اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بۋىرشىن اۋدانى باي مازمۇندى ساياحات قيمىلىن وتكىزدى

  ۇسىنىس ەتىلگەن ءتىلشى لي حۇيليڭ مەن ەرىكتى ءتىلشى لو ياڭشۋە حابارلايدى. 5 ـ ايدىڭ 17 ـ كۇنى 2020 ـ جىلعى جۇڭگٶ شينجياڭ بۋىرشىن اقاۋسىز جۇگىرۋ قيمىلى وتكىزىلدى.

  باستالۋ سالتىنداعى تامىلجىعان مۋزيكا اۋەنى مەن مىڭ بۇرالعان ءبي قيمىلدىڭ دۋمانىن اسىردى. قيمىلعا قاتىناسۋشىلار الۋان تۇسكە بويالعان قول تابىن تام قابىرعاسىنا قالدىرىپ، بۋىرشىن اۋدانى ساياحاتىنىڭ دامۋىنا كۇش قوستى.

  قيمىل لەنياسى قىزىلقايىڭ ساياحاتقا قىزمەت وتەۋ ورتالىعىنان باستالىپ، بالعىندىنى باسىپ ٴوتىپ، اقكۇڭگەيتى قازاق ۇلتتىق سالت ـ سانا مادەنيەت باقشاسىنا دەيىن جالعاسادى، جالپى ارالىعى 8 كيلومەتر.

  ـــ مۇنداي جارىستى بۇرىن ـ سوڭدى كورمەپپىن، وتە تاماشا بولدى ـ دەدى قيمىلعا قاتىناسۋشى ۋ شياۋ.

  ـــ اۋاسى وتە تازا ەكەن، ەرەكشە كوڭىلدى بولدىق ـ دەدى ۇرىمجىلىك ساياحاتشى ليۋ شياۋجيان.

  تاياۋ جىلداردان بەرى، بۋىرشىن اۋدانى وڭىرلىك ساياحاتتان ۇلگى كورسەتۋ رايونىن قۇرۋدى وراي ەتىپ، ايماقتىڭ ”ساياحات كاسىبىن نەگىزگى تۇلعا ەتىپ، 1 ـ كاسىپتى جەتەلەۋ، 2 ـ كاسىپتى سۇيەمەلدەۋ“ وي جەلىسىندە تاباندى بولىپ، ساياحات ەكونوميكاسىن دامىتۋ كوزقاراسى مەن ۇلگىسىندە جاڭالىق اشتى، ”ءبىر ورتالىق، ءبىر قالا، ءۇش وزەن، التى جاعالاۋ، توعىز كوپىر، التى رايون، ون ءىرى ساياحات ءتۇرى“ كاسىپ ورنالاستىرۋىن كۇش سالا قۇردى.

  مادەنيەت پەن ساياحاتتىڭ توعىسپالى دامۋىن ىلگەرىلەتىپ، ساياحات ـ مادەنيەت ونىمدەرىن كوبەيتۋ، ساياحاتتىڭ سارا لەنياسىن اشۋ، نەگىزدىك قۇرىلعىنى كەمەلدەندىرۋ جاعىندا كۇش سالىپ، جاڭا ساياحات ٴتۇرىن جەتىلدىرىپ، ساياحاتشىلارعا بۋىرشىننىڭ كوركەم كورىنىسىن ايگىلەدى.

جاۋاپتى رەداكتور : ءاننا اكىمقان قىزى