شارۋالارعا ەرىكتى قىزمەت وتەدى

  

ەرىكتى ءتىلشى فۋ شۋان، ليۋ داتيان، نۇرلاش حابارلايدى. ”سۋرەتتەگى ەسكەرتۋ وتە ايقىن، ادەتتە، كوبىرەك باقىلاپ، سالىستىرىپ وتىرۋىمىز كەرەك“ ـ دەدى 3 ـ ايدىڭ 19 ـ كۇنى كوكتوعاي اۋداندىق ءادىليا مەكەمەسىنىڭ قاراتۇڭكە قالاشىعى قىزىلقۇدىق قىستاعىندا تۇراتىن قىزمەت اترەتىنىڭ ورىنباسار باستىعى، ەرىكتى شىڭ لي كوكونىس ەگەتىن وتباسى لي اينيڭعا قياردا بولاتىن دەرت ـ دەربەزدىڭ الدىن الۋ ىستەرىن تاپسىرىپ جاتىپ.

  كوكتەمگى ەگىس جۇمىسى باستالۋ الدىندا، كوكتەمگى ەگىستىڭ ءساتتى ءجۇرىلۋىن كۇش سالا قامتاماسىزداندىرۋ ءۇشىن، كوكتوعاي اۋداندىق ءادىليا مەكەمەسىنىڭ قاراتۇڭكە قالاشىعى قىزىلقۇدىق قىستاعىندا تۇراتىن قىزمەت اترەتى قىستاقتا تۇراتىن كادرلاردى، قىستاق ”ەكى كوميتەتى“ القاسىن جانە پارتيا مۇشەلەرىنىڭ ۇلگى كورسەتۋ وتباسىلارىن، ”جەرگىلىكتى مامانداردى“ ۇيىمداستىرىپ، قىزىلقۇدىق قىستاعىنىڭ ەگىن شارۋاشىلىق وندىرىسىنە ەرىكتى قىزمەت وتەۋ اترەتىن قۇرىپ، “وتباسىلارىنا بارۋ، تەحنيكا جەتكىزۋ، وندىرىسكە كەپىلدىك ەتۋ” ەرىكتى قىزمەت وتەۋ قيمىلىن ورىستەتىپ، ەرىكتىلەر وتباسىلارىنا، اتىز ـ ارىق باسىنا بارىپ دەرت ـ دەربەزدەن ساقتانۋ جانە ونى جويۋ، اتىز ـ ارىق باسقارۋ قاتارلى بىلىمدەردى ءتۇسىندىرىپ، تەحنيكا جەتكىزىپ، بۇقاراعا قىزمەت وتەدى.

  قىستاق تۇرعىنى لي اينيڭ جىلىجايدا كوكونىس ەگىپ كىرىسىن ارتتىرىپ، تۇرمىسى بارعان سايىن جاقساردى. ەگىمشىلىك جىل شەگىنىڭ ارتۋىنا بايلانىستى، كوكونىس دەرت ـ دەربەزىنىڭ تۋىلۋ مولشەرى دە بارعان سايىن جوعارىلادى. بۇل ماسەلەگە باس قاتىرىپ وتىرعان كەزدە ەرىكتى قىزمەت وتەۋ اترەتى ونىڭ جىلىجايدا كوكونىس ەگۋىنە جەتەكشىلىك ەتىپ، ورگانيكالىق تىڭايتقىشتى پايدالانۋ قاتارلى ءبىر قىدىرۋ تەحنيكالىق قيىن ماسەلەلەردى شەشتى.

  لي اينيڭ بىلاي دەدى:”ەرىكتىلەرگە راقىمەت، ولاردىڭ جەتەكشىلىگىندە كوپتەگەن بىلىمدەردى يگەردىم، كوكونىس ەگۋگە بولعان سەنىمىم دە ارتا ءتۇستى“.

  قىزمەت اترەتىنىڭ ۇگىتتەۋ، جەتەكشىلىك ەتۋىندە ىندەتتەن ساقتانۋ ـ تىزگىندەۋ قاتارلى قىزمەتتەردى ويداعىداي ىستەۋمەن بىرگە، ەگىن ـ مال شارۋاشىلىق ءوندىرىسىن قالپىنا كەلتىرۋدى كۇش سالۋ ءتۇيىنى ەتىپ، قىستاقتا تۇراتىن كادرلاردىڭ، پارتيا مۇشەلەرىنىڭ ۇلگى كورسەتۋ وتباسىلارىنىڭ ۇلگى كورسەتۋ، تەحنيكالىق جاقتان جەتەكشىلىك ەتۋ رولىن تولىق ساۋلەلەندىرىپ، ەگىن ـ مال شارۋاشىلىق ءوندىرىسىنىڭ ءبىرىنشى شەبىنە بارىپ ەرىكتى قىزمەت وتەپ، قىستاق تۇرعىندارىنىڭ كوكتەمگى ەگىسكە قامدانۋىنا، اۋىل شارۋاشىلىق ماتەريالدارىن دايىنداۋىنا جەتەكشىلىك ەتتى.

جاۋاپتى رەداكتور: ءاننا اكىمقان قىزى