اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

اققايىڭ ورمان باقشاسى قۇستاردى، ەكولوگيانى قورعاۋدىڭ تاماشا ورتاسىن قالىپتاستىردى

ەكولوگيالىق وركەنيەت قۇرىلىسىن ىلگەرىلەتەيىك

  ءوز ءتىلشىمىز قۇرمانگۇل جەڭىسبەك قىزى حابارلايدى. ەكولوگيالىق ۇگىتتى ٴتىپتى دە كۇشەيتىپ، بۇقارانىڭ قۇستى ايالاۋ تانىمىن ٴوسىرۋ،التاي تاۋى ەكولوگيالىق جۇيەسىنىڭ تۇتاستىعىن قورعاۋ ماقساتىندا، 5-ايدىڭ 16-كۇنى التاي تاۋى مەملەكەت مەنشىگىندەگى ورماندى باسقارۋ مەكەمەسى بۋرىلتوعاي بولىمشە مەكەمەسى، التاي قالالىق پارتكوم كەڭسەسى جانە التاي قالالىق ورمان-توعاي قوعام حاۋىپسىزدىگى بولىمشە مەكەمەسى «جەر شارى تىرشىلىك ورتاق تۇلعاسىن قول ۇستاسا بىرگە قۇرۋدى » نەگىزگى تاقىرىپ ەتكەن جاراتىلىستىق تاربيە «اققايىڭ ورمان باقشاسى كورىنىسى» جەلىلەس قيمىلىن بىرگە وتكىزدى.

  قيمىلدا، قىزمەتكەرلەر ناق مايداندا كەرمە تۋ اسىپ، قۇستاردى ايالاۋ، جابايى حايۋاناتتاردى قورعاۋ سياقتى مازمۇنداعى ۇگىت قاعازىن تاراتۋ سياقتى تاسىلدەر ارقىلى بۇقاراعا جابايى حايۋاناتتاردى قورعاۋعا قاتىستى بىلىمدەردى جالپىلاستىردى. سونىمەن بىرگە كەپتەرگە جەم شاشۋ، حايۋاناتتاردى سىزۋ، ويىن ويناۋ سياقتى قيمىلداردى وتكىزۋ ارقىلى كوپشىلىكتى ٴىس جۇزىندىك ارەكەتتەرى ارقىلى قۇستاردى، جاسىل مەكەندى قورعاۋعا ۇندەدى.

  التاي قالاسىنىڭ تۇرعىنى لي ميلي بىلاي دەدى : تابيعاتتى قورعايتىن مۇنداي قيمىل ەرەكشە ماڭىز الادى. بالا تابيعاتپەن ەتەنە بولىپ، حايۋاناتتاردى، قۇستاردى ايالاۋدىڭ ماڭىزدىلىعىن بىلەدى. وسى قيمىل ارقىلى بالالارىمىزعا اينالامىزداعى كىشكەنە حايۋاناتتاردىڭ دا ادامزاتتىڭ ايالاۋى مەن كوڭىل ٴبولۋىن قاجەت ەتەتىنىن ۇعىندىردىق.

  قيمىلدىڭ وتكىزىلۋى ءتىپتى دە كوپ ادامدى جانۋارلارعا نازار اۋدارۋعا، «قۇستاردى ايالاپ، ەكولوگيانى قورعاۋعا» ۇندەدى. ەكولوگيانى قورعاۋ بۇكىل قوعامنىڭ ورتاق تانىمىنا اينالىپ، جابايى حايۋاناتتاردى قورعاۋ تاماشا ٴمورالعا، تاماشا قوعامدىق سالتقا اينالدى، التايدىڭ اسپانىنىڭ اشىق، سۋىنىڭ تۇنىق، تاۋىنىڭ ٴتىپتى دە جاسىل، ادام مەن تابيعاتتىڭ ٴتىپتى دە جاراسىمدى بولۋىن ىلگەرىلەتتى.

  التاي تاۋى مەملەكەت مەنشىگىندەگى ورماندى باسقارۋ مەكەمەسى بۋرىلتوعاي بولىمشە مەكەمەسى ورمان قورعاۋ ٴبولىمىنىڭ باستىعى جوۋ شينپيڭ بىلاي دەدى: ەكولوگيالىق ورتانى قورعاۋدا بارلىق ادامنىڭ جاۋاپكەرشىلىگى بار، قۇستار بايلىعى تۇتاس التاي تاۋى ەكولوگياسىنىڭ جانى. قۇستاردى قورعاۋ تانىمىن بالا كەزدەن باستاۋ كەرەك، وتباسىنان، تۇتاس قوعامنىڭ الەۋمەتتىك تانىمىنان باستاپ ىسكە كىرىسۋ ءتيىس، وسىنداي قيمىلداردى وتكىزۋ ارقىلى كوپشىلىكتىڭ قۇستاردى، تابيعاتتى قورعاۋ ساناسىن وياتىپ، بالالاردى ۇلى تابيعاتقا ورالتىپ، بالالاردىڭ تابيعاتتى قىزۋ سۇيەتىن، تابيعاتتى قۇرمەتتەيتىن رۋحتى جەتىلدىرۋىنە جەتەكشىلىك ەتۋ كەرەك.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى