اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قابا اۋدانىندا جاڭادان اشىلعان حالىق كىرىسىن ارتتىرۋدىڭ كوشپەلى ”ءبيت بازارى“ ساۋدانى قىزدىرىپ، قوجايىندى قاربالاستىققا ءتۇسىردى، اۋىلداستاردى قۋانتتى

  ● ـــ بۇگىن قالاشىعىمىزدان ”ءبيت بازار“ اشىلدى. بۇل جەردە ساۋدا ىستەسەك ەشقانداي اقى المايدى، ونىڭ ۇستىنە، قاريدار وتە كوپ. كىرىس تە جامان ەمەس. اۋداندىق پارتكوم مەن ۇكىمەتتىڭ ءبىز ءۇشىن ىستەگەن بۇل جاقسى ىسىنە شىنايى العىس ايتامىن ـ دەدى كولىباي قالاشىعى تاسقالا 2 ـ قىستاعىنىڭ تۇرعىنى بىرلەس نيازقان قىزى.

  ● ـــ بازاردا تاۋار ءتۇرى وتە مول، تۇرمىسىمىزعا كوپتەگەن قولايلىلىق اكەلدى ـ دەدى كولىباي قالاشىعىنىڭ تۇرعىنى لي يۇيرۋ.

  ەرىكتى ءتىلشى ما ياپيڭ، ان شياۋجيە حابارلايدى. 5 ـ ايدىڭ 14 ـ كۇنى، قابا اۋدانى كولىباي قالاشىعىنىڭ باقىت جولىنداعى ”ءبيت بازار“رەسمي اشىلدى، 50 نەشە قىستاق تۇرعىنى بازاردا ساۋدا ىستەدى.

  ءتىلشى ”ءبيت بازار“ وسى قالاشىقتىڭ ءارقايسى قىستاعىنان كەلگەن ەگىنشى ـ مالشىلاردىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ ءبىرىنشى شۋجيىنىڭ باستاۋىندا قۇرت، كەستە بۇيىمى، اركى، جەرگىلىكتى تاۋىق جۇمىرتقاسى، گۇل ـ ءشوپ، جەمىس ـ جيدەك، كوكونىس جانە ءتۇرلى اياق كيىم، باس كيىم قاتارلى كۇندەلىكتى تۇتىنۋ بۇيىمىن ساتقاندىعىن كوردى.

  ـــ بۇگىن قالاشىعىمىزدان ”ءبيت بازار“ اشىلدى، بۇل جەردە ساۋدا ىستەسەك ەشقانداي اقى المايدى. ونىڭ ۇستىنە، قاريدار وتە كوپ، كىرىس تە جامان ەمەس. اۋداندىق پارتكوم مەن ۇكىمەتتىڭ ءبىز ءۇشىن ىستەگەن وسى جاقسى ىسىنە شىنايى العىس ايتامىن ـ دەدى كولىباي قالاشىعى تاسقالا 2 ـ قىستاعىنىڭ تۇرعىنى بىرلەس نيازقان قىزى.

  بازار اشىلىپ جارىم ساعاتقا جەتپەيتىن ۋاقىتتا ۇشتوبە قىستاعىنىڭ تۇرعىنى باقىتگۇل باعزي قىزىنىڭ ەسەباتىنا 100 يۋاننان استام كىرىس كىردى. باقىتگۇل بىلاي دەدى: كەيىن تاعى كەلەمىن، ءدامدى بال كۇلشەنى كوبىرەك دايىنداۋدان سىرت، تاعى ءبىراز ەرەكشە قولونەر بۇيىمدارىن الا كەلەمىن.

  ”ۇعىسۋ، تيىمدىلىك جاساۋ، توعىستىرۋ“ بويىنشا ۇشتوبە قىستاعىندا تۇراتىن قىزمەت اترەتىنىڭ مۇشەسى اراي ابدۇشۇكۇر قىزى بىلاي دەدى: بۇگىن اۋىلداستاردى ۇيىمداستىرىپ ”ءبيت بازارعا“ كەلدىك. تازا تابيعي اۋىل شارۋاشىلىق قوسىمشا ونىمدەرىن ساتۋدىڭ ونىمدىلىگى جاقسى بولدى. بۇدان بىلاي ءبىز كوپتەگەن قىستاق تۇرعىنىن ”ءبيت بازارعا“ بەلسەنە ارالاسۋعا جەتەلەپ، ونىمدەرىن ويداعىداي ساتۋعا، كىرىسىن ورنىقتى ارتتىرۋعا جەتەلەيمىز.

  ـــ بازارداعى تاۋار ءتۇرى وتە كوپ، تۇرمىسىمىزعا كوپتەگەن قولايلىلىق اكەلدى ـ دەدى كولىباي قالاشىعىنىڭ تۇرعىنى لي يۇيرۋ.

  ساربۇلاق قالاشىعىنىڭ ”ءبيت بازارىندا“ تۇلكىلى 2 ـ قىستاعى مەن ءۇشاشا قىستاعىنان كەلگەن كەدەيلەردى سۇيەمەلدەۋ جايماسى جۇرت نازارىن ايرىقشا اۋداردى. ەگىنشى ـ مالشىلاردىڭ قالىپتى ءوندىرىس ـ تۇرمىسىنا ىقپال جاساماۋ، ولاردىڭ كىرىسىن ارتتىرۋىنا كومەكتەسۋ ءۇشىن، قىستاقتا تۇراتىن قىزمەت اترەتى ەگىنشى ـ مالشىلاردىڭ جاساعان قولونەر بۇيىمدارى مەن ەرەكشە ءدامدى تاعامىن بازارعا شىعارىپ ساتقىزدى. بازار اشىلعان ءبىر ساعاتتا قىستاق تۇرعىنى ايگۇل وتباسىنىڭ قىمىزى ساتىلىپ بولىپ، 300 يۋان تازا كىرىس كىرگىزدى.

