اعاجاي-التاي تورابى   ›   اقپارات ايدىنى   ›   احپارات اعىمى

ۇزاق جورىق 5 - ءنومىرلى B تاسىمال راكەتاسىن العاشقى ۇشىرۋ تابىستى بولدى

ەلىمىزدىڭ عارىشقا ادام الىپ ۇشۋ ينجەنەرياسىنىڭ ”ءۇشىنشى قادامداعى“ مىندەتى باستالدى

ۇزاق جورىق 5 - ءنومىرلى B تاسىمال راكەتاسىن العاشقى ۇشىرۋ تابىستى بولدى

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى تەلەگرامما جولداپ قۇتتىقتادى

5 - ايدىڭ 5 - كۇنى ەلىمىزدىڭ ادام الىپ ۇشاتىن عارىش پۋنكتى ينجەنەرياسى ءۇشىن زەرتتەپ جاساعان ۇزاق جورىق 5 - ءنومىرلى B تاسىمال راكەتاسىنىڭ حايناننىڭ ۋىنچاڭىنداعى العاشقى ۇشىرىلۋى تابىستى بولىپ، ەلىمىزدىڭ عارىشقا ادام الىپ ۇشۋ ينجەنەرياسىنىڭ ”ءۇشىنشى قادامداعى“ مىندەتىنىڭ شىمىلدىعىن رەسمي اشتى. □ شينحۋا اگەنتتىگى تاراتقان (تۋ حايچاۋ تۇسىرگەن)

  شينحۋا اگەنتتىگىنىڭ 5 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ ۇزاق جورىق 5 - ءنومىرلى B تاسىمال راكەتاسىن العاشقى ۇشىرۋ مىندەتىنىڭ تولىق تابىستى بولعاندىعى بايلانىسىمەن جولداعان قۇتتىقتاۋ تەلەگرامماسى.

عارىشقا ادام الىپ ۇشۋ ينجەنەرياسى عارىش پۋنكتى كەزەڭدىك ۇشىرۋ مىندەتى باس قولباسشىلىق شتابىنا، سونداي - اق ۇزاق جورىق 5 - ءنومىرلى B تاسىمال راكەتاسىن العاشقى ۇشىرۋ مىندەتىنە قاتىناسىپ، زەرتتەۋ، سىناق ەتۋ جۇمىسىنا ات سالىسقان ءارقايسى ورىندارعا جانە جالپى جولداستارعا:

  ۇزاق جورىق 5 - ءنومىرلى B تاسىمال راكەتاسىنىڭ العاشقى ۇشىرۋ مىندەتى ورىستەتىلگەننەن بەرى، زەرتتەۋ، سىناق ەتۋ جۇمىسىنا ات سالىسقان ءارقايسى ورىندار جانە جالپى جولداستار ىنتىماقتاسا ەرلىكپەن شايقاسىپ، قيىندىقتى بىلەك بىرىكتىرە جەڭىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالى سياقتى قات - قابات قيىنشىلىقتاردى ءساتتى جەڭىپ، العاشقى ۇشىرۋ مىندەتىنىڭ تولىق تابىستى بولۋىنداي كەلەلى جەڭىسكە قول جەتكىزدى، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى سىزدەردى قىزۋ قۇتتىقتايدى جانە سىزدەردەن ىقىلاستى حال سۇرايدى!

