اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

5-ايدىڭ 18- كۇنى 2020-جىلعى «جۇڭگو ساياحات كۇنى» التاي « مىڭ شاقىرىمدىق ساياحات كاريدورى، ءجۇز جەكەلىك اۆتوكولىكپەن ساياحاتتاۋ» قيمىلى شىڭگىل اۋدانىندا باستالدى

  5-ايدىڭ 18- كۇنى2020-جىلعى «جۇڭگو ساياحات كۇنى» التاي « مىڭ شاقىرىمدىق ساياحات كاريدورى، ءجۇز جەكەلىك اۆتوكولىكپەن ساياحاتتاۋ» قيمىلى شىڭگىل اۋدانىندا باستالدى

  ءتىلشىمىز قۇرمانگۇل جەڭىسبەك قىزى حابارلايدى: 5 - ايدىڭ 18 - كۇنى 2020-جىلعى «جۇڭگو ساياحات كۇنى» التاي «مىڭ شاقىرىمدىق ساياحات كاريدورى، ءجۇز جەكەلىك اۆتوكولىكپەن ساياحاتتاۋ» قيمىلى شىڭگىل اۋدانىندا باستالدى

  ءەكى جۇزدەن استام ادام ٴجۇز اۆتوكولىكپەن شىڭگىل اۋدانىنان اتتانىپ، 5-ايدىڭ 18-كۇنىنەن 5-ايدىڭ 24-كۇنىنە دەيىن ٴبىر اپتالىق جەكەلىك اۆتوكولىكپەن ساياحاتتاۋ ساپارىن باستادى

  قيمىلدى التاي ايماقتىق اكىمشىلىك مەكەمەسى ۇيىمداستىرىپ، التاي ايماقتىق مادەنيەت، دەنە تاربيە، راديو- تەلەۆيزيا جانە ساياحات مەكەمەسى، اۋداندىق (قالالىق) حالىق ۇكىمەتى، قاناس كورىنىس رايونىن باسقارۋ كوميتەتى، شينجياڭ راديو- تەلەۆيزيا ستانسياسى 929 مادەنيەت، ساياحات راديوسى ۇستىنە الىپ، التاي ايماقتىق پارتكومنىڭ ۇگىت ٴبولىمى، شينجياڭ التاي ساياحاتتى دامىتۋ توبى شەكتى سەرىكتەستىگى سەلبەسىپ وتكىزدى.

  شىڭگىل اۋدانى وسى رەتكى قيمىلدىڭ ٴبىرىنشى بەكەتى ٴارى التاي ايماعىنىڭ مىڭ شاقىرىمدىق ساياحات كاريدورى شىعىس اينالما جەلىسىنىڭ باستالۋ ٴتۇيىنى. ساياحات بايلىعى مول، تابيعي كورىنىسى وزگەشە، الىس-جاقىنعا اتى ايگىلى ءۇش كول كورىنىس رايونىنان تىس، ۇلكەن، كىشى شىڭگىل وزەنى اڭعارىنداعى ورمان، جۇلدىزدى تاس قار - مۇز سياقتى جاراتىلىستىق كورىنىس سىندى جاراتىلىستىق بايلىعى مول، ساحارا ۇلتتىق سالت - سانا مادەنيەتى قويۋ. سونىمەن بىرگە، جاعراپيالىق ابزالدىلىعى كورنەكتى، بۇكىل شينجياڭداعى موڭعۇلياعا اشىلعان 1 ـ ۇلكەن شەكارا وتكەلى _ تايكەشكەن وتكەلى بار. سولتۇستىك شينجياڭ قاتىناس جەلىسى ولكە جولىنىڭ 320 - لەنياسى مەن 228-لەنياسى شىڭگىل اۋدانىن كەسىپ وتەدى، كوكتوعاي، جانبۇلاق سياقتى ايگىلى كورىنىس وڭىرلەرىنىڭ ورتاسىنا ورنالاسقان، جەكەلىك اۆتوكولىكپەن ساياحاتتاۋشىلاردىڭ باس قوسىپ ساياحاتتايتىن كوڭىلدەگىدەي ورىن ەسەپتەلەدى.

