اعاجاي-التاي تورابى   ›   اقپارات ايدىنى   ›   سۋرەتتى حابارلار

ەكونوميكالىق، قوعامدىق ءتارتىپتىڭ جالپى بەتتىك قالپىنا كەلۋ تاماشا جاعدايىن بەكەمدەپ، كەڭەيتىپ، ورايدى مىقتى يگەرىپ، ءتيىمدى جاعدايدان پايدالانىپ العا ۇمتىلىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك

چىن چۋانگو ءۇرىمجى قالاسىندا جۇمىستى، ءوندىرىستى قالپىنا كەلتىرۋ قىزمەتىن تەكسەرىپ - زەرتتەگەندە بىلاي دەپ باسا دارىپتەدى

ەكونوميكالىق، قوعامدىق ءتارتىپتىڭ جالپى بەتتىك قالپىنا كەلۋ تاماشا جاعدايىن بەكەمدەپ، كەڭەيتىپ، ورايدى مىقتى يگەرىپ، ءتيىمدى جاعدايدان پايدالانىپ العا ۇمتىلىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك

3 - ايدىڭ 24 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا جۇمىستى، ءوندىرىستى قالپىنا كەلتىرۋ قىزمەتىن تەكسەرىپ - زەرتتەدى. سۋرەتتە: چىن چۋانگو گۋاڭچي توبى اۆتوكولىك شەكتى سەرىكتەستىگى شينجياڭ بولىمشە سەرىكتەستىگىنىڭ جالپى تۇلعالىق قۇراستىرۋ سەحىندا كاسىپورىننىڭ ءوندىرىس قۋاتى، جۇمىسشىلاردىڭ جۇمىس ورنىنا ورالۋى جانە كاسىپورىندارعا تيىمدىلىك جاساۋ ساياساتىنىڭ تياناقتانۋ جاعدايىن تاپتەشتەي ۇعىستى. □ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 3 - ايدىڭ 24 - كۇنى ۇرىمجىدەن حابارلايدى. 3 - ايدىڭ 24 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا جۇمىستى، ءوندىرىستى قالپىنا كەلتىرۋ قىزمەتىن تەكسەرىپ - زەرتتەدى. ول بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ورايدى مىقتى ۇستاپ، شىنايى يگەرىپ، ناقتى ىستەپ، ءتيىمدى جاعدايدان پايدالانىپ العا ۇمتىلىپ، بۇكىل رايوننىڭ ەكونوميكالىق، قوعامدىق ءتارتىبىنىڭ جالپى بەتتىك قالپىنا كەلۋ تاماشا جاعدايىن ۇزدىكسىز بەكەمدەپ جانە كەڭەيتىپ، تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن بار كۇشپەن ورىنداۋ كەرەك.

  چىن چۋانگو گۋاڭچي توبى اۆتوكولىك شەكتى سەرىكتەستىگىنىڭ شينجياڭ بولىمشە سەرىكتەستىگىنە كەلىپ، اۆتوكولىك قۇراستىرۋ ۇلاسپالى جەلىسىنە بارىپ، قۇراستىرۋ، تەكسەرۋ - ولشەۋ، جولدا جۇرگىزىپ سىناۋ سياقتى ءوندىرىس ءتارتىبىن كورىپ، كاسىپورىننىڭ ءوندىرىس قۋاتى، جۇمىسشىلاردىڭ جۇمىس ورنىنا ورالۋى جانە كاسىپورىندارعا تيىمدىلىك جاساۋ ساياساتىنىڭ تياناقتانۋ جاعدايىن تاپتەشتەي ۇعىسىپ، كاسىپورىندى بازار سۇرانىسىمەن دالمە - ءدال ۇشتاسىپ، كاسىپ سالاسىنىڭ دامۋ اۋقىمىن يگەرىپ، ءوندىرىس قۋاتىن كەڭەيتىپ، ءونىم مولشەرىن ارتتىرۋدى بەلسەنە ىلگەرىلەتىپ، ساپالى، قۋاتتى بولۋعا قۇلشىنۋعا شابىتتاندىردى. چىن چۋانگو بىلاي دەپ اتاپ كورسەتتى: بۇكىل رايوننىڭ ەكونوميكالىق، قوعامدىق ءتارتىبىنىڭ جاپپاي قالپىنا كەلۋ ابزالدىلىعىن شىنايى يگەرىپ، ويداعىداي پايدالانىپ، اناعۇرلىم ۇتىمدى شارا، اناعۇرلىم جوعارى ءونىمدى ستيل ارقىلى جۇمىستى، ءوندىرىستى قالپىنا كەلتىرۋ ونىمدىلىگىنىڭ جاپپاي ارتۋىن ىلگەرىلەتىپ، كاسىپورىننىڭ ءوندىرىس قۋاتى مولشەرىنە جەتۋىن جوعارىلاتۋ كەرەك. دامۋ تاسىلىنە جەدەل بۇرىلىس جاساپ، ارتۋ قوزعاۋشى كۇشىن جاڭالاپ، بازاردىڭ جاڭا سۇرانىسىن، دامۋ جاڭا بەتالىسىن ءدال كوزدەپ، عىلىم - تەحنيكادا جاڭالىق اشۋ تەبىنىن ارتتىرىپ، جۇمىستى، ءوندىرىستى قالپىنا كەلتىرۋ مەن تيبىن جاڭالاپ، دارەجەسىن ءوسىرۋدىڭ تەڭ قادامدا ىلگەرىلەۋىن جۇزەگە اسىرۋ؛ جۇمىستى، ءوندىرىستى جاپپاي قالپىنا كەلتىرۋدى بەلسەنە ىلگەرىلەتىپ، كاسىپ سالاسى تىزبەگىنىڭ، قامداۋ تىزبەگىنىڭ، زات اينالىمى تىزبەگىنىڭ جاپپاي سايكەسە دامۋىن جەبەپ، ءتۇيىندى كاسىپ سالاسى مەن ءتۇيىندى كاسىپورىنداردىڭ ءوندىرىستى، كەڭەيۋدى ورنىقتىرۋىن، ءوندىرىس قۋاتىنا، ونىمدىلىككە جەتۋىن ىلگەرىلەتۋ؛ كاسىپورىنداردىڭ دامۋىن بار كۇشپەن قولداپ، كاسىپورىننىڭ قاجەتىن ەسكەرىپ، ستيلگە بۇرىلىس جاساپ، دالمە - ءدال قىزمەت وتەپ، ءتۇرلى قولداۋ ساياساتىن جاپپاي تياناقتاندىرىپ، كاسىپورىننىڭ جەدەل دامۋىنا، اقاۋسىز دامۋىنا دەم بەرۋ كەرەك.

  ءۇرىمجى ەكونوميكالىق، تەحنيكالىق اشۋ رايونىنىڭ زەردەلى تەرمينال ەلەكتروندى كاسىپ سالاسى باقشاسى نىسان قۇرىلىسى جۇمىس باسىندا زاۆود ۇيلەرىنىڭ قۇرىلىسى دۋماندى جۇرگىزىلىپ، ءوندىرىس جەلىسىن قۇراستىرۋ قاۋىرت، ءتارتىپتى ءجۇرىلىپ جاتتى. چىن چۋانگو باقشا رايونىنا كىرىپ، نىساننىڭ ىلگەرىلەۋ، ونىمدەردىڭ ساتىلۋ، جۇمىستانۋدى جەبەۋ جاعدايىن ۇستىندە ۇعىستى. ول بىلاي دەپ اتاپ كورسەتتى: نىسان قۇرىلىسىنىڭ ”تىزگىنىن“ مىقتاپ ۇستاپ، نىسان ارقىلى دامۋ تاسىلىنە بۇرىلىس جاساۋدى جەتەكتەپ، جوعارى ساپالى دامۋعا تىرەك بولىپ، ەكونوميكالىق، قوعامدىق دامۋعا سەرپىندى قوزعاۋشى كۇش ۇستەۋ كەرەك. مەملەكەتتىڭ كاسىپ سالاسى ساياساتىن كوزدەپ، مەملەكەتتىڭ كەلەلى ستراتەگياسىن، كەلەلى جوباسى مەن كەلەلى ساياساتىن ارقاۋ ەتىپ، ءتۇيىندى نىسان قۇرىلىستارىن جاپپاي جوسپارلاپ، جوعارى ونىمدىلىكپەن ىلگەرىلەتىپ، سالىنىپ جاتقان نىساندار مەن تىڭنان جۇمىس باستاعان نىسانداردىڭ قارقىنىن تەزدەتىپ، جىلدامدىعىن ارتتىرۋىن، تياناقتانىپ ونىمدىلىك كورسەتۋىن بار كۇشپەن ىلگەرىلەتىپ، ”ءبىر توبىن سالۋ، ءبىر توبى جۇمىس باستاۋ، ءبىر توبىن دايىنداۋ“ ۇتىمدى اينالىمىن قالىپتاستىرۋ كەرەك. نازاردى ءتۇيىندى سالالار مەن جەتەكشى كاسىپ سالاسىنا شوعىرلاندىرىپ، ۇلگىدە جاڭالىق اشىپ، شارانى كۇشەيتىپ، مەحانيزمدى كەمەلدەندىرىپ، ساۋداگەر شاقىرىپ، قارجى باۋراۋ تەبىنىن ارتتىرىپ، حالىقتىق قارجى قوسۋشىلاردىڭ بەلسەندىلىگىن تولىق جۇمىلدىرىپ، دالمە - ءدال قارجى قوسۋدى، ۇتىمدى قارجى قوسۋدى كەڭەيتۋ كەرەك. ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋدى تۇتقا ەتىپ، كەلەلى نىسان فاكتورلارىمەن قامتاماسىز ەتۋ مەحانيزمىن جەدەل كەمەلدەندىرىپ، مۇمكىندىكتىڭ بارىنشا قارقىنعا، ساپاعا، حاۋىپسىزدىككە كەپىلدىك ەتىپ، نىسانداردىڭ ەرتە سالىنۋىن، ەرتە ءبىتۋىن، ەرتە وندىرىسكە قوسىلۋىن، ەرتە ونىمدىلىك بەرۋىن شىنايى قامتاماسىز ەتۋ كەرەك.