  ۇزاق جورىق 5 - ءنومىرلى B تاسىمال راكەتاسىن العاشقى ۇشىرۋ مىندەتىنىڭ تولىق تابىستى بولعاندىعى عارىش پۋنكتى كەزەڭدىك ۇشۋ مىندەتىنىڭ العاشقى شايقاسى ءساتتى جۇرگىزىلىپ، ەلىمىزدىڭ عارىشقا ادام الىپ ۇشۋ ينجەنەرياسىنىڭ ءۇشىنشى قادامداعى دامۋ ستراتەگياسىن جالپى بەتتىك جۇزەگە اسىرۋعا بەرىك نەگىز قالاعاندىعىن كورسەتتى. بۇل − ينجەنەريا تۇتاس جەلىسىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگوشا ەرەكشەلىككە يە دەربەس جاڭالىق اشۋ جولىمەن بۇلجىماي ءجۇرىپ، عارىش ىستەرىندە قۋاتتى ەل جانە عىلىم - تەحنيكادا دۇنيە جۇزىندەگى قۋاتتى ەل قۇرۋعا قۇلشىنۋدا قول جەتكىزگەن ەڭ جاڭا ناتيجەسى، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگو ارمانى مەن قۋاتتى ارميا قۇرۋ ارمانىن جۇزەگە اسىرۋ جولىندا تىنباي كۇرەس جۇرگىزۋگە قۇلشىنىپ، جاڭا داۋىردەگى جۇڭگوشا سوتسياليزم ىستەرىنىڭ جاڭا جاعدايىن ۇزدىكسىز اشۋعا ىنتالاندىراتىندىعى ءشۇباسىز. سىزدەر پارتيا مەن مەملەكەت ىستەرىنىڭ دامۋىنا ەلەۋلى ۇلەس قوستىڭىزدار، وتان مەن حالىق سىزدەرگە العىس ايتادى!

  ۇشى - قيىرسىز الەم جونىندە ىزدەنىس جاساۋدىڭ ماڭگى شەگى جوق، عىلىم - تەحنيكانىڭ شىڭىنا شىعۋدىڭ مىندەتى اۋىر، جولى ۇزاق. عارىشقا ادام الىپ ۇشۋ ينجەنەرياسىنىڭ سوڭعى مىندەتى جاپالى دا اۋىر، ءدوپ كەلەتىن قيىنشىلىقتار مەن سىناقتار قاتاڭ دا كۇردەلى. سىزدەردىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، ”ەكى بومبى، ءبىر جاساندى سەرىك“ رۋحىن جانە عارىشقا ادام الىپ ۇشۋ رۋحىن بارىنشا اسقاقتاتىپ، عارىش ىستەرىندە وتانعا قىزمەت ەتۋ جانە عىلىم - تەحنيكادا قۋاتتى ەل بولۋ ۇلى امالياتى بارىسىندا، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا ءىس تىندىرىپ، تاعى دا تىڭ ۇلەس قوسىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەس قوسۋلارىڭىزدى ءۇمىت ەتەمىز!

جۇڭگو كوممۋنيستىك پارتياسى ورتالىق كوميتەتى

مەملەكەتتىك كەڭەس

ورتالىق اسكەري ىستەر كوميتەتى

2020-جىلى 5-ايدىڭ 5-كۇنى

  شينحۋا اگەنتتىگىنىڭ 5 - ايدىڭ 5 - كۇنى حايناننىڭ ۋىنچاڭىنان بەرگەن حابارى (لي گولي، شياۋ جيانجۇن). ەلىمىزدىڭ ادام الىپ ۇشاتىن عارىش پۋنكتى ينجەنەرياسى ءۇشىن زەرتتەپ جاساعان ۇزاق جورىق 5 - ءنومىرلى B تاسىمال راكەتاسىنىڭ 5 - ايدىڭ 5 - كۇنى حايناننىڭ ۋىنچاڭىنداعى العاشقى ۇشىرىلۋى تابىستى بولىپ، ەلىمىزدىڭ عارىشقا ادام الىپ ۇشۋ ينجەنەرياسىنىڭ ”ءۇشىنشى قادامداعى“ مىندەتىنىڭ شىمىلدىعىن رەسمي اشتى.

  كوكوس اعاشىن تەربەگەن سامال جەل كوك تەڭىزدى ايمالاپ، الىپ راكەتا زەڭگىر اسپانعا قاراي زىمىرادى. 5 - ايدىڭ 5 - كۇنى ساعات 18دەن 0 مينۋت وتكەندە، ۇزاق جورىق 5 - ءنومىرلى B جاڭا ۇرپاق ادام الىپ ۇشاتىن عارىش كەمەسىنىڭ تاجىريبە كەمەسىن جانە يكەمدى اۋا تولتىرىلعان جۇكتەردى قايتارۋ بولمەسىنىڭ تاجىريبە بولمەسىن تيەپ، ۋىنچاڭ عارىش ايلاعىندا كوككە كوتەرىلدى. شامامەن 488 سەكۋندتان كەيىن، جۇكتەمە قۇراما دەنە مەن راكەتا ءساتتى اجىراپ، بەلگىلەنگەن وربيتاعا ەنىپ، ەلىمىزدىڭ عارىش پۋنكتى كەزەڭىندەگى العاشقى ۇشىرىلۋ مىندەتى جەڭىستى بولدى.

  ۇزاق جورىق 5 - ءنومىرلى B ۇزاق جورىق 5 - ءنومىرلى تاسىمال راكەتاسىن نەگىز ەتىپ، وزگەرتىلىپ زەرتتەپ جاسالعان، نەگىزىنەن ەلىمىزدىڭ عارىش پۋنكتى بولمەسى سياقتى كەلەلى عارىشقا ۇشىرۋ مىندەتىن ۇستىنە الۋدا. ۇزاق جورىق 5 - ءنومىرلى Bنىڭ جالپى ۇزىندىعى 53.7 مەتر، ءبىرىنشى دارەجەلى وزەگىنىڭ ديامەترى 5 مەتر، ديامەترى 3.35 مەترلىك 4 دەمەگىش موتور ماتالعان، اۋا اعىنىنان قورعاۋ قاقپاقشاسىنىڭ ۇزىندىعى 20.5 مەتر، ديامەترى 5.2 مەتر، زالالسىز، لاستامايتىن سۇيىق وتتەگى، سۇيىق سۋتەگى جانە كارەسىن قوزعاۋشى جانار زات رەتىندە قولدانىلعان، ۇشۋ ماسساسى شامامەن 849 توننا، جەرگە ەڭ جاقىن وربيتاداعى تاسىمال قۋاتى 22 توننادان اسادى، كەزەكتە ەلىمىزدىڭ جەرگە ەڭ جاقىن وربيتاداعى تاسىمال قۋاتى ەڭ ۇلكەن راكەتا.

  حالىقارالىق وزىق دەڭگەيگە يە عارىش پۋنكتىن قۇرىپ، ءبىرشاما ۇلكەن كولەمدى، ۇزاق ۋاقىت ادامدار مەڭگەرىپ وتىراتىن كەڭىستىكتەن پايدالانۋ ماسەلەسىن شەشۋ − ەلىمىزدىڭ عارىشقا ادام الىپ ۇشۋ ينجەنەرياسىنىڭ ”ءۇش قادامداعى“ دامۋ ستراتەگياسىنىڭ ءۇشىنشى قادامىنداعى مىندەت - نىساناسى. تانىستىرۋعا قاراعاندا، ۇزاق جورىق 5 - ءنومىرلى Bنىڭ العاشقى ۇشىرىلۋىنىڭ ءساتتى بولۋى راكەتا جالپى تۇلعالىق جوباسىنىڭ، ءتۇرلى قوسالقى جۇيە جوباسىنىڭ دۇرىس، سايكەستى بولعاندىعىن ايعاقتادى، ۇلكەن ولشەمدەگى اۋا اعىنىنان قورعاۋ قاقپاقشاسىن راكەتادان ايىرۋ تەحنيكاسى، ۇلكەن ديامەترلى بولمە مەن راكەتانى جالعاۋ، ايىرۋ تەحنيكاسى، ۇلكەن قوزعاۋشى كۇشتىڭ وربيتاعا تىكە كىرۋ پارقىن دالمە - ءدال مەڭگەرۋ تەحنيكاسى سياقتى ءبىر توپ جاڭا تەحنيكالاردان قامال الىپ، ەلىمىزدىڭ عارىش پۋنكتىن وربيتادا قۇرۋ مىندەتىنە ماڭىزدى نەگىز قالادى.

  بۇل رەتكى مىندەت جاڭا تيپتى ايدارشا ۆيرۋس وكپە قابىنۋ ىندەتى ءورشۋ قارساڭىنا تۋرا كەلدى، ينجەنەريانىڭ تۇتاس جەلىسى پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، جابىق ۇلگىدە باسقارۋ، الىس ارالىقتان بىرلەسىپ تەكسەرۋ، تۇتاس جۇيەنى سايكەستىرۋ سياقتى تاسىلدەردى قولدانىپ، ادام كولەمىن ىقشامدادى، ولشەۋ - سىناق ەتۋ ءتارتىبىن ساپالىلاندىردى، ىندەتتەن ساقتانۋ - تىزگىندەۋدى قاتايتتى. ۇزاق جورىق 7 - ءنومىرلى A جانە ۇزاق جورىق 3 - ءنومىرلى B تاسىمال راكەتاسىن ۇشىرۋدىڭ ءساتسىز بولۋى تۋدىرعان قاتاڭ سىناق الدىندا، ينجەنەريانىڭ تۇتاس جەلىسى ساپالىق رەتتەۋدى ىشكەرىلەي ورىستەتىپ، كىناراتتاردى الاستاۋ جانە ءبىرى ارقىلى وزگەسىن تۇسپالداۋ قىزمەتىن جوعارى ساپامەن ورىندادى. وسى رەتكى مىندەتكە دايىندالۋ كەزىندە تۋىلعان ساپا ماسەلەسىنە مەڭزەس ”قوس بەس تارماق“ مۇلتىكسىز بولۋ ولشەمىنە قاتاڭ بويسۇنىپ، ءارى تەحنيكالىق ماسەلەنى مۇلتىكسىزدەندىرۋدى يگەردى، ءارى يدەيالىق ماسەلەنى مۇلتىكسىزدەندىرۋدى يگەردى، ءارى ماماندار لۋشيانىمەن، ءارى بۇقارالىق لۋشيانمەن ءجۇردى، ءارى تەحنيكانى جاڭالاۋعا، جوعارىلاتۋعا باسا ءمان بەردى، ءارى باسقارۋ جاۋاپكەرشىلىگىن كۇشەيتۋگە باسا ءمان بەرىپ، مىندەت اياق الىسى مەن ساپانىڭ ورگانيكالى بىرلىگىنە شىنايى كەپىلدىك ەتتى.

  1992 - جىلى پارتيا ورتالىق كوميتەتى عارىشقا ادام الىپ ۇشۋ ينجەنەرياسىنىڭ ”ءۇش قادامدىق“ دامۋ ستراتەگياسىن العا قويدى. 20 نەشە جىلدىق دەربەس، ءوز كۇشىنە سۇيەنىپ دامۋ جانە ءۇرتىس كۇرەس جۇرگىزۋ ارقىلى 16 رەتكى كەلەلى ۇشۋ مىندەتىن ىلگەرىندى - كەيىندى ۇيىمداستىرىپ، اتقاردى، 11 عارىشكەر 14 ادام - رەت عارىشقا ۇشىپ جانە حاۋىپسىز قايتا ورالىپ، ءبىرىنشى قادامدا، ەكىنشى قادامدا بەلگىلەنگەن مىندەتتەردى تۇگەلدەي تابىسپەن ورىندادى.

  وسى رەت ۇشىرىلعان تاسىمال راكەتاسى جانە جۇكتەلگەن تاجىريبە كەمەسى مەن تاجىريبە بولمەسىن جەكە - جەكە جۇڭگو عارىش عىلىم - تەحنيكا توبى شەكتى سەرىكتەستىگىنە قاراستى جۇڭگو تاسىمال راكەتاسى تەحنيكاسىن زەرتتەۋ اكادەمياسى مەن جۇڭگو عارىش تەحنيكاسىن زەرتتەۋ اكادەمياسى، جۇڭگو عارىش عىلىمى ونەركاسىپ توبى شەكتى سەرىكتەستىگىنە قاراستى 2 - زەرتتەۋ اكادەمياسى جالپى زەرتتەپ جاساۋدى يگەردى.

  بۇل ۇزاق جورىق جەلىلەس تاسىمال راكەتاسىنىڭ 331 - رەتكى ۇشۋى.

جاۋاپتى رەداكتور : ءاننا اكىمقان قىزى