  ـــ ءبىز ءۇشاشا قىستاعىنداعى ارحيۆ تۇرعىزىلىپ كارتوچكالاندىرىلعان كەدەي وتباستارى جاساعان ءداستۇرلى ءدامدى تاعامداردان نان، سارى ماي، قۇرت، گۇل شىرىنىن اكەلدىك. ءونىم ساپاسى جاقسى بولعاندىقتان، كوپ وتپەي قىرۋار تاپسىرىس الدىق. بۇل ارحيۆ تۇرعىزىلىپ كارتوچكالاندىرىلعان كەدەي وتباسىلارىنىڭ كىرىستى ارتتىرىپ، اۋقاتتانۋ سەنىمىن اناعۇرلىم بەكەمدەدى. ەندى ءونىم ساپاسىن جوعارىلاتۋ جانە بارىنشا ۇگىتتەۋ جاعىنا كۇش سالىپ، مۇنان دا مول پايداعا قول جەتكىزەمىز ـ دەدى ساربۇلاق قالاشىعى ءۇشاشا قىستاعىنىڭ ءبىرىنشى شۋجيى ياڭ گۋاڭجين.

  نەبارى جارىم كۇندە ساربۇلاق قالاشىعى ءۇشاشا قىستاعىنىڭ جايماسى 20 ۇلكەن نان، 3 قۇمىرا بال، 2 كيلوگرام سارى ماي، 3 كيلوگرام قۇرت، 10 كىشكەنە نان ساتىپ الۋ تاپسىرىسىن قابىلداپ، ارحيۆ تۇرعىزىلىپ كارتوچكالاندىرىلعان كەدەي وتباسىلارى 1000 يۋان كىرىس كىرگىزدى.

  ۇعىسۋعا قاراعاندا، قابا اۋدانىنىڭ ”ءبيت بازارى“ دۇيسەنبىدەن جۇماعا دەيىن ءارقايسى اۋىل ـ قالاشىقتا الما كەزەك اشىلادى ەكەن. 6 ـ ايدىڭ سوڭىنا دەيىن 34 مايدان (رەت) وتكىزىلىپ، 30 رەتتەن ارتىق قاتىناسقان ساۋداگەرگە 1000 يۋاننان زات تاسىمال قوسىمشا قاراجاتىن بەرەدى ەكەن. بۇدان سىرت، بۇل اۋدان ءارقايسى اۋىل ـ قالاشىقتىڭ ”ءبيت بازارىن“ ءار كۇنى دەزينفەكسيالاپ، قوقىر ـ قوقسىقتى كۇنبە ـ كۇن تازالاپ، بازاردىڭ ءىشى ـ سىرتىنىڭ تازا، رەتتى بولۋىنا كەپىلدىك ەتۋدى تالاپ ەتكەن.

  ـــ اۋىل ـ قالاشىقتاردا كوشپەلى ”ءبيت بازار“ اشۋ ارقىلى ءبىر جاعىنان ىندەتتىڭ ەكونوميكاعا ىقپالىن باسەڭدەتسەك؛ ەندى ءبىرجاعىنان اۋىل ـ قالاشىق تۇتىنۋشىلارىنا قولايلىلىق جاراتامىز ءارى قىستاق تۇرعىندارىنىڭ سول جەردىڭ وزىندە، جاقىن ماڭدا كىرىستى ارتتىرىپ اۋقاتتانۋىنا مۇمكىندىك جاراتامىز. كەلەسى قادامدا ءبىز ”ءبيت بازارىن“ باقىلاپ ـ باسقارۋدى كۇشەيتىپ، تۇتىنۋشىلاردىڭ زاڭدى ۇقىق ـ مۇددەسىن شىنايى قامتاماسىزداندىرىپ، بازاردىڭ ورنىقتى، اقاۋسىز اينالىمىنا كەپىلدىك ەتەمىز ـ دەدى قابا اۋدانى حىدۇڭ بازار باقىلاپ ـ باسقارۋ بولىمشەسىنىڭ باستىعى ۋاڭ جىن.

  قابا اۋدانىنداعى قىستاق تۇرعىندارىنىڭ قوس قولىنان شىققان ءتۇرلى كەستە بۇيىمدارىنان سىرت، مايعا پىسىرىلعان ۇن تاعام، ىرىمشىك، نان، جاڭا سارى ماي، ايران قاتارلى ءدامدى تاعامدار دا بار. بۇگىنگى كۇندە پارتيانىڭ حالىققا ٴتيىمدى ساياساتىنىڭ سۇيەمەلدەۋىندە، قابا اۋدانىنىڭ ءارقايسى اۋىل ـ قالاشىقتارىنداعى ەگىنشى ـ مالشىلار ارت ـ ارتىنان سالاۋاتىن وزگەرتىپ، جاڭا ءوندىرىس ـ تۇرمىس ءتاسىلىن سىناپ كورۋدە. ولار ءتىل ۇيرەنىپ، قۇلشىنا ونەر يگەرىپ، ءبىر نيەتپەن ىنتىماقتاسىپ، كىرىسىن ارتتىرىپ، اۋقاتتانۋعا بەت الدى، كورىكتى اۋىل ـ قىستاق كۇن سايىن جاڭالانىپ، اۋىلداستاردىڭ تۇرمىسى دا ءماندى، دۋماندى بولۋدا.

جاۋاپتى رەداكتور : ءاننا اكىمقان قىزى