اعاجاي-التاي تورابى   ›   مادەنيەت ارناسى   ›   دەنساۋلىق

ەرەسەككە پايدالى، ءبىراق بالاعا ۇسىنىلمايتىن ازىق-تۇلىك

 

 ەرەسەكتەر ءۇشىن پايدالى، بىراق بالا تاماقتانۋىنا كوپ قولدانۋعا بولمايتىن ونىمدەر بار.

  ءجيى «بالالار» ءونىمى بولىپ سانالاتىن سۇتتەن باستايىق. ول بالانى كالتسي، فوسفور، ا جانە ۆ2 دارۋمەنىمەن قامتاماسىز ەتەدى. ءبىراق سوندا دا دارىگەرلەر ءسۇتتى بالالارعا، اسىرەسە، 1 جاسقا دەيىنگى بالالارعا بايقاپ قولدانۋدى ۇسىنادى. اقۋىزدار مەن مينەرالدى زاتتاردىڭ كوپتىگىن بالاعا ءسىڭىرۋ قيىنعا سوعادى. وعان قوسا، ول ءجيى اللەرگيا شاقىرادى. 12 ايعا دەيىنگى بالاعا مۇلدەم ءسۇت (انا سۇتىنەن نەمەسە ارنايى قوسپادان باسقا) بەرمەۋ ۇسىنىلادى، ونى تەك بوتقا پىسىرۋگە قولدانۋعا بولادى.

  قىزىل بالىق، بەكىرە ەتى جانە ۋىلدىرىق ومەگا-3 مايلى قىشقىلدارىنا باي. ال تەڭىز ونىمدەرىندە وعان قوسا مينەرالدى ونىمدەر كوپ: يود، ماگني، كالتسي، فوسفور. ءبىراق بۇل تاعامداردى 3 جاسقا دەيىنگى بالالارعا بەرۋگە بولمايدى. بالانىڭ اس قورىتۋ جۇيەسى مايدىڭ كوپتىگىنە سەزىمتال بولىپ كەلەدى. سوندىقتان بالا اعزاسى مايلى بالىقتاردى ءسىڭىرۋ ءۇشىن قينالادى. ال ۋىلدىرىق پەن تۇزدالعان بالىقتا تۇز مولشەرى وتە كوپ: ول بۇيرەكتەر مەن جۇرەك-قان تامىرلار جۇيەسىنە كۇش تۇسىرەدى.

  جەمىستەردىڭ اراسىندا انار ەرەكشە تانىمالدىلىققا يە. ول گەموگلوبيندى كوتەرەدى جانە يممۋنيتەتتى نىعايتادى دەپ سانالادى. ءسوزسىز، انار پايدالى: ونىڭ قۇرامىندا گليۋكوزا، فرۋكتوزا، تانين، ميكروەلەمەنتتەر، س جانە رر دارۋمەندەرى كوپ. ءبىراق قىشقىلداردىڭ كوپتىگى اسقازاندى تىتىركەندىرەدى. سوندىقتان 3 جاسقا دەيىنگى بالالارعا انار شىرىنىن بەرۋگە بولمايدى. سونداي-اق اناردىڭ كومەگىمەن گەموگلابيندى كوتەرۋ مۇمكىن ەمەس، ونى كوتەرۋ ءۇشىن تەمىر كەرەك.

  زاماناۋي اسۇيدەن ءزايتۇن مايىن كەزدەستىرمەۋ مۇمكىن ەمەس. ونى پايدالى ونىمدەر قاتارىنا قوسادى. ءبىراق ول بالالارعا پايدالى ما؟ ءزايتۇن مايىنىڭ پايداسى ــ ولەين قىشقىلىنىڭ جوعارى مولشەردە بولۋى. ال بالانىڭ جۇيكە جانە يممۋندى جۇيەسىنىڭ دامۋىنا ماڭىزدى ە دارۋمەنى مەن كوپ قانىقپاعان مايلى قىشقىلدار ءزايتۇن مايىندا از. سوندىقتان ونى بالا تاماعىنا قولدانۋدىڭ قاجەتى جوق. ايتپەسە، بالا باسقا مايلاردا (كۇنباعىس، جۇگەرى، سويا) بار كوپ قانىقپاعان مايلى قىشقىلداردى الا الماي قالادى.

جاۋاپتى رەداكتور : ءاننا اكىمقان قىزى