  شينجياڭ حالىقارالىق ۇلكەن بازارىندا، چىن چۋانگو جىبەك جولى ءساندى كيىم - كەشەك كورمە اۋماعىنا، وڭتۇستىك شينجياڭ، سولتۇستىك شينجياڭ جەمىس - جيدەك بازارىنا، مەملەكەت دارەجەلى مادەنيەت كاسىپ سالاسىنان ۇلگى كورسەتۋ اۋماعى جاياۋلار كوشەسىنە بارىپ، ساۋداگەرلەردىڭ احۋالىن ۇعىسىپ، ساياحات، ساۋدا - ساتتىق، كيىم - كەشەك كاسىبى سياقتىلاردىڭ قالپىنا كەلۋ جاعدايىن كوزدەن كەشىردى. ”كەلگەن ساياحاتشىلار كوپ پە؟“، ”تاياۋدان بەرگى كىرىستەرىڭىز قالاي؟“، ”تيجاراتتا تاعى قانداي قيىنشىلىقتارىڭىز بار“... چىن چۋانگو ساۋداگەرلەرمەن ىقىلاسپەن اڭگىمەلەسىپ، تيجارات احۋالىن تاپتەشتەي ۇعىستى. ول بىلاي دەپ باسا دارىپتەدى: ساياساتتىق سۇيەمەلدەۋدى كۇشەيتىپ، قىزمەت وتەۋ ساپاسىن جوعارىلاتىپ، تۇتىنۋ قامداۋىن مولايتىپ، ۇگىتتى، تانىستىرۋدى كۇشەيتىپ، ساياحات، ساۋدا - ساتتىق، قىزمەت وتەۋ كاسىبىنىڭ جاپپاي گۇلدەنۋىن ىلگەرىلەتىپ، بۇكىل رايون ەكونوميكاسىنىڭ جوعارى ساپالى دامۋىنا جاڭا قوزعاۋشى كۇش قوسۋ كەرەك. ءتۇرلى بازار نەگىزگى تۇلعالارىنىڭ بەلسەندىلىگىن اناعۇرلىم جۇمىلدىرىپ، ساۋدا سارايى، ەرەن بازار، اس - سۋ، كوڭىل اشۋ سياقتى سالالاردىڭ جاعدايعا قاراي تيجارات ۋاقىتىن ۇزارتۋىنا شابىت بەرىپ، كەشكى ەكونوميكانى بارىنشا دامىتىپ، ەكونوميكانىڭ ومىرشەڭدىك كۇشىن جاپپاي قاۋلاتۋ؛ تۇتىنۋ سەنىمىن ونان ارى ارتتىرىپ، قالپىنا كەلتىرۋ سيپاتتى، تولىقتاما سيپاتتى تۇتىنۋدىڭ التىن مەزگىلىن مىقتى ۇستاپ، ويداعىداي پايدالانىپ، تۇتىنۋ سۇرانىسىن بەلسەنە اشىپ، تۇتىنۋ كومەسكى كۇشىن جارىققا شىعارىپ، جاڭا تۇتىنۋ ورلەۋىن جەدەل جەتىلدىرۋ؛ زەيىن - زەردەنى، سۇيىسپەنشىلىكتى، كۇش - قۋاتتى اناعۇرلىم جۇمساي وتىرىپ قىزمەت وتەۋدى ويداعىداي ىستەپ، كاسىپورىندار مەن ساۋداگەرلەردىڭ قيىنشىلىعىن بەلسەندىلىكپەن ازايتىپ، شەشىپ، ساياحات، اس - سۋ، ساۋدا - ساتتىق سياقتى قىزمەت وتەۋ كاسىبىنىڭ تىرشىلىك تىنىسى مەن ومىرشەڭدىك كۇشىن جاپپاي قالپىنا كەلتىرۋ كەرەك.

  اۆتونوميالى رايوننىڭ باسشىلارىنان شۇي حايرۇڭ، جاۋ چيڭ قاتارلىلار بىرگە تەكسەرىپ - زەرتتەۋدە بولدى.

جاۋاپتى رەداكتور : ءاننا اكىمقان قىزى