اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قابا اۋدانىنداعى 88 مىڭ باس مال كوكتەۋلىككە حاۋىپسىز كوشىرىلدى

  قابا اۋداندىق توعىسپالى مەديا ورتالىعىنىڭ ٴتىلشىسى ازامات حابارلايدى:

  3 - ايدىڭ 22 - كۇنى قابا اۋدانىنىڭ قىستاۋلىعىنداعى 88 مىڭ باستان استام مال نوقاي جەل وتىنەن امان ٴوتىپ، كوكتەۋلىككە حاۋىپسىز كوشىرىلدى

  قابا اۋداندىق پارتكوم مەن ۇكىمەت مالشىلاردىڭ كوشى- قون قىزمەتىنە ايرىقشا ء ٴمان بەرىپ، ارناۋلى جيىن اشىپ ورنالاستىرۋ جاساپ، قىزمەت جوباسىن بەلگىلەپ، كوشى-قون قىزمەتى باسشىلىق گرۋپپاسىن قۇردى. اۋا رايى تاراۋلارىنىڭ مالىمەتىنە نەگىزدەلگەندە، 3-ايدىڭ 19-كۇنىنەن 3-ايدىڭ 22 -كۇنىنە دەيىن مال شارۋاشىلىق رايوندارىنداعى مالدى كوكتەۋلىككە كوشىرەتىن ەڭ تاماشا مەزگىل ەكەن، قابا اۋدانى وسى ء ٴتيىمدى ورايدى مىقتى يگەردى، 3-ايدىڭ 21-كۇنى تۇستەن كەيىن ساعات 3 تە اۋدانداعى 88 مىڭ باستان استام مال نوقاي جەل وتىنەن امان-ەسەن ٴءوتتى. قابا اۋداندىق پارتكومنىڭ ورىنباسار شۋجيى، اۋدان اكىمى جالىن قازاقباي ۇلى، ورىنباسار اكىم ەرلان بايشال ۇلى قانجىعا، جونساۋىر وڭىرىنە ارناۋلى بارىپ كوشى- قون قىزمەتىنە سول جەردىڭ وزىندە جەتەكشىلىك ەتىپ، كوشى- قون قىزمەتىنىڭ ٴساتتى، ٴتارتىپتى ىستەلۋىنە كەپىلدىك ەتتى.

  قابا اۋدانى جايىلما اۋىلى قابىرعاتال قىستاعىنىڭ مالشىسى جارقىن قادىربەك ۇلى بىلاي دەدى: كوشى- قون بارىسىندا اۋا رايى جاقسى بولدى، كوش- قون جۇمىسى ويداعىداي ىستەلدى. تۇستەن كەيىن ساعات 6 مولشەرىندە ارناۋلى ورىندا ازىراق تىنىقتىق، اۋدان باسشىلارى كوشى- قون بارىسىندا بىزبەن بىرگە بولىپ، مالشىلاردان حال سۇرادى، پارتيا مەن ۇكىمەتتىڭ بىزگە كوڭىل بولگەنىنە العىس ايتامىز.

  كوش ۋاقىتىنىڭ ۇزاق، جولدىڭ الىس بولۋى سياقتى ماسەلەلەردى ەسكەرە وتىرىپ، قابا اۋدانىنىڭ ء ٴارقايسى اۋىل- قالاشىقتارى پارتيالى كادرلاردان قۇرالعان قىزمەت وتەۋ اترەتتەرىن ۇيىمداستىرىپ، جول بويىنداعى تىنىۋ ورىندارىندا مالشىلارعا ىستىق اس ازىرلەپ، كوشى- قون جۇمىسىمەن شارشاپ جۇرگەن مالشىلارعا پارتيانىڭ مەيىرىن شىنايى سەزىندىردى.

  نۇرلانبەك قابا اۋدانى شىبار قالاشىعى الەن اقشي قىستاعىنىڭ مالشىسى، 3-ايدىڭ 19-كۇنىنەن باستاپ، ول باسقا مالشىلارمەن بىرگە قورالى قويىن ايداپ كوكتەۋلىككە كوشە باستادى، ولار كوشىپ دالاڭقايشى تىنعۋ ورنىنا جەتكەندە، قالاشىقتاعى پارتيالى كادرلار ىستىق اس ازىرلەپ ولاردى توسىپ الدى، مالشىلار وسى ارادا كوجە ٴىشىپ بوي جىلىتتى.

  نۇرلانبەك بىلاي دەدى: ٴبىز كەشە تاڭەرتەڭ ساعات 8 دە ساۋىردان اتتاندىق، بۇگىن 6 ساعات جول ٴجۇرىپ، تىنىعۋ ورنىنا جەتتىك، قالاشىقتاعى كادرلار بىزگە اس دايارلاپ قويىپتى، ٴبىزدىڭ امان-ەسەن كوشىپ-قونۋىمىزعا شىنايى كەپىلدىك ەتتى، ولارعا العىس ايتامىز.

  قابا اۋدانىنىڭ كوكتەۋلىگى مەن قىستاۋلىعىنىڭ ارا قاشىقتىعى 200 كيلومەتردەن اسادى، ء ٴار جىلى 5 اۋىل- قالاشىقتاعى 100 مىڭ باسقا جۋىق مال قىستاۋعا كوشەدى. اۋداندىق پارتكوم مەن ۇكىمەت كوشى-قون قىزمەتىن باستان - اياق مالشىلاردىڭ ٴتول مۇددەسىنە ساياتىن ماڭىزدى قىزمەت رەتىندە مىقتى يگەردى، اۋىل- قالاشىقتاردان قىزمەت جوباسىن ەگجەي-تەگجەيلى جاساپ، قىزمەت شارالارىن اشالاپ، جاۋاپكەرشىلىكتى ايقىنداۋدى تالاپ ەتتى، ٴارى مال شارۋاشىلىق تاراۋلارىنىڭ تەحنيكتەرى مەن پارتيا مۇشەلەرىنەن قۇرالعان قىزمەت وتەۋ اترەتتەرىن كوشى-قون بارىسىندا باستان - اياق مالشىلارمەن بىرگە بولۋعا، قامتاماسىز ەتۋ قىزمەتىن تىڭعىلىقتى ىستەۋگە ورنالاستىردى.

  مالشىلاردى نوقاي جەل وتىنەن امان وتكىزگەننەن كەيىن، ادام مەن مالدىڭ تىنىعاتىن جەرى بولۋىنا، مالشىلاردىڭ ىستىق اس ىشۋىنە، مالدى ازىقتاندىرۋعا ٴتيىمدى شارت- جاعداي ازىرلەۋ ءۇشىن، قابا اۋدانى دالاڭقايشى ٴوڭىرىنىڭ ماڭىنان مالشىلار مەن مالدار تىنىعاتىن ارناۋلى ورىن سالدى. ٴار جىلى كوشى- قون جۇمىسى باستالاردان بۇرىن قابا اۋدانى ارناۋلى پارتيالى كادرلاردى كۇرىش، ۇن، ماي، ەت، جاس كوكونىس سياقتى تۇرمىستىق بۇيىمداردى الىپ، الدىن الا تىنعاتىن ورىنعا بارۋعا ۇيىمداستىرىپ، مالشىلاردىڭ دەمالۋىنا، تاماقتانۋىنا كەپىلدىك ەتىپ، ٴاربىر مالشىعا مەيىر- شاپاعات جەتكىزدى.

  وسى جولعى كوشى-قوندا قابا اۋدانى ء ٴارقايسى اۋىل- قالاشىقتىڭ باسشىلارىن جانە اۋىل شارۋاشىلىعى، اۋىل - قىستاق، اۋا رايى، دەنساۋلىق ساقتاۋ تاراۋلارىنان 58 قىزمەتكەردى مالشىلارمەن كوشى-قوندا بىرگە بولۋعا ۇيىمداستىردى. دايىندىق قىزمەتى تىڭعىلىقتى، شارالار پارمەندى بولعاندىقتان، كوشى-قون جۇمىسى ويداعىداي ىستەلدى، مال شىىعىندالمادى.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى