جەمەنەي اۋداندىق قوعام حاۋىپسىزدىگى مەكەمەسى مالشىلاردىڭ كوشى-قونىسىنا كومەكتەستى

  ەرىكتى ءتىلشى باعجان عالىمجان ۇلى حابارلايدى. 3-ايدىڭ باسىندا جەمەنەي اۋدانىنداعى كوشى-قون جۇمىسى باستالادى، ٴار كۇنى 1000 نان استام مال ساۋىر قىستاۋلىعىنان كوكتەۋلىككە كوشەدى. بۇعان قاراتا جەمەنەي اۋداندىق قوعام حاۋىپسىزدىگى مەكەمەسى بەستەرەك اۋىلدىق ساقشى بولىمشەسى « ات ٴۇستى 110 » اترەتى، قاتىناس ساقشى ۇلكەن اترەتى جانە كومەكشى ساقشىلار بىرلەسىپ «مالشىلاردىڭ كوشى-قونىنا قىزمەت وتەۋ اترەتىن» قۇرىپ، كوشى-قونىس مەزگىلىندە باستان-اياق مالشىلارمەن بىرگە بولدى.

  كوشى-قوننىڭ ٴءساتتى جۇرىلۋى ءۇشىن، «مالشىلاردىڭ كوشى-قونىنا قىزمەت وتەۋ اترەتى» قىستاۋلىقتاعى مالشىلاردىڭ وتىرىقتانۋ تۇيىندەرىنە الدىن الا بارىپ، كوش جولىنداعى گەولوگيالىق اپات وڭاي تۋىلاتىن وڭىرلەردىڭ جاعدايىنا الدىن-الا بارلاۋ جۇرگىزىپ، بەلگى سالىپ، مالشىلارعا قورعانۋدى ەسكەرتتى. سونىمەن بىرگە حالىق ساقشىلارى، كومەكشى ساقشىلار بەلسەندى ىرىقتىلىقپەن مالشىلارعا ىندەتتىڭ الدىن الۋ، تىزگىندەۋ، جول قاتىناس، ەسىرتكىگە تيىم سالۋ، تەلەگراف الدامشىلىعىنان ساقتانۋ سياقتى قاتىستى زاڭدىق بىلىمدەردى ٴتۇسىندىردى.

  بۇرىنعى جىلدارعا ۇقسامايتىنى، بيىل جەمەنەي اۋداندىق قوعام حاۋىپسىزدىگى مەكەمەسىنىڭ «مالشىلاردىڭ كوشى-قونىنا قىزمەت وتەۋ اترەتى» كوشى-قون مەزگىلىندە باستان-اياق مالشىلارمەن بىرگە بولىپ، مالشىلاردى قورعادى. حالىق ساقشىلارى، كومەكشى ساقشىلار ٴدارى ساندىعى، كۇرەك سياقتى شۇعىل جاعدايعا توتەپ بەرۋ بۇيىمدارىن الا ٴجۇرىپ، دەر كەزىندە شۇعىل جاعدايعا توتەپ بەرۋگە كەپىلدىك ەتۋ قىزمەتىن وتەدى، كەيدە مالشىلارعا كومەكتەسىپ مال قايىردى.

  بەستەرەك اۋىلى قىستاۋلىعىنىڭ مالشىسى باعيا تولەگەن ۇلى بىلاي دەدى: ٴار جىلى كوكتەمگى كوشى-قون مەزگىلىندە اۋىلداعى ساقشى بولىمشەسى مەن قاتىناس ساقشى ۇلكەن اترەتىندەگى جولداستار بىزگە جارىق شاعىلىستىرۋ كيىمىن تاراتادى. بيىل ولار الاىن-الا تاۋعا شىعىپ، جول جاعدايىن بارلاپ، بىزگە ماسكى، ٴدارى ـ دارمەك تاراتىپ بەردى، باستان-اياق بىزبەن بىرگە بولدى، ٴبىز وتە الاڭسىز بولدىق.

  ۇعىسۋعا قاراعاندا، كەزەكتە كوشى-قوننىڭ قاۋرت مەزگىلى بولعاندىقتان، جەمەنەي اۋداندىق قوعام حاۋىپسىزدىگى مەكەمەسى قاراستى رايونداعى مەملەكەت جولى 217 - لەنياسى، مەملەكەت جولى 219 - لەنياسى، ولكە جولى 319 - لەنياسى، ولكە جولى 217 - لەنياسىنىڭ بويىنان جانە مال شارۋاشىلىق رايونىندا «مالشىلاردىڭ كوشى-قونىنا قىزمەت وتەۋ اترەتىن» قۇرىپ، الداعى زور كولەمدى كوشى-قون قىزمەتىنە كەپىلدىك ەتەدى ەكەن. سونىمەن بىرگە، جىلجىمالى قىزمەت وتەۋ اۆتوموبيلىن قۇرىپ، بۇقارانى ىستىق شايمەن، ىستىق ازىقپەن قامدايدى.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى