«شاعىن دۇكەن ەكونوميكاسى» التاي قالاسى ەكونوميكاسىنىڭ دامۋىنا ومىرشەڭدىك كۇش قوستى

  بۇگىن سىزدەردى ەرتىپ التاي قالاسىنداعى شاعىن دۇكەندەردى ارالاپ، التاي قالاسىنداعى «شاعىن دۇكەن ەكونوميكاسى» مەن ء وسىدان تۋىنداعان قالانىڭ باۋراۋ قۋاتىن سەزىنەيىك

  20 جىل سالقىن كەسپە دۇكەنىن اشىپ، تاباندىلىعىنىڭ ارقاسىندا سالقىن كەسپە كاسىپ تىزبەگىن قالىپتاستىردى؛ جاڭادان گۇلدەنگەن نان دۇكەنى ىقلاستى قىزمەت وتەۋ ارقىلى ٴداستۇرلى تيجارات تاسىلىنە بۇرىلىس جاساپ تىڭ جول اشتى؛ ادەتتەگى جەرگىلىكتى ەرەكشە ونىمدەر دۇكەنى ۇقىپتىلىقتىڭ ارقاسىندا باسەكەلەستەرىنەن وزىپ بيىكتەن بوي كورسەتتى . . . التاي قالالىق ارالىقسىز ءۇنحات تەكشەسى «جۇڭگوداعى قارلى مەكەن التاي جانە شاعىن دۇكەن ەكونوميكاسى» اتتى ارناۋلى تاقىرىپتاعى جەلىلەس حابار شىعاردى.

  وسى جەلىلەس حاباردان ٴبىز بۇل قالانىڭ كومەسكى كۇشىن سەزىنە الامىز. كەلەسى قادامدا التاي قالاسى نازارىن قالا قۇرىلىسى، ساياحات ەكونوميكاسى، كەدەيلىكتەن ارىلتۋدان قامال الۋ سياقتى جاقتارعا اۋداردى.

  ۇعىسۋعا قاراعاندا، التاي قالاسىنىڭ «شاعىن دۇكەن ەكونوميكاسى» اتتى جەلىلەس حابار شىعارۋى مەملەكەتتىڭ ەكونوميكالىق دامۋ اۋقىمىنا سايكەسۋ ء ۇشىن ەكەن. 2019 – جىلى 12-ايدىڭ 19 – كۇنى جىفۋباۋ مەن توراپ ساۋدا بانكەسى بىرلەسىپ جاريالاعان « 2019 – جىلعى جۇڭگونىڭ شاعىن دۇكەن ەكونوميكاسىنىڭ دامۋ جاعدايى جونىندەگى كورسەتكىشتە» كورسەتىلۋىنشە، 2019 – جىلى توراپ دۇكەنى، جول شەتىندەگى دۇكەن، جول شەتىندەگى جايما سياقتىلاردان قۇرالعان ء تۇرلى جۇڭگو شاعىن دۇكەندەرىنىڭ ەكونوميكالىق ومىرشەڭدىگى مەن اقاۋسىزدىق دارەجەسى مەجەدەگىدەن اسىپ كەتكەن.

  2019- جىلى 12-ايدىڭ 30 –كۇنى اشىلعان مەملەكەتتىك كەڭەستىڭ ۇنەمىلىك ىستەر ماجىلىسىندە، لي كىچياڭ زۇڭلي مىنانى اتاپ كورسەتتى: اناعۇرلىم باعىتتامالى ساياسات شارالار ارقىلى ’شاعىن دۇكەن ەكونوميكاسىن‘ دامىتىپ، اناعۇرلىم كوپ جۇمىستانۋ ورايىن جاراتىپ، جۇرتتى وزىنە باۋرايتىن، وزىندىك ەرەكشەلىگى كۇشتى، مادەنيەت نەگىزى بار ٴبىر توپ جاياۋلار كوشەسىنىڭ قالىپتاسۋىن جەبەۋ كەرەك.

  شاعىن دۇكەن دەپ قانداي دۇكەندەردى ايتامىز؟ شاعىن دۇكەن شارۋاشىلىعى دەگەن نە؟ «2019-جىلعى جۇڭگونىڭ شاعىن دۇكەن ەكونوميكاسىنىڭ دامۋ جاعدايى جونىندەگى كورسەتكىشتە» ونىڭ تيپتىك ەرەكشەلىگى بەينەلەنگەن: شاعىن دۇكەندەردىڭ كوبىنىڭ كۇندىك ساۋداسى 30 مىڭ يۋاننان تومەن بولادى، شاعىن دۇكەننىڭ جارىمىنان كوبىنىڭ قىزمەتكەرى 5 كە جەتپەيدى.

  جۋىرداعى جىلداردان بەرى، التاي قالاسى ساياحات كاسىبىنىڭ قارىشتاپ دامۋىن بەلسەنە ىلگەرىلەتتى، وعان سايكەس كەلەتىن اس-سۋ كاسىبى، بولشەك ساتۋ، دەمالىستىق ساياحات، تۇرعىندارعا قىزمەت وتەۋ سەكىلدى سايكەستى ەكونوميكالىق كاسىپ كۇيى تەز جانداندى. التاي قالاسىنىڭ مادەنيەت جولى، ىنتىماق جولى، 500 شاقىرىمدىق سالت - سانا كوشەسى سياقتى جەرلەرگە ورنالاسقان نەشە مىڭ دۇكەن وزدەرىنە ءٴتان تيجارات ۇلگىسى ارقىلى وسى قالانىڭ سان الۋان سالت - سانا ەرەكشەلىگى مەن ساۋدا وركەنيەتىن ايگىلەدى. سونىمەن بىرگە، وسى شاعىن دۇكەندەر نەشە ون مىڭ ادامنىڭ جۇمىستانۋ ماسەلەسىن شەشتى.

  شاعىن دۇكەن ەكونوميكاسىنىڭ دامۋىن سۇيەمەلدەۋ ء ۇشىن التاي قالاسى «ايگىلى دۇكەندەردى» كۇش سالا تانىستىرىپ، « كونە دۇكەن»، «ايگىلى تاعام» سياقتى باعالاۋ قيمىلدارىن وتكىزدى. ەرەكشە شاعىن دۇكەندەردى سۇيەمەلدەۋ ساياساتىن اتقارىپ، شاعىن دۇكەندەردىڭ ءبىر-بىرىنە سۇيەنىپ دامۋىنا ٴتيىمدى كاسىپ باقشاسىن قۇردى.

  «شاعىن دۇكەن ەكونوميكاسى» التاي قالاسى جونىنەن العاندا قالا كورىنىسىنىڭ ء ٴبىر بولەگى ءٴارى ەكونوميكالىق دامۋدىڭ قوزعاۋشى كۇشىنىڭ ء ٴبىرى سانالادى.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى