اعاجاي-التاي تورابى   ›   اقپارات ايدىنى   ›   سۋرەتتى حابارلار

شينجياڭ گازەتىنىڭ جان كۇيەر وقىرماندارىنىڭ وي ورتاقتاسۋ كەڭەسى تۇڭعىش كەزەكتى قيمىلىن وتكىزدى

يدەيالىق اۋىس - كۇيىس ارقىلى اقپارات قۇرالدارىندا توعىستى

شينجياڭ گازەتىنىڭ جان كۇيەر وقىرماندارىنىڭ وي ورتاقتاسۋ كەڭەسى تۇڭعىش كەزەكتى قيمىلىن وتكىزدى

5 - ايدىڭ 5 - كۇنى مين يىننان ءوزىنىڭ اڭگىمەسى ارقىلى شينجياڭ گازەتىنىڭ جان كۇيەر وقىرماندارىنىڭ 1 - كەزەكتى وي ورتاقتاسۋ كەڭەسىن باستادى.

□ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى چين مەيحۋا تۇسىرگەن

  گازەتىمىزدىڭ جالپىلىق اقپارات قۇرالدارى ءتىلشىسى ياۋ تۇڭ 5 - ايدىڭ 5 - كۇنى ۇرىمجىدەن حابارلايدى. ”سۇيىسپەنشىلىككە بولەنىپ، بۇل ارانى قۇددى ءوز ءۇيىم سەكىلدى سەزىنەمىن“، - دەدى 5 - ايدىڭ 5 - كۇنى تۇستەن بۇرىن حاتكەر - سۋرەت كوركەمونەرشى مين يىننان داۋىرلىك ءمانى اسا كۇشتى شينجياڭ گازەتىنىڭ گازەت تاريحى سارايىندا كونە گازەتتەردەگى قۇددى كەشە عانا جازىلعانداي حابارلاردى تاعى ءبىر رەت ۇڭىلە وقىپ، شينجياڭ گازەتىنىڭ جان كۇيەر وقىرماندارىنىڭ 1 - كەزەكتى وي ورتاقتاسۋ كەڭەسىن باستادى، الدىن الا تىزىمدەلگەن 20 تالەيلى وقىرمان 58 مىڭ ءار ۇلت توراپكەرلەرىمەن بىرگە جەكە - جەكە سول جەردىڭ وزىندە جانە ينتەرنەتتە تىكە تاراتۋ ءتاسىلى ارقىلى وسى رەتكى بىلىمنەن ورتاقتاسۋ قيمىلىنا قاتىناستى.

  ”حاتكەرلىك ءبىزدىڭ ۇلت رۋحىمىزدى ايگىلەپ، ءبىزدىڭ ۇلتتىق جان جۇيەمىزدى دەمەيدى“، ”تۇرپان جازبالارى، كروران حان داۋىرىنە ءتان بامبۋك كىتاپ جازبالارى ەل ءىشى - سىرتىنا ايگىلى، ىشكەرىلەي اشىپ زەرتتەۋ كەرەك، بۇل جۇڭحۋا مادەنيەتىن شىنايى مويىنداۋ جونىنەن تەرەڭ مانگە يە“، ”بارلىعىنا شينجياڭنىڭ بايتاق دالاسىندا قول جەتكىزدىك، بۇل جەردى سۇيمەۋگە ەشقانداي قاقىمىز جوق“، ”شينجياڭ گازەتى ارقالاعان بورىش وتە ماڭىزدى، وعان قۇرمەت ەتۋىمىز، ونى قولداۋىمىز، ونى قورعاۋىمىز قاجەت“... ءبىر ساعاتتىق وي ورتاقتاسۋ باس قوسۋىندا مين يىننان حاتكەر - سۋرەتشىلىك كوركەمونەرىمەن جانە ءوزىنىڭ شينجياڭ گازەتىندە جاريالاعان تۋىندىلارىمەن، وزىنە تەرەڭ اسەر بەرگەن حابارلارمەن بىرلەستىرىپ، تەگىندە ءوزى قاتىناسۋ بارىسىنداعى تاريحي حيكايالاردى، جۇڭگوشا سوتسياليزمنىڭ جاڭا داۋىرگە قادام تاستاۋى جونىندەگى تۇسىنىكتەرىن، سونداي - اق ونىڭ نازارىنداعى شينجياڭنىڭ كۇن سايىن جاڭالانعان وزگەرىستەرىمەن ورتاقتاستى.

  وسى رەتكى وي ورتاقتاسۋ باس قوسۋى شينجياڭ توۋتياۋ، ورتالىق تەلەۆيزياسىنىڭ اقپارات جىلجىمالى تورى، جينرى توۋتياۋ، ZAKER، چۋديان اقپاراتى، شينلاڭ ميكرو بلوگى سياقتى 6 تۇعىردا تىكە تاراتىلدى. ”گازەت تاريحى سارايى قارت كوركەمونەرشىمەن بىرگە ينتەرنەت + دىڭ ۇشقىندار قاۋلادى“، ” گازەتحانا ادەبيەت - كوركەمونەرگە نەتكەن تولى، نەتكەن ءماندى دەمالىس“، ”2 - كەزەكتى وي ورتاقتاسۋ باس قوسۋىنىڭ جۇمىس باسىندىق قيمىلىنا الدىن الا تىزىمدەلەمىن“، ”شينجياڭ گازەتىنىڭ سول ءبىر تاريحتارىن ارناۋلى تاقىرىپتا تۇسىندىرسەڭىزدەر بولا ما“، ”بۇل بالالار جونىنەن ەڭ شىنايى وتانشىلدىق تاربيە بولدى“... توراپكەرلەر تىكە تاراتىلىمدا وي ورتاقتاسۋ باس قوسۋىن تىنباي القادى. گازەت تاريحى سارايىنىڭ جاۋاپتىسى جۋ مو مىنالاردى ءبىلدىردى: گازەت تاريحى سارايىنىڭ تاريحي جاي - جاپسارىن، مادەنيەتتە ايگىلى ادامداردىڭ مول ءبىلىمىن، اقپارات قۇرالدارىنىڭ توعىسپالى عىلىم - تەحنيكا تۇعىرىن، قالىڭ وقىرمانداردىڭ ۇيرەنۋ ىنتاسىن جاندى ۇشتاستىرۋ ارقىلى بىلىمنەن ورتاقتاسۋعا ينتەرنەت + دىڭ قاناتىن جالعاپ، ءتىپتى كوپ ادامعا جەتكىزۋدى ءۇمىت ەتەمىز“.

  ”بۇگىنگى ورتاقتاسۋدى ەستىگەننەن كەيىن، ءومىر جونىندە تىڭ تولعانىستارعا يە بولدىم“، - دەدى جەلىدە تىزىمدەلۋ ارقىلى وي ورتاقتاسۋ باس قوسۋىنىڭ جۇمىس باسىندىق قيمىلىنا قاتىناسقان ءۇرىمجى قالاسىنىڭ تۇرعىنى چىڭ فاڭفاڭ، مين ۇستازدىڭ اڭگىمەلەرىن تىڭداعاننان كەيىن، قانداي ادام بولۋ، قانداي جۇڭگولىق بولۋ كەرەكتىگى جونىندە اناعۇرلىم تۇسىنىككە يە بولدىم.

  ”تاعى دا وسىنداي وي ورتاقتاسۋ بولسا، جانە دە قاتىناسامىن“، - دەدى ءۇرىمجى 15 - باستاۋىش مەكتەبىنىڭ وقۋشىسى ليۋيۇي تۇڭيۋە، مين اتايدىڭ اڭگىمەلەرى وتە تارتىمدى، وتە ءماندى بولدى، كوبى كىتاپتا جازىلماعان، ساباقحاناداعى مازمۇندار كەڭەيتىلىپ، كوپتەگەن بىلىمگە يە بولدىم.

  قىزىققان وقىرمانداردىڭ شينجياڭ توۋتياۋ سياقتى تۇعىرلاردان تىكە تاراتىلىمنىڭ ناقتى كەسكىنىن كورۋلەرىنە بولادى.

جاۋاپتى رەداكتور : ءاننا اكىمقان قىزى