اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قادەن كابەن ۇلى ايماقتىڭ ازىق ـ تۇلىك حاۋىپسىزدىگى قىزمەتىنە ناق مايداندا تەكسەرۋ ـ زەرتتەۋ جۇرگىزدى

  التاي گازەتىنىڭ ءتىلشىسى ياڭ ۋيشۋان حابارلايدى. 5 ـ ايدىڭ 17 ـ كۇنى، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى قادەن كابەن ۇلى ايماقتىڭ ازىق ـ تۇلىك حاۋىپسىزدىگى قىزمەتىنە ناق مايداندا تەكسەرۋ ـ زەرتتەۋ جۇرگىزدى، ايماقتاعى، قالاداعى قاتىستى تاراۋلارداعى (ورىندارداعى) جاۋاپتى جولداستار تەكسەرۋ ـ زەرتتەۋدە بىرگە بولدى.

  قادەن كابەن ۇلى قاتارلىلار ايماقتىق اۋىل شارۋاشىلىعى، اۋىل ـ قىستاق مەكەمەسىنىڭ اۋىل شارۋاشىلىق ونىمدەرى ساپاسىن تەكسەرۋ ورتالىعى، التاي قالالىق ازىق ـ تۇلىك مانەرلەۋ باقشاسى، التاي قالالىق ازىق ـ تۇلىك حاۋىپسىزدىگىنە ناق مايداندا تاربيەلەۋ بازاسى، ايماقتىق ازىق ـ تۇلىك، ءدارى ـ دارمەك تەكسەرۋ ورنى جانە ايماقتىق بازاردى باقىلاپ ـ باسقارۋ مەكەمەسىنە ىلگەرىندى ـ كەيىندى بارىپ، اۋىل شارۋاشىلىق ونىمدەرى جانە ازىق ـ تۇلىك، ءدارى ـ دارمەكتەردى تەكسەرۋ ـ ولشەۋ جابدىقتارىن، ورتا، شاعىن تيپتى اس ـ سۋ كاسىپورىندارىن باۋلۋ جانە “ينتەرنەت+اس ءۇي” باقىلاپ ـ باسقارۋ جۇيەسى قاتارلىلاردى ناق مايداندا كوزدەن كەشىردى، قىزمەتكەرلەردىڭ تانىستىرۋىن تىڭداپ، ازىق ـ تۇلىك ءوندىرىسى، باسقارۋ، باقىلاۋ قاتارلى احۋالداردى ىشكەرىلەي ۇعىستى.

  ازىق ـ تۇلىك حاۋىپسىزدىگى قىزمەتىنەن پىكىر اۋىستىرۋ اڭگىمە ماجىلىسىندە قادەن كابەن ۇلى ايماقتىق اۋىل شارۋاشىلىعى، اۋىل ـ قىستاق مەكەمەسى، بازاردى باقىلاپ ـ باسقارۋ مەكەمەسى قاتارلى تاراۋلاردىڭ (ورىنداردىڭ) ازىق ـ تۇلىك حاۋىپسىزدىگى قىزمەتىن ورىستەتۋ احۋالى جونىندە جاساعان دوكلادىن تىڭدادى. ول مىنانى تالاپ ەتتى: تاراۋلار (ورىندار) بۇدان كەيىنگى قىزمەت بارىسىندا يدەيالىق تانىمدى اناعۇرلىم تەرەڭدەتىپ، ساياسي دەڭگەيدى جوعارىلاتۋى، وتە ـ موتە، ازىق ـ تۇلىك حاۋىپسىزدىگى قىزمەتىندە ورىن تەپكەن ماسەلەلەر مەن ولقىلىقتارعا قاراتا ماسەلە بەتالىسىنان جازباي، مۇقيات زەرتتەپ، كوپتىڭ اقىل ـ پاراساتىن ساۋلەلەندىرىپ، ازىق ـ تۇلىك حاۋىپسىزدىگى قىزمەتىنىڭ تىڭ ساتىعا قادام تاستاۋىن ىلگەرىلەتۋى كەرەك.

  قادەن كابەن ۇلى بىلاي دەپ باسا دارىپتەدى: ءار دارەجەلى تاراۋلار (ورىندار) مىندەت جاۋاپكەرلىگىن ايقىنداپ، جاۋاپكەرلىكتى قاتاڭداستىرىپ، ايماقتىق پارتكوم مەن اكىمشىلىك مەكەمەسىنىڭ ازىق ـ تۇلىك حاۋىپسىزدىگى قىزمەتى جونىندەگى ءتۇرلى ورنالاستىرۋىن مۇقيات تياناقتاندىرۋى؛ ازىق ـ تۇلىك، ءدارى ـ دارمەكتى باقىلاپ ـ باسقارۋ قوسىنى قۇرىلىسىن كۇشەيتىپ، شينجياڭعا كومەك بەرەتىن ولكەلەرمەن بەلسەنە قارىم ـ قاتىناس جاساپ، ءار الۋان كاسىپتىك تاربيە كۋرسىن اشۋى؛ اقپارات مەديالارىنان تولىق پايدالانىپ، ۇگىت تەبىنىن كۇشەيتىپ، بۇقارانىڭ ازىق ـ تۇلىك حاۋىپسىزدىگىنەن حاباردار بولۋ مولشەرىن شىنايى ارتتىرۋى كەرەك. سونىمەن بىرگە، ازىق ـ تۇلىك حاۋىپسىزدىگىن باقىلاپ ـ باسقارۋ مەحانيزمىن اناعۇرلىم كەمەلدەندىرىپ، ازىق ـ تۇلىك حاۋىپسىزدىگىن باقىلاپ ـ باسقارۋ قىزمەتىن زاڭ ـ ەرەجە بويىنشا ويداعىداي ىستەپ، بۇقارانىڭ ازىق ـ تۇلىك حاۋىپسىزدىگىن قامتاماسىزداندىرۋ كەرەك.

جاۋاپتى رەداكتور : ءاننا اكىمقان قىزى