اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جەمەنەي اۋدانىنىڭ قويتاس كورىنىس رايونى ون مىڭ سۋىردىڭ «مەكەنى» بولدى

       تاياۋدان بەرى، جەمەنەي اۋدانى قويتاس كورىنىس رايونىندا  سۋىرلار كوپتەپ بوي  كورسەتىپ، بۇل ارا سۋىرلاردىڭ كوڭىلدەگىدەي مەكەنىنە اينالدى.

        جەمەنەي اۋدانى قويتاس كورىنىس رايونى مادەنيەت ساياحات شەكتى سەرىكتىگىنىڭ باس جوراسى گو شاۋجياڭ تانىستىرىپ بىلاي دەدى : بۇكىل ساۋىر تاۋىنداعى سۋىرلاردىڭ سانى 10 مىڭنان اسادى،  «سۋىر پاتشالىعى» دەپ اتاۋعا بولادى. ساياحاتشىلار قويتاس كورىنىس رايونىن تاماشالاۋمەن بىرگە، سۋىرلاردىڭ بەينەسىن كورىپ ءماز بولادى.

        جاقىن جىلداردان بەرى،  جەمەنەي اۋدانى كورىنىس رايونىنىڭ ەكولوگيالىق ورتاسىن قورعاۋدى كۇشەيتتى. كورىنىس رايونىنىڭ ەكولوگيالىق ورتاسى بارعان سايىن جاقسارىپ، سۋىرلارعا تاماشا تىرشىلىك ورتاسىن جاراتىپ بەردى. سۇيكىمدى سۋىرلار  كەلگەن ساياحاتشىلاردىڭ كوڭىلىن كوتەردى.

      ءۇرىمجى قالاسىنان كەلگەن ساياحاتشى جوۋ حانىم بىلاي دەدى:  بۇل مەنىڭ قويتاس كورىنىس رايونىنا تۇڭعىش رەت كەلۋىم، بۇل ارانىڭ  ايبىندى كورىنىسى مەنى تاڭ قالدىردى.  ساحارادا   سۋىرلاردى كورىپ كوڭىلىم  كوتەرىلىپ قالدى،  وتە سۇيكىمدى ەكەن.    قاربالاس جۇمىس ارەدىگىندە وسى اراعا ساياحاتتاي كەلىپ كوڭىل-كۇيىمىز ءبىر جادىراپ قالدى.

         جاقىنعى جىلداردان بەرى، جەمەنەي اۋدانى جابايى حايۋاناتتاردى  قورعاۋدى  جانە زاڭسىز اڭ اۋلاۋ ارەكەتىنە سوققى بەرۋدى كۇشەيتۋ جاعىندا تاماشا ونىمدىلىككە قول جەتكىزىپ، ەكولوگيالىق ورتا زور دارەجەدە جاقساردى. جايىلىم اۋماعى 9 ميلليون 240 مىڭ مۋعا جەتتى. ورمان اۋماعى دا ٴبىر ميلليون 300 مىڭ مۋعا جەتىپ، تاماشا ەكولوگيالىق ورتا جاقسارىپ  كوپتەگەن جابايى حايۋاناتتاردىڭ مەكەنىنە اينالدى.

   

    جەمەنەي اۋداندىق جاراتىلىستىق بايلىق مەكەمەسى ورمان بايلىعىن باسقارۋ ٴبولىمىنىڭ قىزمەتكەرى ەربول اسقات ۇلى  بىلاي دەدى :    قازىر 80 نەشە ءتۇرلى جابايى حايۋانات اۋدانىمىزدا تىرشىلىك ەتىپ، كوبەيىپ كەلەدى، سۋىر وسى حايۋاناتتاردىڭ ىشىندەگى كوپ كەزدەسەتىن ءبىر  ٴتۇرى. 

اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى