اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي ءتيىمسىز جاعدايدا دا ساياحات كاسىبىن دامىتۋعا كۇش سالدى

ـــ ايماق ءتۇرلى شارا قولدانىپ ساياحات ەكونوميكاسىنىڭ ارتۋىن جەبەدى

  التاي گازەتىنىڭ ءتىلشىسى حۋ جۇنشيۋ حابارلايدى. ىندەتتەن ساقتانۋ ـ تىزگىندەۋ قىزمەتىنىڭ ءۇرتىس ىلگەرىلەۋىنە ىلەسە، ەكونوميكالىق، قوعامدىق ءتارتىپ بىرتە ـ بىرتە قالپىنا كەلە باستادى. ايماق ساياحاتتى نەگىزگى تۇلعا ەتۋدەن اۋىتقىماي، قوعام ورنىقتىلىعى مەن ىندەتتەن ساقتانۋ ـ تىزگىندەۋ الا كەلگەن ءتيىمدى جاعدايدان ويداعىداي پايدالانىپ، سەنىمدى، بەكىمدى كۇشەيتىپ، حاۋىپ ـ قاتەردى ىرىقتىلىقپەن ورايعا اينالدىردى، ايماقتىق پارتكومنىڭ كەڭەيتىلگەن ءماجىلىسى، ساياحات قىزمەتىن ىلگەرىلەتۋ ءماجىلىسى، ساياحات كاسىبىندە تيىمدىلىك جاساۋ ساياساتى اڭگىمە ءماجىلىسىن ىلگەرىندى ـ كەيىندى اشىپ، ىندەتتەن ساقتانۋ ـ تىزگىندەۋدى ۇدايىلاندىرۋ جاعدايىندا ساياحات قىزمەتىنە جوبا جاساپ، ورنالاستىردى، ”ساياحات كاسىبىن نەگىزگى تۇلعا ەتۋ، 1 ـ كاسىپتى جەتەلەۋ، 2 ـ كاسىپتى سۇيەمەلدەۋدى“جەبەپ، ساياحاتتى نەگىزگى تۇلعا ەتكەن ەكونوميكانىڭ جوعارى ساپالى دامۋىن بار كۇشپەن ىلگەرىلەتتى.

  وتە ـ موتە، سوڭعى كەزدەردەن بەرى، ايماق ”مەرزىمگە ءبولىپ ۋادەلەسۋ“، ”ساياحاتشىلاردى التايعا ساياحاتتاۋعا باۋراۋ“سىندى 10 ءىرى ءتيىمدى ساياساتتى، ”ءبىر يۋاندىق ساياحات اۆتوكولىگى“ قاتارلى ءبىرسىپىرا ساياساتتىق شارالاردى ىركەس ـ تىركەس ورتاعا قويىپ، ساياحات ەكونوميكاسىن قايتا جانداندىردى. ساناققا نەگىزدەلگەندە، 5 ـ ايدىڭ 1 ـ كۇنىنەن 5 ـ ايدىڭ 5 ـ كۇنىنە دەيىن ايماق جيىنى 467 مىڭ 300 ساياحاتشى قابىلداپ، ساياحاتتاعى جالپى تۇتىنىلىم 346 ميلليون 150 مىڭ يۋان بولعان. مۇندا، قاناس كورىنىس رايونى 108مىڭ 400 ادام (رەت) ساياحاتشى قابىلداسا، كوكتوعاي كورىنىس رايونى37 مىڭ 400 ادام (رەت) ساياحاتشى قابىلدادى.

  جەلىدە مەرزىمگە ءبولىپ ۋادەلەسۋ حاۋىپسىز، ءتارتىپتى بولدى

  4 ـ ايدىڭ 20 ـ كۇنى قاناس جانە كوكتوعاي كورىنىس رايونى شينجياڭدا ”شينجياڭدىقتار شينجياڭدى ساياحاتتاۋ“ جەكەلەي جانە گرۋپپا ۇيىمداستىرىپ، جەلىدە ناقتى اتى ـ ءجونى بويىنشا مەرزىمگە ءبولىپ ۋادەلەسىپ، ساياحاتشىلاردى كورىنىس رايونىنا مەرزىمگە ءبولىپ، ارالىق ساقتاپ كىرگىزدى.

  ساياحات گرۋپپالارى مەن جەكە ساياحاتشىلار، ءسوزسىز، كورىنىس رايوننىڭ ۇكىمەت جاقٴۇنحات تەكشەسى ءنومىرى، پاليزى (شانا) تورابى، باتىس بولەكتى ساياحاتتاۋ تەكشەسى، ميتۋان، شيەچىڭ قاتارلى OTA تەكشەسى ارقىلى لەنيادا ناقتى اتى ـ جونىمەن مەرزىمگە ءبولىپ ۋادەلەسىپ، بەلەت ساتىپ الادى. كورىنىس رايونى ءار كۇنگى بەلەت ساتۋ جاعدايىنا نەگىزدەلىپ، كىرۋ ۋاقىتىن ۇيلەسىمدى ورنالاستىرادى.

  ىندەتتەن ساقتانۋ ـ تىزگىندەۋدىڭ، ورنىقتىلىق قىزمەتىنىڭ مۇلدەم حاۋىپسىزدىگىنە كەپىلدىك ەتۋ ـــ ساياحات قىزمەتىنىڭ ءتىپتى، بارلىق قىزمەتتىڭ العى شارتى. ايماق ءارقايسى كورىنىس رايوندارىنىڭ ”شەكتى مولشەردە اشىق ۇستاۋ، ۋادە بويىنشا اشىق ۇستاۋ، ءتارتىپتى اشىق ۇستاۋ، (باسى 1 ـ بەتتە) باقشاعا ارالىق قالدىرىپ كىرگىزۋ، كەزەكپەن ساياحاتتاۋ“ قاتارلى شارانى قاتاڭ اتقارىپ، ءتۇيىندى وڭىرلەر مەن بۋىنداردى باسقارۋ، اتقارۋدى ۋادەلەسۋ ءتۇزىمىن ىلگەرىلەتۋ، كورىنىس رايونىنداعى ادامداردىڭ مولشەرىن لايىقتى تىزگىندەۋ، شۇعىل جاعدايعا قاراي مانەۆر وتكىزۋ قاتارلى قىزمەتتەردى كۇش سالا ويداعىداي يگەردى. كورىنىس رايونى مەن كورىنىس تۇيىندەرى قىزمەتكەرلەردىڭ قىزمەتكە شىعۋ الدىندا دەنە تەمپەراتۋراسىن ولشەپ، قىزمەت ورنى، جەكەنىڭ تازالىعى جانە ساياحاتقا قىزمەت وتەۋ زالى، رايون ارالىعىنداعى اۆتوكولىك قاتارلى الەۋمەتتىك ورىنداردى مەرزىم سايىن مۇقيات دەزينفەكسيالاپ، كورىنىس رايونىنىڭ جاپپاي، ءتارتىپتى اشىق ۇستالۋىنا كەپىلدىك ەتتى.

  10 ءىرى ءتيىمدى ساياسات ارقىلى قولدادى

  4 ـ ايدىڭ 29 ـ كۇنى ايماق ”ساياحاتشىلاردى التايدى ساياحاتتاۋعا باۋراۋ“ ءتيىمدى ساياساتىن جاريالاۋ ءماجىلىسىن اشتى. جاريالاۋ ءماجىلىسى ايماق بەلگىلەگەن «التاي ايماعىنىڭ ”ساياحاتشىلاردى التايدى ساياحاتتاۋعا باۋراۋدىڭ“ 10 ءتۇرلى ءتيىمدى ساياساتىنا» ساي، ءارقايسى اۋداندىق (قالالىق) مادەنيەت ـ ساياحات مەكەمەسىن، شينجياڭ التاي ساياحاتىن دامىتۋ توبى شەكتى سەرىكتەستىگىن جانە ءارقايسى ءىرى ساياحات ورىندارىن بىرلىكتە سىرتقا تانىستىرۋعا ۇيىمداستىردى.

  ”ساياحاتشىلاردى التايدى ساياحاتتاۋعا باۋراۋدىڭ“ 10 ءتۇرلى ءتيىمدى ساياساتى قاقپا بەلەتىن ازايتۋ، كەشىرىم ەتۋ، تۇتىنۋ بەلەتىن تاراتۋ، جاتاققا جاتۋ قوسىمشا قاراجاتىن بەرۋ، ساياحات ورىندارىنا قوسىمشا قاراجات بەرۋ، جەكە اۆتوكولىگىمەن ساياحاتتاعانداردى سيلاۋ، ”اۆياتسيا + ساياحات“ قوسىمشا قاراجاتى، ”تەمىر جول + ساياحات“ قوسىمشا قاراجاتى قاتارلى جاقتاردا ساياحاتشىلارعا تيىمدىلىك جەتكىزۋ ارقىلى ءتيىمدى ساياساتتان پايدالانىپ اناعۇرلىم كوپ ساياحاتشىنى التايعا ساياحاتتاۋعا باۋراپ، ساياحات تۇتىنىلىمىن جەبەدى.

  مۇندا، 5 ـ ايدىڭ 1 ـ كۇنىنەن 6 ـ ايدىڭ30 ـ كۇنىنە دەيىن ايماقتاعى A دارەجەلى 32 كورىنىس رايونى قاقپا بەلەتى كەشىرىم ەتەدى؛ بۇكىل ەلدەگى ەمدەۋ قىزمەتكەرلەرى، حالىق ساقشىلارى، ەڭبەك ۇلگىلەرى، شينجياڭعا كومەككە كەلگەن كادرلار كورىنىس رايونىنا تۇتاس جىل بويى اقىسىز كىرەدى. سونىمەن بىرگە، لەنيادا جالپى سوماسى 10 ميلليون يۋان كەلەتىن 100 مىڭ دانا كورىنىس رايونىنا قىزمەت وتەۋ نىسانىنىڭ ەلەكتروندىق تۇتىنۋ بەلەتىن، ”ۇشاقپەن ساياحاتتاۋعا تيىمدىلىك جاساۋ“، ”6 يۋاندىق 10 مىڭ دانا ۇشاق بەلەتىن باسەكەلەستىرىپ ساتۋ“ قاتارلى تيىمدىلىكتەردى اتقاردى.

  ايماقتىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسىنىڭ ورىنباسار باستىعى نيە پيڭ تىلشىگە: 10 ءىرى ءتيىمدى ساياسات ايماقتىڭ ساياحات كاسىبىنىڭ دامۋىنا كۇش قوستى. ايماقتىق مادەنيەت ـ ساياحات كاسىبى ءبىر نيەتپەن سەلبەسىپ، ءارقايسىسى ءوز ابزالدىلىعىن ساۋلەلەندىرىپ، دوستاسىپ،تۋىستاسقاندارمەن بىرگە ساياحاتتاۋ، توڭكەرىستىك تاربيە ورىندارىن ساياحاتتاۋ، دەمالا ءجۇرىپ كۇتىمدەلىپ ساياحاتتاۋ جانە تۋىستار، دوستار ساياحاتتاۋمەن بىرگە، دوۋيىن جانە اقپارات مەديالارى تەكشەسىنەن ويداعىداي پايدالانىپ، ءار ۇلت بۇقاراسىن ساياساتتىڭ ۇگىتشىلەرىنە اينالدىرامىز ـ دەدى.

