بازار باقىلاپ ـ باسقارۋ تاراۋلارى مەكتەپ اۋلاسىنىڭ ازىق ـ تۇلىك حاۋىپسىزدىگىن تەكسەردى

  التاي گازەتىنىڭ ءتىلشىسى ياڭ ۋيشۋان، پراكتيكانت گۇزال حابارلايدى. جۋىردا كۇنى التاي قالالىق بازار باقىلاپ ـ باسقارۋ مەكەمەسى مەكتەپ اۋلاسى ماڭىنداعى ازىق ـ تۇلىكتىڭ حاۋىپسىزدىگىن ارناۋلى تەكسەرۋ قيمىلىن ورىستەتىپ، قاراستى رايونداعى مەكتەپ جانە مەكتەپ ماڭىنداعى ازىق ـ تۇلىك حاۋىپسىزدىگىنە قاراتا تەكسەرۋ جۇرگىزىپ، جاڭا وقۋ ماۋسىمىنداعى مەكتەپ اۋلاسى جانە مەكتەپ اۋلاسى ماڭىنداعى ازىق ـ تۇلىك حاۋىپسىزدىگىنە بولعان باقىلاپ ـ باسقارۋدى كۇشەيتتى.

  زاڭ اتقارۋشى قىزمەتكەرلەر مەكتەپ اۋلاسى ماڭىنداعى دۇكەن، ازىق ـ تۇلىك تولايىم ساتۋ دۇكەندەرىن تەكسەرۋ وبيەكتىسى ەتىپ، تيجاراتشىلاردىڭ ۋاقىتى وتكەن، ساپاسى وزگەرگەن، ماركاسى تولىمسىز زاتتاردى ساتقان ـ ساتپاعاندىعى، وندىرىلگەن ۋاقىتى جوق، ساپا تولىمدىلىق بەلگىسى جوق، زاۆود ادرەسى جوق ازىق ـ تۇلىكتەردىڭ بار ـ جوقتىعى جانە دۇكەن يەسىنىڭ زات كىرگىزۋ ەستەلىگى، سالاماتتىق كۋالىگى بار ـ جوقتىعى قاتارلى ماسەلەنى نەگىز ەتىپ تەكسەردى. تەكسەرۋ بارىسىندا زاڭ اتقارۋشى قىزمەتكەرلەر بايقالعان ماسەلەگە قاراتا تيجاراتشىلاردان تولىمسىز تاۋارلاردى سورەدەن الىپ تاستاۋدى، ساتپاۋدى تالاپ ەتتى.

  التاي قالالىق بازار باقىلاپ ـ باسقارۋ مەكەمەسى ءبىرىنشى بولىمشە مەكەمەسىنىڭ قىزمەتكەرى ارزىگۇل روزى بىلاي دەدى: ”وسپىرىمدەرگە شاما بار باعاسى ارزان جەمەكتىكتەردى ساتىپ الماۋدى ەسكەرتەمىز، مۇنداي ازىق ـ تۇلىكتەردەن ۇلگى الىپ تەكسەرۋدە تولىمدىلىعى بىرشاما تومەن، ازىق ـ تۇلىك قوسپاسىنان بەتالدى پايدالانۋ قاتەرى جوعارى، ازىق ـ تۇلىك حاۋىپسىزدىك قاتەرىنەن ساقتانۋ قيىن. ەگەر قاتىستى ازىق ـ تۇلىك حاۋىپسىزدىك ماسەلەسى بايقالسا، قالا تۇرعىندارىنىڭ دەركەزىندە اشكەرەلەۋ تەلەفونى 12315 نومىرىنە حابارلاسۋىنا بولادى“.

  بۇل رەتكى ارناۋلى تەكسەرۋ قيمىلىنا 12 زاڭ اتقارۋشى قىزمەتكەر ات سالىسىپ، جيىنى 55 دۇكەندى تەكسەرىپ، رەتكە سالىپ، تۇزەتۋ ۇقتىرۋىنان ەكەۋىن ءتۇسىردى.

جاۋاپتى رەداكتور: ءاننا اكىمقان قىزى