - ٴشوپ بازاسىن قۇرۋ ارقىلى ٴۇش جاقتاعى قۇمدى ٴشولدى تىزگىندەدى، «ون مىڭ تۇيە شارۋاشىلىعى باقشاسى» مالشىلاردىڭ كىرىسىن ارتتىرۋمەن بىرگە ەكولوگيالىق ونىمدىلىككە قول جەتكىزدى.

  بۋرىلتوعاي اۋدانى باعىمشىلىق كووپەراتيۆىن دامىتىپ، كەدەيلىكتەن ارىلىپ، اۋقاتتانۋ جولىن اشتى

  ەرىكتى ءتىلشى دۋمان بيداقىمەت ۇلى حابارلايدى: مالشىلاردىڭ كىرىسىن ارتتىرۋدى كۇش سالا ىلگەرىلەتىپ، مالشىلاردىڭ ٴداستۇرلى باعىمشىلىق ۇلگىسىن وزگەرتۋ ماقساتىندا، بيىل 5 ـ ايدا بۋرىلتوعاي اۋدانى شىعانجيدە اۋىلى اقارال قىستاعى «سەلبەستىك كووپەراتيۆى + كەدەي وتباسى» ۇلگىسىمەن ساۋىندى سيىر باعىمشىلىق سەلبەستىك كووپەراتيۆىن قۇردى، «كەدەي سەميالاردىڭ مالدى كووپەراتيۆكە باقتىرۋى + جارنا قوسىپ پايدا الۋ + كاسىپتەندىرۋ + عىلىم تەحنيكا جاقتان جەتەكتەۋ» ساۋدا مەحانيزىمىن قۇردى، بىرنەشە كۇندە 7 كەدەي وتباسى سيىردى كووپەراتيۆكە باقتىرۋعا بەردى.

  اقارال قىستاعىنىڭ قاتىستى جاۋاپتىسى تانىستىرىپ بىلاي دەدى: سەلبەستىك كوپەراتيۆىندە قازىر ىندەتتەن ساقتانۋ ٴۇيى، جىلى قورا، سۇرلەم ۇراسى بار . سونداي - اق 200 باس سيىردى ٴبىر ۋاقىتتا باعۋعا بولاتىن قورا - قالتقى سالىندى، ٴتۇرلى نەگىزدىك قۇرىلعىلار كەمەلدەندى. سونىمەن بىرگە كەدەي وتباسىلاردىڭ سەلبەستىك كووپەراتيۆىندە جۇمىس ىستەۋىنە بولادى، ٴار جىلى 20 مىڭ يۋان ارتىق كىرىس كىرگىزەدى. سەلبەستىك كووپەراتيۆى «كولەمدەندىرۋ، جۇيەلەندىرۋ، جالپىلاندىرۋ» سىندى دامۋ ۇستانىمى بويىنشا، كووپەراتيۆ مۇشەلەرىنىڭ دامۋىنا قىزمەت وتەپ، ٴتىپتى دە كوپ كەدەي وتباسىلارىن كەدەيلىكتەن ارىلىپ، اۋقاتتانۋعا باستادى.

  التاي ايماقتىق ينتەرنەت-اقپارات ورتالىعىنىڭ جيناق حابارى

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى