اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ءتيىمدى ساياسات ارقىلى باۋراپ، ساياحاتشىلاردى شىنايى سۇيىسپەنشىلىكپەن قارسى الامىز

ـــ ايماقتىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسى پارتگرۋپپاسىنىڭ ورىنباسار شۋجيى، مەكەمە باستىعى ليۋ كىچۋانمەن سۇحپات

  التاي گازەتىنىڭ ءتىلشىسى حۋ جۇنشيۋ. ايماقتىق پارتكومنىڭ شۋجيى جاڭ يان ايماقتىق پارتكومنىڭ كەڭەيتىلگەن ماجىلىسىندە ”’ۇشتەن اۋىتقىماۋعا‘ تاباندى بولىپ، ’ۇشكە كەپىلدىك ەتۋدى‘ جۇزەگە اسىرىپ، اناعۇرلىم تىنىش، كورىكتى، باقىتتى جاڭا التاي قۇرۋ ءۇشىن قۇلشىنا كۇرەس جاسايىق“ دەگەن تاقىرىپتا قىزمەت بايانداماسىن جاسادى. جاقىندا، ءتىلشى”ۇشتەن اۋىتقىماۋعا“ تاباندى بولىپ، ”ۇشكە كەپىلدىك ەتۋدى“ جۇزەگە اسىرىپ، ءتۇرلى قىزمەتتەردى ءبىر تۇتاس جوسپارلاپ يگەرۋ، سونداي ـ اق ايماقتىق پارتكومنىڭ كەڭەيتىلگەن ءماجىلىسىنىڭ قاتىستى ورنالاستىرۋلارىن ۇيرەنۋ، دايەكتىلەندىرۋ، تياناقتاندىرۋ جونىندە ايماقتىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسى پارتگرۋپپاسىنىڭ ورىنباسار شۋجيى، مەكەمە باستىعى ليۋ كىچۋانمەن سۇحپاتتا بولدى.

  ءتىلشى: ايماقتىق پارتكومنىڭ كەڭەيتىلگەن ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى تانىمىڭىزدى ايتا كەتسەڭىز؟

  ليۋ كىچۋان: ايماقتىق پارتكومنىڭ كەڭەيتىلگەن ماجىلىسىندە ايماعىمىزدىڭ 2019 ـ جىلعى ءتۇرلى قىزمەت ناتيجەلەرىن تۇراقتاندىرىپ، 2020 ـ جىلى ءدوپ كەلگەن قيىنشىلىقتار مەن سايىستارعا وبيەكتيۆ تۇرعىدان تالداۋ جاسادى ءارى باس شۋجي شي جينپيڭنىڭ جاڭا تيىپتى ايدارشا ۆيرۋس وكپە قابىنۋ ىندەتىنەن ساقتانۋ ـ تىزگىندەۋ مەن ەكونوميكالىق، قوعامدىق دامۋ قىزمەتىن ءبىرتۇتاس جوسپارلاپ ىلگەرىلەتۋ ماجىلىسىندە سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىردى، ءتۇرلى قىزمەتتەردى ءبىر تۇتاس جوسپارلاپ، مىقتى يگەرىپ، ىندەتتەن ساقتانۋ ـ تىزگىندەۋدىڭ ۇزدىكسىز جاقسارۋ جاعدايىن بەكەمدەپ، ەكونوميكالىق جاعدايدى كۇش سالا وڭاۋ، كەدەيلىكتەن ارىلتۋدان قامال الۋدىڭ جەتىستىكتەرىن ءونىمدى بەكەمدەۋ جونىندە ناقتى جولدار مەن شارالاردى العا قويدى. 2020 ـ جىلعى ايماقتىڭ مادەنيەت جانە ساياحات قىزمەتىنە ورنالاستىرۋ جاساپ، شينجياڭنىڭ ىشكى ساياحاتىنىڭ ءتارتىپتى قالپىنا كەلۋىن، دامۋىن جەدەلدەتۋدى اناعۇرلىم كورنەكتى ورىنعا قويدى، ۇدايىلانعان ىندەتتەن ساقتانۋ ـ تىزگىندەۋ جاعدايىنداعى ايماقتىڭ ساياحات كاسىبىنىڭ دامۋى ءدوپ كەلگەن جاڭا جاعداي، جاڭا مىندەتتەردى جىعا تانىدى جانە يگەردى. سەنىمدى اناعۇرلىم بەكەمدەپ، تۇراقتىلىقتى ساقتاپ، جاۋاپكەرلىك ارقالاپ، ىسكەرلىك كورسەتۋ، ىندەتتەن ساقتانۋ ـ تىزگىندەۋدى بوساڭسىتپاي، ەكونوميكانىڭ جوعارى ساپالى دامۋىن ىلگەرىلەتۋدەن، ساياحات ارقىلى شينجياڭدى گۇلدەندىرۋ ستراتەگياسىن اتقارۋدان اۋىتقىماي، سىن ـ سايىستاردى قوزعاۋشى كۇشكە، ءتيىمسىز فاكتورلاردى ءتيىمدى فاكتورعا اينالدىرىپ، ىندەتتەن ساقتانۋ ـ تىزگىندەۋ توسقاۋىل شايقاسىنىڭ جەڭىسىنە جاپپاي قول جەتكىزۋمەن بىرگە، ساياحات ارقىلى شينجياڭدى گۇلدەندىرۋ شايقاسىن شىنايى ويداعىداي جۇرگىزىپ، التاي ساياحاتى دامۋىنىڭ جاڭا كوكتەمىن قارسى الۋعا كۇش سالامىز.

  ءتىلشى: ساياحات بازارىنىڭ ومىرشەڭدىك كۇشىن جەدەل قالپىنا كەلتىرۋ ءۇشىن، ايماق حاۋىپ ـ قاتەردەن وراي قاراستىرىپ، ءتيىمسىز جاعدايدا العا ۇمتىلىپ، ساياحات كاسىبىن نەگىزگى تۇلعا ەتكەن ەكونوميكانىڭ جوعارى ساپالى دامۋىن كۇش سالا ىلگەرىلەتۋ كەرەك دەپ ايقىن ورتاعا قويدى. ىندەتتەن ساقتانۋ ـ تىزگىندەۋ مەن ساياحاتتىڭ دامۋىن قالاي جۇزەگە اسىراسىزدار، ناقتى قىزمەتپەن ۇشتاستىرا وتىرىپ توقتالىپ وتسەڭىز؟

  ليۋ كىچۋان: ىندەتتەن ساقتانۋ ـ تىزگىندەۋ سىندى وسى ءبىر ارقاۋدى باستان ـ اياق شيراتىپ، ۇدايىلانعان ىندەتتەن ساقتانۋ ـ تىزگىندەۋ قىزمەتىن مىقتى، ناقتى، ەگجەي ـ تەگجەيلى يگەرىپ، ورتالىقتىڭ جاڭا تيپتى ايدارشا ۆيرۋس وكپە قابىنۋىنا توتەپ بەرۋ قىزمەتى باسشىلىق ەتۋ گرۋپپاسىنىڭ «ىندەتتەن ساقتانۋ ـ تىزگىندەۋمەن بىرگە، جۇمىستى، ءوندىرىستى قالپىنا كەلتىرۋدى بەلسەندى، ءتارتىپتى ىلگەرىلەتۋ جونىندەگى جەتەكشى پىكىرىنىڭ» تالابىنا ساي، كورىنىس رايوندارى ”مولشەرىن شەكتەپ اشۋ، الدىن الا كەلىسىپ اشۋ، ءتارتىپتى اشۋ، ارالىق ساقتاپ كىرۋ، ۋاقىتىن الشاقتاتىپ ساياحاتتاۋ“ قاتارلى شارالاردى قاتاڭ اتقارىپ جانە ەگجەي ـ تەگجەيلى تياناقتاندىرىپ، ءتۇيىندى رايونداردى جانە ماڭىزدى تۇيىندەردى مىقتى يگەرىپ، الدىن الا كەلىسۋ ءتۇزىمىن قولدانىپ، كورىنىس رايوندارىنىڭ ساياحاتشى مولشەرىن ۇيلەسىمدى تىزگىندەپ، اقى الاتىن كورىنىس رايوندارىنىڭ تيىمدىلىك جاساۋ قيمىلدارىن ۇقىپتىلىقپەن تەكسەرىپ باعالايمىز ءارى تىزگىندەۋ، باسقارۋ تەبىنىن كۇشەيتىپ، شۇعىل جاعدايعا توتەپ بەرىپ، زەردەلى كورىنىس رايونى قۇرىلىسىن كەمەلدەندىرەمىز، قۋزاۋ، تەكسەرۋدى كۇشەيتىپ، ساياحاتشىلاردىڭ شەكتەن تىس شوعىرلانۋىنان ساقتانىپ، كورىنىس رايوندارىنىڭ، كورىنىس تۇيىندەرىنىڭ جاپپاي، ءتارتىپتى اشىلۋىنا شىنايى كەپىلدىك ەتىپ، ساياحاتشىلاردىڭ دەنساۋلىق اقاۋسىزدىعىن شىنايى قورعايمىز.

