اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي قالاسى گەنارال تاۋى شاڭعى الاڭىندا ٴتورت ماۋسىمدا دا شاڭعى تەبۋگە بولاتىن بولدى

 

 ٴءتىلشىمىز قۇرمانگۇل جەڭىسبەك قىزى حابارلايدى:

  3 - ايدىڭ 22 - كۇنى شاڭعى اۋەسكەرلەرى التاي قالاسى گەنارال تاۋى قار شاڭعى الاڭىنداعى سۋلياۋ سەكىلدى وزگەشە ماتەريالدان جاسالعان شاڭعى جولىندا سىناق رەتىندە شاڭعى تەپتى

  بۇل شاڭعى تەبۋدىڭ ەندىگارى ۋاقىت پەن كەڭىستىكتىڭ شەكتەمەسىنە ۇشىرامايتىن بولعانىن ءٴبىلدىردى

  «ادامزاتتىڭ شاڭعى ونەرى جارىققا شىققان جەر» التايدا ٴتورت ماۋسىمدا دا شاڭعى تەبۋگە بولاتىن بولدى

  سول كۇنى شاڭعى تەبۋشىلەر سىرعىما جولعا كەزەكتەسىپ شىقتى، ودان سوڭ سىرعاناپ تۇسىپ، وزگەشە ماتەريالدان جاسالعان شاڭعى جولىندا شاڭعى تەبۋدىڭ وزگەشە قىزىعىن سەزىندى.

  «بيىككە شىعىپ سىناپ كوردىك، وتە كەرەمەت ەكەن. التايدا قارسىز شاڭعى جولىندا شاڭعى تەبۋ ٴءبىز سياقتى قار شاڭعى اۋەسكەرلەرى ٴۇشىن وتە تاماشا كوڭىل اشۋ ٴتاسىلى سانالادى. التاي قالاسى گەنارال تاۋى قار شاڭعى الاڭىنىڭ نەگىزدىك قۇرىلعىلارىنىڭ ۇزدىكسىز كەمەلدەنگەنىن التايلىقتار ماقتانىش ەتەدى»،-دەدى التايداعى شاڭعى اۋەسكەرى سۇڭ فەييۇي.

  ۇعىسۋعا قاراعاندا، التاي قالاسى گەنارال تاۋى شاڭعى الاڭىنداعى قارسىز شاڭعى جولى سۋلياۋ سەكىلدى ماتەريال توسەلگەن شاڭعى جولى ەكەن. بۇل قازىرگى دۇنيەدەگى ەڭ وزىق «شانديانلەي» دەپ اتالاتىن ماتەريالدان جاسالعان، وسى ماتەريال ارقىلى كوپ ءتۇرلى شاڭعى جولىن جاساۋعا بولادى.

  وسى ماتەريال توسەلگەن جول ٴۇش ٴتۇرلى جاعدايدا پايدالانىلادى: وسىنداي شاڭعى جولىندا قۇرعاق كەزدە، دىمقىل كەزدە، قار تۇسكەندە سىرعاناۋعا بولادى. قۇرعاق جولدا سىرعاناعاندا ۇيكەلىس كۇشتى بولاتىندىقتان، قارقىن باياۋ بولادى، بۇل العاشقى ۇيرەنۋشىلەرگە ۇيلەسەدى؛ دىمقىل جول دەگەنىمىز ۇستىنە سۋ بۇركىلەدى، سۋ بۇركۋ ارقىلى جولدى مايدالاپ، شاڭعى تەبۋگە اناعۇرلىم ىڭعايلى شارت- جاعداي ازىرلەۋگە بولادى، بۇل تۇردەگى شاڭعى جولى ورتا، جوعارى دارەجەلى شاڭعى تەبۋشىلەرگە ۇيلەسەدى. قار تۇسكەن كەزدە سىرعاناۋ قىسقى قار شاڭعى جولىندا سىرعاناۋدى كورسەتەدى، سۋلياۋ سەكىلدى وزگەشە ماتەريالدان جاسالعان شاڭعى جولىنا جاساندى جولمەن قار جاۋدىرعاننا كەيىن نەمەسە تابيعي قار جاۋعاننان كەيىن، تىكەلەي شاڭعى تەبۋگە بولادى، قايتالاي رەتتەۋدىڭ قاجەتى جوق.

  التاي قالاسى گەنارال تاۋى قار شاڭعى الاڭى جوبالاۋ ٴبولىمىنىڭ مەڭگەرۋشىسى چىن ياڭنىڭ تانىستىرۋىنا قاراعاندا، التاي قالاسى گەنارال تاۋى قار شاڭعى الاڭىنداعى سۋلياۋ سەكىلدى ماتەريال جاتقىزىلعان شاڭعى جولى نەگىزدىك تەگىس سىرعىما جول، تولقىن فورماسىندا سىرعاناۋ جولى، ەركىن شاڭعى تەبۋ جولى، ورەلى شاڭعى تەبۋ ونەرىن كورسەتۋ جولى، ۇلكەن سەكىرمە سىرعىما جول سياقتى كوپ ٴتۇرلى سىرعىما جولداردان قۇرالعان، سىرعىما جولدىڭ ۇزىندىعى 90 مەتر، شىعۋ تەكشەسى 7 مەتر، ٴتۇسۋ تەكشەسى 15 مەتر، ۇيرەتۋ - تاماشالاۋ تەكشەسى 6 مەتر. قازىر نەگىزدىك سىرعىما جولدا سىناق رەتىندە شاڭعى تەبىلدى.

  چىن ياڭ بىلاي دەدى: سۋلياۋ سەكىلدى ماتەريالدان جاسالعان شاڭعى جولىنىڭ بەتى مايدا، ادامدى زاقىمدامايدى، حاۋىپسىز پايدالانۋعا بولادى. سەرپىمدىلىگى كۇشتى، سوققىعا ٴتوزىمدى بولىپ، شاڭعى تەبۋدىڭ ٴتۇرلى تەحنيكالىق ارەكەت قاجەتىن قاناعاتتاندىرا الادى. مەيلى سىرتقى ٴپىشىنى، دىبىسى، الدە فۋنكتسياسى بولسىن، تابيعي قارعا وتە جاقىن، ونىڭ ۇستىنە ورتانى قورعاۋ تالابىنا ۇيلەسەدى، زالالسىز. قار جاۋمايتىن ماۋسىمدا شاڭعى تەبۋشىلەرگە تاماشا شاڭعى تەبۋ ورتاسىن ازىرلەيدى. سونىمەن بىرگە، بۇل التاي ايماعىنداعى ورتا، باستاۋىش مەكتەپتەردىڭ ٴتورت ماۋسىمدا شاڭعى تەبۋگە جاتتىعۋ بازاسىنا اينالادى.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى