اعاجاي-التاي تورابى   ›   اقپارات ايدىنى   ›   احپارات اعىمى

جۇڭگو مەن شەتەلدىڭ بىرلەسكەن ۇجىمى قۇس جولى جۇيەسىنىڭ قازىرگە دەيىنگى ەڭ انىق قۇرىلىمدىق سۋرەتىن جاساپ شىققان

 

 شينحۋا اگەنتتىگى، 4 – ايدىڭ 23 – كۇنى، نانجيڭ (ءتىلشى: چىن شييۋان) ءتىلشىنىڭ 4 – ايدىڭ 23 – كۇنى نانجيڭ ۋنيۆەرسيتەتىنەن ۇعىسۋىنشا، جۇڭگو، ا ق ش، گەرمانيا ءۇش ەلدىڭ استرونومدارى باسشىلىق ەتكەن حالىقارالىق ۇجىم 15 جىل زەرتتەۋ ارقىلى قۇس جولى جۇيەسىنىڭ قازىرگە دەيىنگى ەڭ انىق قۇرىلىمدىق سۋرەتىن جاساپ شىعىپ، قۇس جولى جۇيەسىنىڭ 4 راديۋستى بۇراندالى بىلىكتى اينالمالى جۇلدىزدار جۇيەسى ەكەنىن ايقىنداعان.
 

  جۋىردا «ا ق ش عالىمدارى» جۋرنالى نانجيڭ ۋنيۆەرسيتەتى استرونوميا جانە كەڭىستىك عىلىمى ينستيتۋتىنىڭ پروفەسسورى جىڭ شيڭ – ۋ مەن ا ق ش حارۆورد – سيميسونيان اسپان دەنەلەرى فيزيكاسى سەنتىرىنىڭ استرونومى، ا ق ش عىلىم اكادەمياسىنىڭ اكادەميگى مارك رەيد جازعان «قۇس جولى جۇيەسىنىڭ جاڭا ءورىسى» اتتى مۇقابالىق ماقالاسىن جاريالاپ، ەكى عالىمنىڭ گەرمانياداعى ماكس راديو تولقىندى استرونوميالىق زەرتتەۋ ورنىنىڭ پروفەسسورى كارل مەنتون باسشىلىق ەتكەن حالىقارالىق ۇجىممەن بىرگە 15 جىلدان بەرى جۇرگىزگەن زەرتتەۋلەرىنىڭ ناتيجەسىن قورىتىندىلاعان.

جاۋاپتى رەداكتور : ءاننا اكىمقان قىزى