  بيىل ”1 ـ مامىر“ دەمالىسىندا شينجياڭنىڭ ىشىندەگى ساياحاتقا نازار اۋدارىپ، باۋراۋ قۋاتىن كۇشەيتۋدى، رازى قىلۋدى نەگىزگى قامال الۋ باعىتى ەتىپ، ىرىقتىلىقپەن شابۋىلعا ءوتىپ، ىرىقتىلىقپەن ىسكەرلىك كورسەتىپ، شينجياڭ ىشىندەگى بازاردى قاداعالادىق، 6 جازعى ساياحات لەنياسىن، 100 يۋاندىق ەرەكشە ءتيىمدى ”اتا مەكەندى ساياحاتتاۋ“ سارا ساياحات لەنياسىن جانە جەكە اۆتوكولىگىمەن ساياحاتتاۋدىڭ 16 لەنياسىن اشىپ، ساياحاتشىلاردى بازار ءتاسىلى ارقىلى باۋراپ، ءتيىمدى ساياسات ارقىلى ساياحاتشى شاقىرىپ، شىنايى سۇيىسپەنشىلىك ارقىلى ساياحاتشىلاردى قارسى الدىق. شينجياڭداعى اناعۇرلىم كوپ ساياحاتشىنى التايعا ساياحاتتاۋعا باۋراپ، التايلىقتاردى التايدى ساياحاتتاۋعا شابىتتاندىرىپ، ساياحات كاسىبى دامۋىنىڭ تىڭ جەڭىسىنە قول جەتكىزۋگە كۇش سالدىق.

  ءتىلشى: ساياحات بازارىن جەدەل قالپىنا كەلتىرۋ ءۇشىن، ايماعىمىز قانداي ءتيىمدى ساياساتتى العا قويدى؟

  ليۋ كىچۋان: ءبىرىنشى، تاراۋلار الدىمەن ات سالىسىپ، كادرلار باستاماشى بولادى. تاراۋلار (ورىندار) قالىپتى قىزمەتتى قامتاماسىزداندىرۋ العى شارتىندا كادرلار مەن جۇمىسشى ـ قىزمەتكەرلەردى سىرتتان كەلگەن تۋىس ـ تۋعان، دوس ـ جاراندارىمەن بىرگە التايدى ساياحاتتاۋعا جوسپارلى تۇردە ۇيىمداستىرىپ، مەكەمە ـ ورىنداردىڭ ۇيىمداستىرۋ قۋاتىن كۇشەيتەمىز. ەكىنشى، ساياسات ارقىلى جەتەكشىلىك ەتىپ، كاسىپورىندار باستاماشى بولادى. التاي ايماعىنىڭ ساياحاتشىلارعا ارنالعان 10 ءتۇرلى ءتيىمدى ساياساتىن العا قويىپ، ”A دارەجەلى كورىنىس رايوندارىندا ەسىك بەلەتىنە تيىمدىلىك جاساۋ، ساياحات تۇتىنۋ كارتوچكاسى، ماي قۇيۋ بەلەتى، ۇشاقپەن ساياحاتتاعاندارعا تيىمدىلىك جاساۋ، 6 يۋاندىق ۇشاق بەلەتى، تەگىن جاتار ورىن قيمىلى، كورىنىس رايونىنداعى اۆتوكولىك اقىسىن %70 ارزانداتۋ، A5 دارەجەلى كورىنىس رايوندارىن جەكە اۆتوكولىكپەن ساياحاتتاۋ، ساياحات ورىندارىن شابىتتاندىرۋ قوسىمشا قاراجاتىن بەرۋ، 99 يۋاندىق اتا مەكەندى ساياحاتتاۋ قيمىلى“ قاتارلى قۇنى 200 ميلليون يۋاندىق ءىرى ساۋعانى دايىندادىق. ءۇشىنشى، قاتىناسقا قىزمەت وتەۋدى قامتاماسىزداندىرۋ تەبىنىن كۇشەيتتىك. شينجياڭ ىشىندەگى ايماق، وبلىس، قالالاردان التايعا قاتىنايتىن اۋە جولىن اشامىز، قازىرگە دەيىن تۇراقتاندىرىلعان 3 اۋە جولى ماۋسىم وزگەرىسىنەن كەيىن ىسكە قوسىلادى؛ ”ءبىر يۋاندىق“قاتىناس ينجەنەرياسىن ىسكە قوسىپ، اۋدان اراسىنداعى ”ءبىر يۋاندىق“ الەۋمەتتىك قاتىناستى تۇتاستىرىپ، ”ءبىر يۋاندىق“ قاتىناستى كورىنىس رايوندارىنىڭ كورىنىس تۇيىندەرىنە دەيىن جەتكىزىپ، اۋىل ـ قالاشىقتاعى بۇقارانىڭ التايدى ساياحاتتاۋىنا قولايلىلىق جاراتامىز؛ التايدىڭ 3 اۋەجايىنان، پويەز بەكەتىنەن قاناس، كوكتوعاي قاتارلى ءتۇيىندى كورىنىس رايوندارىنا تىكە قاتىنايتىن اۆتوكولىكتى ىسكە قوسىپ، ۇشاققا، پويەزعا وتىرىپ التايعا كەلگەن ساياحاتشىلاردىڭ كورىنىس رايوندارىنا تىكە جەتۋىنە كەپىلدىك ەتەمىز. ءتورتىنشى، ۇگىتتەۋ ـ تانىستىرۋدى كۇشەيتەمىز. ”سىرتقا شىعىپ“ ساياحاتشىلاردى باۋرايمىز، ايماق ساياحاتشى قابىلدايتىن 15 گرۋپپانى ءبىر تۇتاس ۇيىمداستىرىپ، اۋدان دارەجەلى باسشىلار ۇيىرمە باستاپ، شينجياڭ ىشىندەگى ايماق، قالا، وبلىستارعا، سونداي ـ اق ءتۇيىندى اۋداندارعا بارىپ، ساياحاتشىلاردى قابىلداۋ ساياساتىن جاريالاپ، التايدىڭ ساياحات بايلىعىن ۇگىتتەپ، بازار ءتاسىلى ارقىلى ساياحاتشىلاردى التايعا كەلۋگە باۋرايمىز. 5 ـ ايدىڭ 19 ـ كۇنى ”جۇڭگٶ ساياحات كۇنى“، ايماق ”مادەنيەت پەن ساياحاتتى توعىستىرىپ، كوركەم بولاشاق جاراتايىق“ دەگەن تاقىرىپتاعى 2020 ـ جىلعى ”جۇڭگٶ ساياحات كۇنى“ شينجياڭ التاي ايماعىنىڭ ”مىڭ شاقىرىمدىق ساياحات كاريدورى، 100 اۆتوكولىكتىڭ ساياحات ساپارى“ قيمىلىن وتكىزدى. ساياحاتشىلار 5 ـ ايدىڭ 18 ـ كۇنى ءۇرىمجى قالاسىنان شىعىپ ۇشكول، كوكتوعاي، ۇلىڭگىر كولى، اققايىڭ باقشاسى، اقتۇبەك كەرىشى، قوم، قاناس، اققابا، اققايىڭ كورىنىس رايونى، قويتاس قاتارلى كورىنىس تۇيىندەرىن جەكە اۆتوكولىگىمەن ساياحاتتاپ، التايدىڭ مىڭ شاقىرىمدىق ساياحات كاريدورىن تاماشالادى. وسى بارىستا اۋداندار (قالا، كورىنىس رايونى) جەرگىلىكتى ورىننىڭ ساياحات بايلىعىنا ساي جاياۋ ءجۇرۋ، ءدامدى تاعامدار جانە فوتو سۋرەتكە ءتۇسىرۋ باسەكەسى قاتارلى 40 قا جۋىق قيمىل وتكىزدى.

جاۋاپتى رەداكتور : ءاننا اكىمقان قىزى