  ۇگىتتەۋ، جالپىلاستىرۋ تەبىنىن كۇشەيتىپ، شينجياڭ ىشىندەگى بازاردى يەلەۋ ءۇشىن، ايماق ىرىقتىلىقپەن ىسكە كىرىسىپ، 4 ـ ايدىڭ 28 ـ كۇنى 15 ساياحاتقا باۋراۋ قىزمەت گرۋپپاسىن تاڭداپ جىبەرىپ، شىعىس، باتىس ٴوڭىر بىرلەسپە وداعى ارقىلى تانىستىردى. سونىمەن بىرگە، جاڭالىقتى، وزگەرىستەردى ۇستىنەن تاراتۋدان، ”كوكتەم گۇلى“ باعدارلاماسىنىڭ ۇستىنەن تاراتۋىنان پايدالانىپ، التاي ايماعىنىڭ ساياحات بايلىعىن، لەنياسىن، مەرەكەلىك قيمىلى قاتارلىلاردى تانىستىردى، كوكتەمدە گۇل تاماشالاۋ، جەكە اۆتوكولىگىمەن ساياحاتتاۋ، تابيعاتتى تاماشاۋ قاتارلى ءتۇرلى سارا لەنيانى جولعا قويىپ، ”جەر ءجانناتى ـــ قاناس، قارلى مەكەن ـــ التاي“ ايگىلى ماركاسىنىڭ ىقپال كۇشىن ارتتىرىپ، التاي ساياحاتىنىڭ تۇلعالىق وبرازىن جاقسارتتى.

  پويەزبەن اتا مەكەندى ساياحاتتاۋ ايرىقشا قولايلى بولدى

  بالاسىن ەرتىپ بۋرىلتوعايعا سەرۋەندەي بارعان ۋاڭ مي ەسىمدى قالا تۇرعىنى تىلشىگە: پويەزبەن التاي جانە بۋرىلتوعايدى ساياحاتتاۋ ءارى قولايلى ءارى حاۋىپسىز بولدى ـ دەدى.

  التاي ـــ بەيتۇن ـــ بۋرىلتوعاي ارالىق ساياحات پويەزىنىڭ قاتىناۋى ـــ ايماقتىڭ ساياحات كاسىبىن دامىتۋدىڭ ماڭىزدى شاراسى. ەجەلدەن بەرى، ايماق شينجياڭدى ساياحات ارقىلى گۇلدەندىرۋ ستراتەگياسىن اتقارۋ ورايىن مىقتى يگەرىپ، ساياحات نەگىزدىك قۇرىلعىلارى جاعىنداعى ولقىلىقتى تولىقتاپ، ”تەز جەتىپ، اقىرىن ساياحاتتاۋداي“ ساياحات قاتىناس جۇيەسىن قۇردى.

  ءتىلشى مىنانى ۇعىستى: بۇقارانى رەفورما تابىسىنان يگىلىكتەندىرۋ ءۇشىن، ايماق اۋدانداردا ”ءبىر يۋاندىق“ الەۋمەتتىك قاتىناس بەكەتىن قۇرىپ، ءبىر يۋاندىق اۆتوبۋزدى ءارقايسى كورىنىس رايونى، كورىنىس تۇيىندەرىنە دەيىن جالپىلاستىرىپ، اۋىل ـ قالاشىقتاعى بۇقارانىڭ التايدى ساياحاتتاۋىنا قولايلىلىق جاراتتى. سونىمەن بىرگە، اۋە جايدان، پويەز بەكەتىنەن قاناس، كوكتوعاي قاتارلى ءتۇيىندى كورىنىس تۇيىنىنە باراتىن 3 قىزمەت وتەۋ اۆتوكولىگىن قاتىناتىپ، ۇشاققا، پويەزگە وتىرىپ كەلگەن ءاربىر ساياحاتشىنى كورىنىس رايونىنا توتە جەتكىزۋگە كەپىلدىك ەتتى.

  ايماقتىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسى پارتگرۋپپاسىنىڭ ورىنباسار شۋجيى، مەكەمە باستىعى ليۋ كىچۋان تىلشىگە: التاي شينجياڭداعى ساياحاتتى تۇلعالىق كاسىپ ەتكەن بىردەن ـ ءبىر ايماق بولعاندىعى سەبەپتى، تۇتىنۋدىڭ تىڭ جاعدايىن ءداپ باسىپ يگەرىپ، ساياحاتشىلاردى اناعۇرلىم قولايلى، جانعا جايلى ساياحات ورتاسىمەن قامداۋىمىز كەرەك ـ دەدى.

جاۋاپتى رەداكتور : ءاننا اكىمقان قىزى