  وسى رەتكى «جۇڭگو ساياحات كۇنى» بايلانىسىمەن ۇيىمداستىرىلعان ايماعىمىزدىڭ «مىڭ شاقىرىمدىق ساياحات كاريدورى، ءجۇز جەكەلىك اۆتوكولىكپەن ساياحاتتاۋ» قيمىلىنىڭ 2 - رەت وتكىزىلۋى. باستالۋ سالتى شىڭگىل اۋداندىق مۇراجايدا وتكىزىلدى، جەرگىلىكتى جۇرتشىلىق وزگەشە از ۇلت ٴان-بيلەرى ارقىلى الىستان كەلگەن قوناقتاردى قارسى الدى، ساياحاتشىلار سۋرەتكە ٴتۇسىپ ەستەلىك قالدىردى ٴارى جەرگىلىكتى ءورىننىڭ ٴدامدى تاعامدارىنان ٴدام تاتتى.

  كولىك اترەتىنىڭ ۋاكىلى شياۋ ليجۇن بىلاي دەدى: جەكە اۆتوكولىكپەن ساياحاتتاۋ قيمىلىنا قاتىناسقاننان كەيىن، كوڭىلىم بايىز تاپپادى، التاي جونىندە كوپ ويلارعا كۇپتى بولدىم، ەكولوگيالىق كۇتىنۋدىڭ تاپتىرماس ورنى بولعان التاي مەنىڭ ەڭ باستاپقى تاڭداعان جەرىم. التاي ايماعى شينجياڭ، ٴتىپتى بۇكىل مەملەكەت بويىنشا ٴوز كولىگىمەن ساياحاتتاۋشىلاردىڭ نىسانالى جەرى. مىڭ شاقىرىمدىق ساياحات كاريدورىنىڭ كوركەم كورىنىسى مەن تاماشا جەر بەدەرى ٴوز كولىگىمەن ساياحاتتاۋشىلاردىڭ ەرەكشە قارسى الۋىنا بولەنىپ كەلەدى. بۇل رەتكى جەكە اۆتوكولىكپەن ساياحاتتاۋدىڭ كوڭىلدەگىدەي بولاتىنىنا، التايدىڭ كوركەم تابيعات كورىنىسى مەن وزگەشە ۇلتتىق سالت - سانا بۇل ساپارىمدى اناعۇرلىم ءماندى ەتە تۇسەتىنىنە سەنەمىن.

  ايماعىمىزدا اسقار تاۋ، اساۋ وزەن، سىڭسىعان ورمان، سايىن ساحارا، وزەن، كول، قۇمدى ٴشول بار. عاجايىپ كوركەم تابيعات كورىنىسى « التايدىڭ مىڭ شاقىرىمدىق ساياحات كاريدورىن» قالىپتاستىردى. مەملەكەت جولى، ولكە جولدارى ايقاسىپ، شار تاراپقا تۇتاسادى، ءوز كولىگىمەن ساياحاتتاۋشىلار ساياحاتتايتىن كوڭىلدەگىدەي ورىن. وسى رەتكى «مىڭ شاقىرىمدىق ساياحات كاريدورى، ءجۇز جەكەلىك اۆتوكولىكپەن ساياحاتتاۋ» ۇيىرمەسى شىڭگىل اۋدانىنان جولعا شىعىپ، مىڭ شاقىرىمدىق ساياحات كاريدورىنداعى ساياحات لەنياسىن بويلاپ، اۋداندار مەن التاي قالاسىنداعى كورىنىس رايوندارى مەن كورىنىس تۇيىندەرىن ساياحاتتاپ، التايدىڭ توڭكەرىستىك مادەنيەتىن، ۇلتتىق سالت - ساناسىن جانە وزگەشە جاراتىلىستىق كورىنىستەرىن سەزىنەدى.

