اعاجاي-التاي تورابى   ›   اقپارات ايدىنى   ›   سۋرەتتى حابارلار

شونجىداعى شىچىڭزى ەسكى جۇرتى بۇكىل ەل بويىنشا 10 ءىرى ارحەولوگيالىق بايقاۋ قاتارىنا ەنگىزىلدى

شينجياڭ شونجىداعى شىچىڭزى ەسكى جۇرتىنىڭ تولىق كورىنىسى (ماتەريال سۋرەت)

شينحۋا اگەنتتىگى تاراتقان (جۇڭگو مادەني ەسكەرتكىشتەر گازەتى مەكەمەسى بەرگەن)

شينجياڭ شونجى شىچىڭزى ەسكى جۇرتى (ماتەريال سۋرەت)

  گازەتىمىزدىڭ جالپىلىق اقپارات قۇرالدارى ءتىلشىسى جاڭ حايفىڭ 5 - ايدىڭ 5 - كۇنى ۇرىمجىدەن حابارلايدى. 5 - ايدىڭ 5 - كۇنى مەملەكەتتىك مادەني ەسكەرتكىشتەر مەكەمەسىنىڭ رەسمي سايتى تۇڭعىش رەت ينتەرنەت ءماجىلىسى فورماسىمەن اشقان بۇكىل ەلدەگى 10 ءىرى ارحەولوگيالىق جاڭا بايقاۋدىڭ سوڭعى ساراپتاۋ ماجىلىسىندە 2019 - جىلعى بۇكىل ەلدەگى 10 ءىرى ارحەولوگيالىق جاڭا بايقاۋدى جاريالادى. بۇلاردىڭ قاتارىندا شينجياڭ شونجىداعى شىچىڭزى ەسكى جۇرتى بار.

  شىچىڭزى ەسكى جۇرتى سانجى حۇيزۋ اۆتونوميالى وبلىسى شونجى اۋدانى بانجيەگوۋ قالاشىعى ماگۋلياڭ قىستاعىنىڭ شىعىسىنداعى، حىبايان قىستاعىنىڭ وڭتۇستىگىندەگى، ماگۋ وزەنىنىڭ باتىس سولتۇستىك جاعىنداعى بوكتەرگە جايعاسقان. اتالعان جۇرت جارقاباققا سالىنىپ، كەيبىر جەرلەرىنىڭ تاستارى اشىلىپ كورىنىپ جاتاتىندىقتان، جەرگىلىكتى حالىق شىچىڭزى دەپ اتاعان.

  2013 - جىلى مەملەكەتتىك كەڭەستىڭ بەكىتۋىمەن شونجىداعى شىچىڭزى ەسكى جۇرتى بۇكىل ەل بويىنشا ءتۇيىندى قورعالاتىن مادەنيەت ەسكەرتكىش ورنى بولدى. 2014 - جىلدان 2017 - جىلعا دەيىن شينجياڭ مادەنيەت ەسكەرتكىشتەر ارحەولوگيالىق زەرتتەۋ ورنى بۇل جەرگە ءبىرشاما جان - جاقتى ارحەولوگيالىق قازۋ جۇمىستارىن جۇرگىزدى. قازىر سولتۇستىك قالا قورعانى، باتىس قالا قورعانى، قالانى قورعاۋ ورى، ۇيلەردىڭ ورنى، كۇلدىك، دوڭعالاق سياقتىلاردىڭ بەلگىلەرى قازىلىپ، قاڭىلتاق كەرپىش، توستاعانشا كەرپىش، ورنەكتى قاڭىلتاق كەرپىش سياقتى قۇرىلىس ماتەريالدارى، سونداي - اق ءىشىنارا فارفور بۇيىمدار تابىلدى، بۇدان باسقا ازداپ مەتال بۇيىمدار مەن سۇيەك بۇيىمدار قازىپ الىندى، وسى قۇرىلىس ماتەريالدارى فارفور بۇيىمداردىڭ بارلىعى تيپتىك حان ۇلگىسىندە جاسالعان. قاتىستى مامانداردىڭ دالەلدەۋىمەن شىچىڭزى ەسكى جۇرتى ەكى حان داۋىرىنە ءتان قۇرىلىس ەكەنى انىقتالدى.

  شينجياڭ ارحەولوگيا زەرتتەۋ ورنىنىڭ تەتە اعا زەرتتەۋشىسى تيان شياۋحۇڭ بىلاي دەپ تانىستىردى: ”شىچىڭزى ەسكى جۇرتىنىڭ جازىقتىقتاعى ءپىشىنى ءتورت بۇرىشقا جاقىن كەلەدى، جالپى جەر اۋدانى 110 مىڭ شارشى مەتر. قالانىڭ باتىس جاعى مەن سولتۇستىك جاعىندا بيىك داۋال بار، شىعىس جاعى مەن وڭتۇستىك جاعى ورماندى تەرەڭ جىرا، جىرا تاعانىندا ماگۋ وزەنى بار، قالانىڭ باتىس سولتۇستىك جاعىندا قالا قورعانىنا جاستاي شاعىن قالا سالىنعان، سونىمەن قاتار بۇرىشتىق قاراۋىلحانا، قاراۋىل تۇعىر، قالانى قورعاۋ بەكىنىسى سياقتى قۇرىلىس، قۇرىلعىلار دا بار، ەرەكشە اسكەري قورعانىس ءتۇسىن العان“.

  2018 - جىلى شونجى شىچىڭزى ەسكى جۇرتىنداعى ارحەولوگيالىق قازۋ نىسانى ”2016 − 2017 - جىلدارداعى دالا ارحەولوگيا سيلىعىنىڭ“ 2 - دارەجەلى سيلىعىن الدى. دالا ارحەولوگيا سيلىعى − مەملەكەتتىك مادەني ەسكەرتكىشتەر مەكەمەسى جاعىنان بەرىلەتىن جۇڭگونىڭ ارحەولوگيا سالاسىنداعى ەڭ جوعارى سيلىق، 2 جىلدا ءبىر رەت باعالانادى.

  ۇعىسۋعا قاراعاندا، بۇل − مەملەكەتتىك مادەني ەسكەرتكىشتەر مەكەمەسى تۇڭعىش رەت ينتەرنەت ءماجىلىسى فورماسىمەن اشقان بۇكىل ەلدەگى 10 ءىرى ارحەولوگيالىق جاڭا بايقاۋدى سوڭعى ساراپتاۋ ءماجىلىسى ەكەن، مۇندا ينتەرنەتتە تىكە تاراتىلىپ، كورسەتپەلى مالىمەت بەرۋ، باعالاۋ جانە بەلەت تاستاۋ سياقتى بۋىنداردان وتكىزىلگەن، جۇرتشىلىق ”بۇلت ىشىندە ساياحاتتاۋ“ ارقىلى وسى رەتكى باعالاۋدىڭ ۇستىنە ”كىرە“ الادى. سوڭعى ساراپتاۋ ماجىلىسىندە شينجياڭ شونجى شىچىڭزى ەسكى جۇرتى ءوزىنىڭ ايقىن وڭىرلىك ەرەكشەلىگى، ماڭىزدى تاريحي مادەنيەت قۇنىمەن مامانداردىڭ جانە جۇرتشىلىقتىڭ ايرىقشا باعاسىنا يە بولدى.

جاۋاپتى رەداكتور : ءاننا اكىمقان قىزى