اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي ايماعىنداعى 90 مىڭنان استام ورتا، باستاۋىش مەكتەپ، ورتا دارەجەلى كاسىپتىك مەكتەپ وقۋشىلارى وقۋ باستادى

  تىلشىلەرىمىز قۇرمانگۇل جەڭىسبەك قىزى، دۇڭ شىجۇي، جۋ داندان حابارلايدى:

  3 - ايدىڭ 23 - كۇنى التاي ايماعىنداعى 219 مەكتەپتەگى 90 مىڭنان استام ورتا، باستاۋىش مەكتەپ، ورتا دارەجەلى كاسىپتىك مەكتەپ وقۋشىلارى رەسمي وقۋ باستادى

  سول كۇنى ٴتىلشى التاي قالالىق تاجىريبە باستاۋىش مەكتەبىنىڭ قاقپاسىنىڭ الدىندا دەنە تەمپەراتۋراسىن ولشەيتىن 6 ورىننىڭ انىق بەلگىلەنگەنىن كوردى. وقۋشىلار جول بەلگىسىن بويلاپ، سانالى تۇردە ارالىق ساقتاپ، مەكتەپ اۋلاسىنا تارتىپپەن كىردى، وقىتۋشىلار تاڭەرتەڭ ەرتە وقۋشىلاردىڭ الدىنان شىعىپ، دەنە تەمپەراتۋراسىن ولشەدى.

  «بۇگىن وقۋ باستاعان ٴبىرىنشى كۇن، ٴبىز وقىتۋشىلاردى مەكتەپكە ەرتە بارىپ، وقۋشىلاردىڭ دەنە تەمپەراتۋراسىن ولشەپ، ٴتارتىپتى ساقتاۋعا ورنالاستىردىق. وقۋ باستاۋدان بۇرىن، ٴتۇرلى دايىندىق قىزمەتتەردى تارتىپپەن ىلگەرىلەتىپ، ساباقحانا، تازالىق بولمەسى ت ب ٴتۇيىندى وڭىرلەردى جاپپاي ديزەنفەكسيالادىق. اۋا الماستىردىق، مەكتەپ ىشىندەگى سۋ، ەلەكتر، جىلۋ، ورتتەن ساقتانۋ سەكىلدى حاۋىپسىزدىك قۇرىلعىلارىن ٴبىر-بىرلەپ تەكسەرىپ، تۇزەتتىك، مەكتەپتىڭ حاۋىپسىز اينالىمىنا كەپىلدىك ەتتىك. بۇدان سىرت، وقىتۋشىلاردى قىزمەت ورنىنا قايتىپ تاربيەلەنۋگە، ساباق دايىنداۋعا بەلسەندى، ورنىقتى تۇردە ۇيىمداستىرىپ، ساباق باستالۋدان بۇرىن ۇيرەنۋ ماتەريالدارىنىڭ وقۋشىلاردىڭ قولىنا تيۋىنە، ٴءاربىر وقۋشىدا بىردەن كىتاپ بولۋىنا كەپىلدىك ەتتىك»،-دەدى التاي قالالىق تاجىريبە باستاۋىش مەكتەبى پارتيا باس ياچەيكاسىنىڭ شۋجيى جۋ جيڭ.

  ٴتىلشىنىڭ ۇعىسۋىنشا، مەكتەپتەر كونەنى جاڭاعا اۋىستىرۋ ٴتاسىلى بويىنشا، ٴار كۇنى وقۋشىلارعا اقىسىز ماسكا تاراتادى ەكەن. ٴار كۇنى تاڭەرتەڭ كلاس جەتەكشىسى جاڭا ماسكا تاراتۋمەن بىرگە كونە ماسكانى جيناپ الىپ، بەلگىلەنگەن قوقسىق ساندىعىنا ٴبىر تۇتاس تاستايدى. ٴاربىر ساباقحانادا ديزەنفەكسيالاۋ سۇيىقتىعى، دەنە تەمپەراتۋراسىن تەكسەرۋ اسپابى، تۇرگە ٴبولىپ تازالاۋعا قاجەتتى ورامال، وقۋشىلاردىڭ دەنەسى قىزسا تولتىراتىن كەستەسى سياقتى بۇيىمدار تولىق ازىرلەنىپ، وقۋشىلارعا تازا ۇيرەنۋ ورتاسىن جاراتۋعا كەپىلدىك ەتىلگەن.

  ايماقتىق 1 - تولىق ورتا مەكتەپ پارتكومىنىڭ مۇشەسى، ورىنباسار مەكتەپ باستىعى نۇرسەرىك جانبولات ۇلى بىلاي دەدى: مەكتەپكە قايتقان وقىتۋشى ـ وقۋشىلاردان تۇگەلدەي «وقىتۋشى ـ وقۋشىلاردىڭ دەنساۋلىق جاعدايىن تىزىمدەۋ كارتچكاسىن» تولتىرۋىن، دالمە ـ ٴدال تەكسەرۋدى، وقىتۋشى ـ وقۋشىلاردىڭ دەنساۋلىق جاعدايىن ٴبىر ـ بىرلەپ يگەرۋدى تالاپ ەتتىك. بارلىق ساباقحانادا ىندەتتەن ساقتانۋعا قاجەتتى بۇيىمدار قويىلاتىن ورىن ورنالاستىرىلدى، وقۋشىلار مەن وقىتۋشىلاردىڭ جەكەلىك تازالىقتى جانە ساباقحانا ىشىندەگى ديزەنفەكسيالاۋ قىزمەتىن دەر كەزىندە جاقسى ىستەپ، حاۋىپسىز، جايلى ۇيرەنۋ ورتاسىن بىرگە جاراتۋىنا مۇمكىندىك جاسادىق.

  وقۋ باستالعاننان كەيىن ايماعىمىزداعى مەكتەپتەر مەكتەپ اۋلاسىن بۇكىلدەي جابىق باسقارۋ ٴتۇزىمىن قاتاڭ اتقارىپ، قاتىسسىز ادامداردىڭ مەكتەپ اۋلاسىنا كىرۋىنە قاتاڭ تيىم سالدى؛ وقۋشىلاردى تۇرلىشە ۋاقىتتا وقىتۋ قىزمەتىن ورىستەتىپ، قىزمەتكەرلەردىڭ توپتالۋىنان ساقتانىپ، «تاڭەرتەڭگى، تۇسكى، كەشكى تەكسەرۋ» جانە «كۇندەلىكتى مالىمدەۋ، نولدىك مالىمدەۋ» ء ٴتۇزىمىن قاتاڭ اتقاردى.

  اۋدارعان: قىمبات قۇنتاي قىزى

جاۋاپتى رەداكتور : ءاننا اكىمقان قىزى