  ايماعىمىزدىڭ بيىلعى «18 - مامىر جۇڭگو ساياحات كۇنى» قيمىلى «شەكتى اشۋ، كۇنى بۇرىن كەلىسۋ، ٴتارتىپتى اشۋ، ارالىق ساقتاپ باقشاعا كىرۋ، ۇقساماعان ۋاقىتتا ساياحاتتاۋ» سياقتى تالاپتاردى قاتاڭ اتقاردى، الدىن الا كەلىسۋ جانە تىزىمدەۋ ٴتۇزىمى قاتاڭ جۇرگىزىلدى، الدىن الا كەلىسۋ، تەمپەراتۋرانى ولشەتۋ، ەكىلىكتى جايمالاۋ قاتارلى ساقتانۋ، تىزگىندەۋ تارتىپتەرى تولىق تياناقتاندىرىلىپ، حاۋىپسىزدىك، الدىن الۋ قىزمەتىن جاقسى ىستەدى. سونىمەن بىرگە، «جۇڭگو ساياحات كۇنى» مەزگىلىندە، التاي ايماعىنداعى بارلىق كورىنىس رايوندارى ەسىك بەلەتىن المايدى، قيمىل 6-ايدىڭ 30-كۇنىنە دەيىن جالعاسادى. ەسىك بەلەتى ەكونوميكاسىنان كاسىپ ەكونوميكاسىنا بۇرىلىس جاساۋدى اناعۇرلىم جۇزەگە اسىرادى.

  اكىمشىلىك مەكەمەسىنىڭ ورىنباسار باس حاتشىسى چىن گاڭ مىنالاردى ٴبىلدىردى: «جۇڭگو ساياحات كۇنى» سىندى جالپى حالىق ات سالىساتىن، جالپى حالىق يگىلىككە كەنەلەتىن ساياحاتتى ۇگىتتەۋ، جالپىلاستىرۋ جانە دامۋ كۇنىندە وسى رەتكى قيمىلدى وتكىزۋدەگى ماقسات ٴتىپتى دە كوپ ادامدى جالپى وڭىرلىك ساياحاتتىڭ دامۋىنا ات سالىسۋعا ىنتالاندىرىپ، التاي ساياحات كاسىبىنىڭ دامۋ جەتىستىكتەرىنە بىرگە كۋا بولۋ جانە ودان بىرگە يگىلىكتەندىرۋ. سونىمەن بىرگە، ٴوز كولىگىمەن ساياحاتتاۋدى وراي ەتە وتىرىپ، التايدى ٴوز ىشىنە العان سولتۇستىك شينجياڭنىڭ ساياحات بايلىعىن بىرىكتىرىپ، ساياحات ونىمدەرى مەن جەلىسىن ونان ارى بايىتۋ، التاي ساياحاتىنىڭ تانىمالدىعىن ارتتىرىپ، ٴتىپتى دە كوپ ادامنىڭ التايدى تۇسىنۋىنە مۇمكىندىك جاساۋ، التايدى كەڭ كولەمدە ۇگىتتەۋ بولىپ تابىلادى. جاقىنعى جىلداردان بەرى، ايماعىمىز «ساياحات كاسىبىن نەگىزگى تۇلعا ەتۋدەن، ٴبىرىنشى كاسىپكە قوزعاۋشىلىق ەتۋدەن، ەكىنشى كاسىپتى بيىك كوتەرۋدەن» جازباي، ساياحات ارقىلى التايدى گۇلدەندىرۋ ستراتەگياسىن اتقاردى، «ٴۇش ٴوستى N اينالمالى» جازعى سارا ساياحات جەلىسىن ٴتۇيىندى تۇردە قالىپتاستىردى. مىڭ شاقىرىمدىق جەكە كورىنىس وڭىرلەرىن تۇتاستىرىپ، ساياحات كاسىبىن ۇزدىكسىز جانداندىرىپ، قىسقى ساياحاتتىڭ وراسان زور كومەسكى كۇشىن ۇزدىكسىز تۋىنداتىپ، جازعى ساياحاتتى ساپالىلاندىرىپ، كورىنىس وڭىرلەرىنىڭ قىزمەت وتەۋ قۇرىلعىلارى قۇرىلىسىن ىلگەرىلەتىپ، بۇكىل ەلدە «كىرشىكسىز ءوڭىر-قاناس، قارلى مەكەن-التاي»، «مىڭ شاقىرىمدىق ساياحات كاريدورى» ماركاسىن جاراتتى.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى